រដ្ឋធានីកូឡុំបូ (Colombo)៖ រហូតមកដល់ពេលនេះ ប្រទេសស្រីលង្កា បានជ្រើសរើសនាយករដ្ឋមន្ដ្រី ធ្លាប់កាន់តំណែងចំនួន៦អាណត្ដិ ឲ្យក្លាយប្រធានាធិបតីថ្មី ហើយកម្លាំងទាហានរបស់ប្រទេសនេះ ក៏បានឆ្មក់ចូលទៅបង្ក្រាប លើជំរំបាតុកម្ម ដែលតវ៉ាប្រឆាំងនឹងការដឹកនាំប្រទេស ឲ្យសេដ្ឋកិច្ចជាតិដួលរលំ។
សារព័ត៌មាន The Guardian បានចេញផ្សាយ កាលពីព្រឹក ថ្ងៃសុក្រ ទី២២ ខែកក្កដា ថា កម្លាំងយោធាស្រីលង្កា បានបង្ក្រាបទីតាំងតវ៉ា Gota Go Gama ហើយមនុស្ស ចំនួន៩នាក់ត្រូវបានគេរាយការណ៍ថា បានចាប់ខ្លួនពីកន្លែងតវ៉ាប្រឆាំងរដ្ឋាភិបាល។
ក្រុមអ្នកតវ៉ា បានអះអាងថា អំពើហិង្សាយ៉ាងឃោរ.ឃៅ បានកើតឡើង ក្រោយពេលកម្លាំងទាហានបានឆ្មក់ចូលទៅកាន់ទីតាំងតវ៉ាជាច្រើនកន្លែង នៅក្នុងរដ្ឋធានីកូឡុំបូ កាលពីព្រឹកព្រលឹម ថ្ងៃសុក្រ។ ជាមួយគ្នានេះដែរ កម្លាំងទាហានក៏បានចូលទៅគ្រប់គ្រង នៅក្នុងវិមានរបស់ប្រធានាធិបតី បន្ទាប់ពីមានការវាយប្រហារយ៉ាងព្រៃ.ផ្សៃ ទៅលើក្រុមអ្នកតវ៉ា។
ក្រៅពីនេះ ទាហានស្រីលង្កា ក៏បានបំផ្លិចបំផ្លាញតង់ នៅជំរំតវ៉ា GotaGoGama ដែលនៅជាប់គ្នា ហើយចាប់ខ្លួនមេដឹកនាំបាតុករ ជាច្រើននាក់ និង ឡោមព័ទ្ធជុំវិញតំបន់ទាំងនេះ ដោយរួមជាមួយនឹងបាតុករ ប្រហែល១០០នាក់ផងដែរ។ អំពើហិង្សាពីសំណាក់កម្លាំងទាហានស្រីលង្កា បានកើតឡើង តែប៉ុន្មានម៉ោង បន្ទាប់ពីក្រុមបាតុករបានដកខ្លួន ចេញពីជំរំ នៅមុខវិមាន Temple Trees ជាគេហដ្ឋានផ្លូវការរបស់នាយករដ្ឋមន្ត្រីស្រីលង្កា។ ក្រុមបាតុករ បានប្រកាសពីចេតនា ដកខ្លួនចេញពីវិមានប្រធានាធិបតីរួចហើយ នៅថ្ងៃទី ២២ ខែកក្កដា។
ការវាយប្រហារទៅលើកន្លែងតវ៉ានេះ បានកើតឡើង ក្រោយពេលលោក រ៉ានីល វិកក្រែមេសិងហេ (Ranil Wickremesinghe) ធ្លាប់ធ្វើជានាយករដ្ឋមន្ត្រី ចំនួន៦អាណត្តិ បានស្បថចូលកាន់តំណែងជាប្រធានាធិបតីថ្មីរបស់ប្រទេសស្រីលង្កា។ អ្នកស្នងតំណែងមុនរបស់គាត់ គឺ លោក ហ្គោតាបាយ៉ា រ៉ាចាប៉ាកសា (Gotabaya Rajapaksa) បានរត់ភៀសខ្លួន ចេញពីប្រទេស បន្ទាប់ពីការផ្ទុះការតវ៉ាដ៏ធំ អស់រយៈពេលជាច្រើនសប្តាហ៍ ជុំវិញការដួលរលំសេដ្ឋកិច្ចរបស់ប្រទេស និងការកើនឡើងនូវកំហឹងសាធារណៈ ចំពោះឥទ្ធិពលនយោបាយដ៏យូរអង្វែងរបស់គ្រួសារ Rajapaksa៕
