រដ្ឋធានីហាណូយ៖ រហូតមកដល់ពេលនេះ នៅលើពិភពលោក កំពុងតែឈឺក្បាលវិលមុខ ពីការទុកដាក់សំរាម ប៉ុន្ដែប្រទេសវៀតណាម លែងគិតបញ្ហានេះ ជាកង្វល់បន្ដទៅទៀតហើយ ព្រោះកាកសំណល់ឥតប្រយោជន៍ទាំងនេះ អាចយកទៅកែច្នៃ បង្កើតជាអគ្គិសនីប្រើប្រាស់បាន។
សារព័ត៌មានវៀតណាម VN Express បានចេញផ្សាយ កាលពីថ្ងៃអង្គារ ទី២៦ ខែកក្កដា ថា វៀតណាម បានបង្កើតរោងចក្រដ៏ធំមួយ នៅក្នុងរដ្ឋធានីហាណូយ ដោយចំណាយថវិកា ចំនួន៣០០លានដុល្លារសហរដ្ឋអាមេរិក។ រោងចក្រនេះ អាចផលិតអគ្គិសនី ចេញពីសំរាម ហើយវាអាចគ្រប់គ្រងសំរាម រហូតដល់៤០០០តោន ក្នុង១ថ្ងៃ។ ចំណែកការផលិតអគ្គិសនី ចេញពីសំរាម សម្រាប់តភ្ជាប់ទៅកាន់បណ្ដាញអគ្គិសនីរបស់ជាតិ ស្ថិតក្នុងរដ្ឋធានីហាណូយ បានដាក់ឲ្យដំណើរការ កាលពីថ្ងៃចន្ទ ក្រោយការពន្យារពេល អស់រយៈពេលជាច្រើនលើករួចមក។
រោងចក្រផលិតថាមពល ពីសំរាមដ៏ធំ Soc Son នេះ អាចជួយសម្រួលដល់បន្ទុកកាកសំណល់សំរាម នៅក្នុងទីក្រុងហាណូយ យ៉ាងច្រើន ដោយសារក្នុងរយៈពេល១ថ្ងៃៗ វាអាចនឹងដុតកាកសំណល់ស្ងួត រហូតដល់ ៤ ០០០តោន។ រោងចក្រដ៏ធំបំផុតរបស់វៀតណាមមួយនេះ ត្រូវគេរំពឹងថា នឹងអាចផលិតអគ្គិសនីបាន រហូតដល់៧៥មីហ្គាវ៉ាត់ (៧៥ MW) ក្នុង១ម៉ោង។
លោកស្រី ង្វៀន ធី ហុង វ៉ាន់ (Nguyen Thi Hong Van) អគ្គនាយិកា នៃអភិវឌ្ឍន៍ទីផ្សារ នៅអាស៊ីអាគ្នេយ៍ នៃក្រុមហ៊ុនថាមពលបរិស្ថានធៀន វ៉ាយ (Thien Y Environmental Energy JSC) ជាអ្នកវិនិយោគគម្រោងដ៏សំខាន់នេះ បានបញ្ជាក់ថា ចាប់តាំងពីពេលនេះ រហូតដល់ចុងខែកញ្ញា ខាងមុខ រោងចក្រ Soc Son នេះ នឹងដំណើរការនូវឡដុតសំរាម ដោយវាមានសមត្ថភាពគ្រប់គ្រងកាកសំណល់ រហូតដល់ ៨០០តោន ក្នុង១ថ្ងៃ។
លោកស្រីអគ្គនាយិកា បានបន្ថែមថា «ម៉ាស៊ីនភ្លើងទី១ នៃរោងចក្រ Soc Son មានសមត្ថភាពអាចផលិតអគ្គិសនី បានរហូតដល់១៥មេហ្គាវ៉ាត់ម៉ោង (MWH) ។ ដូច្នេះ វាមានត្រូវចំហេះកាកសំណល់ ប្រហែល ១០០០តោន ឬស្មើនឹងប្រហែល ១ភាគ៥ នៃបរិមាណសំរាមផលិត នៅក្នុងរដ្ឋធានីហាណូយ ជារៀងរាល់ថ្ងៃ ដើម្បីបំពេញតម្រូវការផលិតអគ្គិសនីនេះ។ ប៉ុន្ដែបើនិយាយ អំពីរោងចក្រទាំងមូល រំពឹងថា នឹងអាចផលិតអគ្គិសនីបាន រហូតដល់៧៥ MWH ។ ចំណែកអគ្គិសនី ប្រហែល២០ MW ដែលបង្កើត ក្នុងអំឡុងពេលដំណើរការចំហេះនេះ នឹងត្រូវប្រើប្រាស់ សម្រាប់ចិញ្ចឹមប្រតិបត្តិការ នៅក្នុងរោងចក្រ ខណៈអគ្គិសនីប្រហែល ៥០ MW ផ្សេងទៀត នឹងត្រូវផ្គត់ផ្គង់ ទៅកាន់បណ្តាញអគ្គិសនីរបស់ជាតិ។
