រដ្ឋធានីវ៉ាស៊ីនតោន៖ រហូតមកដល់ពេលនេះ ប្រធានចារកម្មរបស់លោកខាងលិច បានមើលឃើញកម្លាំងទាហានរុស្ស៊ី ហាក់បីដូចជាអស់ថាមពល មិនអាចវាយរុល ចូលទៅមុខបន្ដទៀតធ្វើឲ្យសហរដ្ឋអាមេរិក កាន់តែដឹងច្បាស់ អំពីស្ថានភាពសង្គ្រាមនេះ ក៏បានប្រកាស អំពីកញ្ចប់ជំនួយយោធាបន្ថែម ជួយដល់ប្រទេសអ៊ុយក្រែន ធ្វើឲ្យកញ្ចប់ជំនួយយោធារបស់ក្រុងវ៉ាស៊ីនតោន កើនដល់៨ពាន់លានដុល្លារ ចាប់តាំងពីការផ្ទុះសង្គ្រាម កាលពីថ្ងៃទី២៤ ខែកុម្ភៈ រហូតមកដល់ពេលនេះ។
សារព័ត៌មាន CBS19 News បានចេញផ្សាយ កាលពីថ្ងៃទី២២ ខែកក្កដា ឆ្នាំ២០២២ ថា សហរដ្ឋអាមេរិក កំពុងតែបញ្ជូនជំនួយផ្នែកសន្តិសុខ ចំនួន២៧០លានដុល្លារបន្ថែមទៀត ជួយដល់ប្រទេសអ៊ុយក្រែន។ កញ្ចប់ជំនួយថ្មីនេះ នឹងរាប់រួមបញ្ចូលទាំងប្រព័ន្ធបាញ់រ៉ុក្កែត រយៈចម្ងាយមធ្យមបន្ថែម និង ដ្រូនយុទ្ធសាស្ត្រ។
សេតវិមាន បានប្រកាស កាលពីថ្ងៃសុក្រ ទី២២ ខែកក្កដា ថា សហរដ្ឋអាមេរិក នឹងបញ្ជូនកញ្ចប់ជំនួយបន្ថែម មានទំហំទឹកប្រាក់២៧០លានដុល្លារ ជួយដល់អ៊ុយក្រែន។ កញ្ចប់ជំនួយថ្មីនេះ នឹងធ្វើឲ្យជំនួយសន្ដិសុខរបស់ហរដ្ឋអាមេរិក បញ្ជូនទៅកាន់ប្រទេសអ៊ុយក្រែន ដោយរដ្ឋបាលរបស់លោក ចូ បៃដិន ប្រធានាធិបតីសហរដ្ឋអាមេរិក កើនដល់៨,២ពាន់លានដុល្លារសហរដ្ឋអាមេរិក។ ជំនួយយោធាដ៏មហាសាលនេះ ស្ថិតក្នុងកញ្ចប់ជំនួយសេដ្ឋកិច្ច និង សន្ដិសុខ មានទឹកប្រាក់ ៤០ពាន់លានដុល្លារ ត្រូវបានព្រឹទ្ធសភាសហរដ្ឋអាមេរិក អនុម័ត នៅក្នុងអំឡុងខែឧសភា កន្លងមកនេះ។
បើតាមលោក ចន ឃើរប៊ី (John Kirby) អ្នកសម្របសម្រួល សម្រាប់ទំនាក់ទំនងយុទ្ធសាស្ដ្ររបស់ក្រុមប្រឹក្សាសន្ដិសុខជាតិសហរដ្ឋអាមេរិក បានឲ្យដឹងថា កញ្ចប់ជំនួយថ្មីបន្ថែមនេះ រួមបញ្ចូលទាំងប្រព័ន្ធបាញ់រ៉ុក្កែត HIMARS ចំនួន៤គ្រឿង ហើយក្រុងវ៉ាស៊ីនតោន ក៏នឹងអនុញ្ញាតឲ្យក្រុងគៀវ អាចទិញដ្រូនបិសាចហ្វូនីក ប្រភេទ៥៨០ (580 Phoenix Ghost) ជាច្រើនគ្រឿងផងដែរ។ ប្រព័ន្ធអាវុធដ៏សំខាន់ទាំង២ប្រភេទនេះ នឹងជួយដល់កងទ័ពអ៊ុយក្រែនមានលទ្ធភាពប្រយុទ្ធយ៉ាងខ្លាំងក្លាបាន ថ្វីបើរុស្ស៊ីមានកាំភ្លើងធំច្រើនយ៉ាងណាក៏ដោយ។ ជំនួយយោធាចុងក្រោយនេះ ក៏រាប់បញ្ចូល ទាំងគ្រាប់កាំភ្លើងផ្លោង ចំនួន៣៦ ០០០គ្រាប់ និង ប្រព័ន្ធបាញ់រ៉ុក្កែត HIMARS បន្ថែមទៀត ។
លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 របស់ចក្រភពអង់គ្លេស បានថ្លែង នៅក្នុងវេទិកាសន្តិសុខ Aspen រៀបចំឡើងក្នុង រដ្ឋខូឡូរ៉ាដូ កាលពីថ្ងៃព្រហស្បតិ៍ បានបញ្ជាក់ថា «ខ្ញុំគិតថា កម្លាំងទាហានរុស្ស៉ី នឹងផ្អាកការវាយប្រហារមួយរយៈសិន ដោយសារតែពួកគេអស់ ថាមពល ហើយនេះជាឱកាស សម្រាប់កងទ័ពអ៊ុយក្រែន វាយបកវិញ។ បច្ចុប្បន្ន កម្លាំងយោធារុស្ស៉ី អាចនឹងប្រឈមមុខ កាន់តែពិបាក ក្នុងការបង្កើនកម្លាំងកងទ័ព និង គ្រឿងបរិក្ខារយោធា។ ស្ថានភាពបែបនេះ អ៊ុយក្រែន មានលទ្ធភាពឈ្នះសង្គ្រាម ព្រោះកងទ័ពការពារទឹកដីរបស់ក្រុងគៀវ មានស្មារតីប្រយុទ្ធ និង មានការលើកទឹកចិត្ត ពីបណ្ដាប្រទេសលោកខាងលិច ហើយបន្តផ្ដល់នូវកិច្ចការគាំទ្រ ទាំងផ្លូវចិត្ត និងគ្រឿងសឹកទំនើបៗបន្ថែមទៀតផង។
លោក វីល្លៀម ប៊ឺនស៍ (William Burns) ប្រធាន CIA កាលពីថ្ងៃពុធ បានបញ្ជាក់ថា សហរដ្ឋអាមេរិក បានប៉ាន់ប្រមាណថា កម្លាំងទាហានរុស្ស៊ី ប្រហែល ១៥ ០០០នាក់ ត្រូវបានសម្លាប់ នៅក្នុងសង្គ្រាមនេះ។ ចំនួនស្លាប់របស់កងទ័ពរុស្ស៊ី នាពេលនេះ ស្មើនឹងកម្លាំងទាហានសូវៀត បានបាត់បង់ នៅក្នុងសង្គ្រាម នាទសវត្សរ៍ ១៩៨០ នៅក្នុងប្រទេសអាហ្វហ្គានីស្ថាន ដែលបានចំណាយពេលជិត១ទសវត្សរ៍៕
សារព័ត៌មាន CBS19 News បានចេញផ្សាយ កាលពីថ្ងៃទី២២ ខែកក្កដា ឆ្នាំ២០២២ ថា សហរដ្ឋអាមេរិក កំពុងតែបញ្ជូនជំនួយផ្នែកសន្តិសុខ ចំនួន២៧០លានដុល្លារបន្ថែមទៀត ជួយដល់ប្រទេសអ៊ុយក្រែន។ កញ្ចប់ជំនួយថ្មីនេះ នឹងរាប់រួមបញ្ចូលទាំងប្រព័ន្ធបាញ់រ៉ុក្កែត រយៈចម្ងាយមធ្យមបន្ថែម និង ដ្រូនយុទ្ធសាស្ត្រ។
សេតវិមាន បានប្រកាស កាលពីថ្ងៃសុក្រ ទី២២ ខែកក្កដា ថា សហរដ្ឋអាមេរិក នឹងបញ្ជូនកញ្ចប់ជំនួយបន្ថែម មានទំហំទឹកប្រាក់២៧០លានដុល្លារ ជួយដល់អ៊ុយក្រែន។ កញ្ចប់ជំនួយថ្មីនេះ នឹងធ្វើឲ្យជំនួយសន្ដិសុខរបស់ហរដ្ឋអាមេរិក បញ្ជូនទៅកាន់ប្រទេសអ៊ុយក្រែន ដោយរដ្ឋបាលរបស់លោក ចូ បៃដិន ប្រធានាធិបតីសហរដ្ឋអាមេរិក កើនដល់៨,២ពាន់លានដុល្លារសហរដ្ឋអាមេរិក។ ជំនួយយោធាដ៏មហាសាលនេះ ស្ថិតក្នុងកញ្ចប់ជំនួយសេដ្ឋកិច្ច និង សន្ដិសុខ មានទឹកប្រាក់ ៤០ពាន់លានដុល្លារ ត្រូវបានព្រឹទ្ធសភាសហរដ្ឋអាមេរិក អនុម័ត នៅក្នុងអំឡុងខែឧសភា កន្លងមកនេះ។
