រដ្ឋធានីគៀវ៖ សង្គ្រាមឈ្លានពានរបស់ប្រធានាធិបតី លោក វ្ល៉ាឌីមៀរ ពូទីន (Vladimir Putin) បានអូអស់រយៈពេលជាង៥ខែកន្លងមកនេះ នៅតែមិនមានសញ្ញាបញ្ចប់ជម្លោះនេះ ហើយមន្ដ្រីក្រុងគៀវ បានអះអាងថា រុស្ស៊ី បានបាត់បង់កម្លាំងទ័ព កើនឡើងដល់ជិត៤ម៉ឺននាក់ និង ខូចខាតគ្រឿងសឹកចម្បាំងគ្រប់ប្រភេទ មានតម្លៃមិនអាចគណនាបាន។
សារព័ត៌មាន Ukrinform បានផ្សាយថា អគ្គសេនាធិការកងទ័ពអ៊ុយក្រែន បានបង្ហោះ នៅលើបណ្ដាញសង្គម កាលពីវេលាម៉ោង៦ព្រឹក ថ្ងៃចន្ទ ទី២៥ ខែកក្កដា ថា គិតត្រឹមវេលានេះ កម្លាំងកងទ័ពអ៊ុយក្រែន បានវាយប្រហារយ៉ាងសន្ធាប់ រុញច្រានទាហានរុស្ស៊ី ឲ្យដកថយក្រោយវិញ នៅក្នុងទិសដៅក្រាម៉ាទូស្ក (Kramatorsk) និង តំបន់លូហានស្ក (Luhanske ) នៅក្នុងទិសដៅបាខ្មូត (Bakhmut) ។ ចំណែកស្ថានការណ៍សមរភូមិ នៅទិសដៅវូលីន (Volyn) ប៉ូលីសស្យា (Polissya) និង ស៊ីវើស ( Siversk) ក៏មិនមានអ្វីប្រែប្រួលធំដុំនោះឡើយ។
មន្ដ្រីជាន់ខ្ពស់កងទ័ពអ៊ុយក្រែន បានបន្ថែម ថា រុស្ស៊ី បានបាត់បង់កម្លាំងទ័ព ចំនួន ៣៩ ៧០០នាក់ រួចមកហើយ ចាប់តាំងពីការផ្ទុះសង្គ្រាម កាលពីថ្ងៃទី២៤ ខែកុម្ភៈ ឆ្នាំ២០២២ រហូតមកដល់ថ្ងៃទី២៥ ខែកក្កដា។ ក្រៅពីនេះ រុស្ស៊ី បានខូចខាតគ្រឿងចម្បាំងជាច្រើន នៅក្នុងការប្រយុទ្ធនេះ រួមមាន រថក្រោះ ១ ៧៣០គ្រឿង , រថចម្បាំង ចំនួន ៣ ៩៥០គ្រឿង, ប្រព័ន្ធកាំភ្លើងធំ ចំនួន៨៧៦គ្រឿង, ប្រព័ន្ធបាញ់រ៉ុក្កែត ចំនួន ២៥៧គ្រឿង, ប្រព័ន្ធកាំភ្លើងបាញ់យន្ដហោះចម្បាំង ចំនួន១១៦គ្រឿង, យន្ដហោះចម្បាំង ២២២គ្រឿង, ឧទ្ធម្ភាគចក្រ ចំនួន ១៨៨គ្រឿង, យានយន្ដ ចំនួន ២ ៨៣២គ្រឿង, នាវាចម្បាំងតូចធំ ចំនួន១៥គ្រឿង, ដ្រូន ចំនួន៧១៩គ្រឿង, គ្រឿងចក្រពិសេស ចំនួន៧៣គ្រឿង និង គ្រឿងសឹកជាច្រើនផ្សេងទៀត៕
សារព័ត៌មាន Ukrinform បានផ្សាយថា អគ្គសេនាធិការកងទ័ពអ៊ុយក្រែន បានបង្ហោះ នៅលើបណ្ដាញសង្គម កាលពីវេលាម៉ោង៦ព្រឹក ថ្ងៃចន្ទ ទី២៥ ខែកក្កដា ថា គិតត្រឹមវេលានេះ កម្លាំងកងទ័ពអ៊ុយក្រែន បានវាយប្រហារយ៉ាងសន្ធាប់ រុញច្រានទាហានរុស្ស៊ី ឲ្យដកថយក្រោយវិញ នៅក្នុងទិសដៅក្រាម៉ាទូស្ក (Kramatorsk) និង តំបន់លូហានស្ក (Luhanske ) នៅក្នុងទិសដៅបាខ្មូត (Bakhmut) ។ ចំណែកស្ថានការណ៍សមរភូមិ នៅទិសដៅវូលីន (Volyn) ប៉ូលីសស្យា (Polissya) និង ស៊ីវើស ( Siversk) ក៏មិនមានអ្វីប្រែប្រួលធំដុំនោះឡើយ។
មន្ដ្រីជាន់ខ្ពស់កងទ័ពអ៊ុយក្រែន បានបន្ថែម ថា រុស្ស៊ី បានបាត់បង់កម្លាំងទ័ព ចំនួន ៣៩ ៧០០នាក់ រួចមកហើយ ចាប់តាំងពីការផ្ទុះសង្គ្រាម កាលពីថ្ងៃទី២៤ ខែកុម្ភៈ ឆ្នាំ២០២២ រហូតមកដល់ថ្ងៃទី២៥ ខែកក្កដា។ ក្រៅពីនេះ រុស្ស៊ី បានខូចខាតគ្រឿងចម្បាំងជាច្រើន នៅក្នុងការប្រយុទ្ធនេះ រួមមាន រថក្រោះ ១ ៧៣០គ្រឿង , រថចម្បាំង ចំនួន ៣ ៩៥០គ្រឿង, ប្រព័ន្ធកាំភ្លើងធំ ចំនួន៨៧៦គ្រឿង, ប្រព័ន្ធបាញ់រ៉ុក្កែត ចំនួន ២៥៧គ្រឿង, ប្រព័ន្ធកាំភ្លើងបាញ់យន្ដហោះចម្បាំង ចំនួន១១៦គ្រឿង, យន្ដហោះចម្បាំង ២២២គ្រឿង, ឧទ្ធម្ភាគចក្រ ចំនួន ១៨៨គ្រឿង, យានយន្ដ ចំនួន ២ ៨៣២គ្រឿង, នាវាចម្បាំងតូចធំ ចំនួន១៥គ្រឿង, ដ្រូន ចំនួន៧១៩គ្រឿង, គ្រឿងចក្រពិសេស ចំនួន៧៣គ្រឿង និង គ្រឿងសឹកជាច្រើនផ្សេងទៀត៕