សារព័ត៌មាន The Guardian បានចេញផ្សាយ កាលពីព្រឹក ថ្ងៃសុក្រ ទី២២ ខែកក្កដា ថា កម្លាំងយោធាស្រីលង្កា បានបង្ក្រាបទីតាំងតវ៉ា Gota Go Gama ហើយមនុស្ស ចំនួន៩នាក់ត្រូវបានគេរាយការណ៍ថា បានចាប់ខ្លួនពីកន្លែងតវ៉ាប្រឆាំងរដ្ឋាភិបាល។
ក្រុមអ្នកតវ៉ា បានអះអាងថា អំពើហិង្សាយ៉ាងឃោរ.ឃៅ បានកើតឡើង ក្រោយពេលកម្លាំងទាហានបានឆ្មក់ចូលទៅកាន់ទីតាំងតវ៉ាជាច្រើនកន្លែង នៅក្នុងរដ្ឋធានីកូឡុំបូ កាលពីព្រឹកព្រលឹម ថ្ងៃសុក្រ។ ជាមួយគ្នានេះដែរ កម្លាំងទាហានក៏បានចូលទៅគ្រប់គ្រង នៅក្នុងវិមានរបស់ប្រធានាធិបតី បន្ទាប់ពីមានការវាយប្រហារយ៉ាងព្រៃ.ផ្សៃ ទៅលើក្រុមអ្នកតវ៉ា។
ក្រៅពីនេះ ទាហានស្រីលង្កា ក៏បានបំផ្លិចបំផ្លាញតង់ នៅជំរំតវ៉ា GotaGoGama ដែលនៅជាប់គ្នា ហើយចាប់ខ្លួនមេដឹកនាំបាតុករ ជាច្រើននាក់ និង ឡោមព័ទ្ធជុំវិញតំបន់ទាំងនេះ ដោយរួមជាមួយនឹងបាតុករ ប្រហែល១០០នាក់ផងដែរ។ អំពើហិង្សាពីសំណាក់កម្លាំងទាហានស្រីលង្កា បានកើតឡើង តែប៉ុន្មានម៉ោង បន្ទាប់ពីក្រុមបាតុករបានដកខ្លួន ចេញពីជំរំ នៅមុខវិមាន Temple Trees ជាគេហដ្ឋានផ្លូវការរបស់នាយករដ្ឋមន្ត្រីស្រីលង្កា។ ក្រុមបាតុករ បានប្រកាសពីចេតនា ដកខ្លួនចេញពីវិមានប្រធានាធិបតីរួចហើយ នៅថ្ងៃទី ២២ ខែកក្កដា។
ការវាយប្រហារទៅលើកន្លែងតវ៉ានេះ បានកើតឡើង ក្រោយពេលលោក រ៉ានីល វិកក្រែមេសិងហេ (Ranil Wickremesinghe) ធ្លាប់ធ្វើជានាយករដ្ឋមន្ត្រី ចំនួន៦អាណត្តិ បានស្បថចូលកាន់តំណែងជាប្រធានាធិបតីថ្មីរបស់ប្រទេសស្រីលង្កា។ អ្នកស្នងតំណែងមុនរបស់គាត់ គឺ លោក ហ្គោតាបាយ៉ា រ៉ាចាប៉ាកសា (Gotabaya Rajapaksa) បានរត់ភៀសខ្លួន ចេញពីប្រទេស បន្ទាប់ពីការផ្ទុះការតវ៉ាដ៏ធំ អស់រយៈពេលជាច្រើនសប្តាហ៍ ជុំវិញការដួលរលំសេដ្ឋកិច្ចរបស់ប្រទេស និងការកើនឡើងនូវកំហឹងសាធារណៈ ចំពោះឥទ្ធិពលនយោបាយដ៏យូរអង្វែងរបស់គ្រួសារ Rajapaksa៕