បើតាមលោក ចន ឃើរប៊ី (John Kirby) អ្នកសម្របសម្រួល សម្រាប់ទំនាក់ទំនងយុទ្ធសាស្ដ្ររបស់ក្រុមប្រឹក្សាសន្ដិសុខជាតិសហរដ្ឋអាមេរិក បានឲ្យដឹងថា កញ្ចប់ជំនួយថ្មីបន្ថែមនេះ រួមបញ្ចូលទាំងប្រព័ន្ធបាញ់រ៉ុក្កែត HIMARS ចំនួន៤គ្រឿង ហើយក្រុងវ៉ាស៊ីនតោន ក៏នឹងអនុញ្ញាតឲ្យក្រុងគៀវ អាចទិញដ្រូនបិសាចហ្វូនីក ប្រភេទ៥៨០ (580 Phoenix Ghost) ជាច្រើនគ្រឿងផងដែរ។ ប្រព័ន្ធអាវុធដ៏សំខាន់ទាំង២ប្រភេទនេះ នឹងជួយដល់កងទ័ពអ៊ុយក្រែនមានលទ្ធភាពប្រយុទ្ធយ៉ាងខ្លាំងក្លាបាន ថ្វីបើរុស្ស៊ីមានកាំភ្លើងធំច្រើនយ៉ាងណាក៏ដោយ។ ជំនួយយោធាចុងក្រោយនេះ ក៏រាប់បញ្ចូល ទាំងគ្រាប់កាំភ្លើងផ្លោង ចំនួន៣៦ ០០០គ្រាប់ និង ប្រព័ន្ធបាញ់រ៉ុក្កែត HIMARS បន្ថែមទៀត ។
លោក រីឆាដ ម័រ (Richard Moore) នាយកទីភ្នាក់ងារស៊ើបការណ៍សម្ងាត់ MI6 របស់ចក្រភពអង់គ្លេស បានថ្លែង នៅក្នុងវេទិកាសន្តិសុខ Aspen រៀបចំឡើងក្នុង រដ្ឋខូឡូរ៉ាដូ កាលពីថ្ងៃព្រហស្បតិ៍ បានបញ្ជាក់ថា «ខ្ញុំគិតថា កម្លាំងទាហានរុស្ស៉ី នឹងផ្អាកការវាយប្រហារមួយរយៈសិន ដោយសារតែពួកគេអស់ ថាមពល ហើយនេះជាឱកាស សម្រាប់កងទ័ពអ៊ុយក្រែន វាយបកវិញ។ បច្ចុប្បន្ន កម្លាំងយោធារុស្ស៉ី អាចនឹងប្រឈមមុខ កាន់តែពិបាក ក្នុងការបង្កើនកម្លាំងកងទ័ព និង គ្រឿងបរិក្ខារយោធា។ ស្ថានភាពបែបនេះ អ៊ុយក្រែន មានលទ្ធភាពឈ្នះសង្គ្រាម ព្រោះកងទ័ពការពារទឹកដីរបស់ក្រុងគៀវ មានស្មារតីប្រយុទ្ធ និង មានការលើកទឹកចិត្ត ពីបណ្ដាប្រទេសលោកខាងលិច ហើយបន្តផ្ដល់នូវកិច្ចការគាំទ្រ ទាំងផ្លូវចិត្ត និងគ្រឿងសឹកទំនើបៗបន្ថែមទៀតផង។
លោក វីល្លៀម ប៊ឺនស៍ (William Burns) ប្រធាន CIA កាលពីថ្ងៃពុធ បានបញ្ជាក់ថា សហរដ្ឋអាមេរិក បានប៉ាន់ប្រមាណថា កម្លាំងទាហានរុស្ស៊ី ប្រហែល ១៥ ០០០នាក់ ត្រូវបានសម្លាប់ នៅក្នុងសង្គ្រាមនេះ។ ចំនួនស្លាប់របស់កងទ័ពរុស្ស៊ី នាពេលនេះ ស្មើនឹងកម្លាំងទាហានសូវៀត បានបាត់បង់ នៅក្នុងសង្គ្រាម នាទសវត្សរ៍ ១៩៨០ នៅក្នុងប្រទេសអាហ្វហ្គានីស្ថាន ដែលបានចំណាយពេលជិត១ទសវត្សរ៍៕