លោកស្រីអគ្គនាយិកា បានបន្ដទៀត ថា ក្រុមហ៊ុនរបស់អ្នកស្រី កំពុងតែបញ្ចប់នីតិវិធី សម្រាប់បញ្ចប់ដំណាក់កាលទី២ និងទី៣ នៅក្នុងការឡដុត ចំនួន៤។ ក្រុមហ៊ុនរំពឹងថា ឡដុតទី៥ នឹងដាក់ឱ្យដំណើរការ នៅក្នុងរយៈប៉ុន្មានខែ នាឆ្នាំ២០២២ ខាងមុខ ដើម្បីបង្កើនសមត្ថភាពដុតសំរាម សរុបកើនដល់ ៥ ០០០តោន ក្នុងមួយថ្ងៃ ហើយវាអាចជួយសម្រាល ដល់ការដោះស្រាយកាកសំណល់ នៅក្នុងរដ្ឋធានីហាណូយ រហូតដល់ប្រហែល ចន្លោះពី៦០-៧០ភាករយផងដែរ។ រោងចក្រនេះ នឹងប្រើប្រាស់អគ្គិសនី ប្រហែលតែចន្លោះពី១៥-២០ភាគរយប៉ុណ្ណោះ ហើយបរិមាណអគ្គិសនី ដែលនៅសេសសល់ នឹងលក់ទៅសាជីវកម្មអគ្គិសនីវៀតណាម គ្រប់គ្រងដោយរដ្ឋ៕
សារព័ត៌មានវៀតណាម VN Express បានចេញផ្សាយ កាលពីថ្ងៃអង្គារ ទី២៦ ខែកក្កដា ថា វៀតណាម បានបង្កើតរោងចក្រដ៏ធំមួយ នៅក្នុងរដ្ឋធានីហាណូយ ដោយចំណាយថវិកា ចំនួន៣០០លានដុល្លារសហរដ្ឋអាមេរិក។ រោងចក្រនេះ អាចផលិតអគ្គិសនី ចេញពីសំរាម ហើយវាអាចគ្រប់គ្រងសំរាម រហូតដល់៤០០០តោន ក្នុង១ថ្ងៃ។ ចំណែកការផលិតអគ្គិសនី ចេញពីសំរាម សម្រាប់តភ្ជាប់ទៅកាន់បណ្ដាញអគ្គិសនីរបស់ជាតិ ស្ថិតក្នុងរដ្ឋធានីហាណូយ បានដាក់ឲ្យដំណើរការ កាលពីថ្ងៃចន្ទ ក្រោយការពន្យារពេល អស់រយៈពេលជាច្រើនលើករួចមក។
រោងចក្រផលិតថាមពល ពីសំរាមដ៏ធំ Soc Son នេះ អាចជួយសម្រួលដល់បន្ទុកកាកសំណល់សំរាម នៅក្នុងទីក្រុងហាណូយ យ៉ាងច្រើន ដោយសារក្នុងរយៈពេល១ថ្ងៃៗ វាអាចនឹងដុតកាកសំណល់ស្ងួត រហូតដល់ ៤ ០០០តោន។ រោងចក្រដ៏ធំបំផុតរបស់វៀតណាមមួយនេះ ត្រូវគេរំពឹងថា នឹងអាចផលិតអគ្គិសនីបាន រហូតដល់៧៥មីហ្គាវ៉ាត់ (៧៥ MW) ក្នុង១ម៉ោង។
លោកស្រី ង្វៀន ធី ហុង វ៉ាន់ (Nguyen Thi Hong Van) អគ្គនាយិកា នៃអភិវឌ្ឍន៍ទីផ្សារ នៅអាស៊ីអាគ្នេយ៍ នៃក្រុមហ៊ុនថាមពលបរិស្ថានធៀន វ៉ាយ (Thien Y Environmental Energy JSC) ជាអ្នកវិនិយោគគម្រោងដ៏សំខាន់នេះ បានបញ្ជាក់ថា ចាប់តាំងពីពេលនេះ រហូតដល់ចុងខែកញ្ញា ខាងមុខ រោងចក្រ Soc Son នេះ នឹងដំណើរការនូវឡដុតសំរាម ដោយវាមានសមត្ថភាពគ្រប់គ្រងកាកសំណល់ រហូតដល់ ៨០០តោន ក្នុង១ថ្ងៃ។
លោកស្រីអគ្គនាយិកា បានបន្ថែមថា «ម៉ាស៊ីនភ្លើងទី១ នៃរោងចក្រ Soc Son មានសមត្ថភាពអាចផលិតអគ្គិសនី បានរហូតដល់១៥មេហ្គាវ៉ាត់ម៉ោង (MWH) ។ ដូច្នេះ វាមានត្រូវចំហេះកាកសំណល់ ប្រហែល ១០០០តោន ឬស្មើនឹងប្រហែល ១ភាគ៥ នៃបរិមាណសំរាមផលិត នៅក្នុងរដ្ឋធានីហាណូយ ជារៀងរាល់ថ្ងៃ ដើម្បីបំពេញតម្រូវការផលិតអគ្គិសនីនេះ។ ប៉ុន្ដែបើនិយាយ អំពីរោងចក្រទាំងមូល រំពឹងថា នឹងអាចផលិតអគ្គិសនីបាន រហូតដល់៧៥ MWH ។ ចំណែកអគ្គិសនី ប្រហែល២០ MW ដែលបង្កើត ក្នុងអំឡុងពេលដំណើរការចំហេះនេះ នឹងត្រូវប្រើប្រាស់ សម្រាប់ចិញ្ចឹមប្រតិបត្តិការ នៅក្នុងរោងចក្រ ខណៈអគ្គិសនីប្រហែល ៥០ MW ផ្សេងទៀត នឹងត្រូវផ្គត់ផ្គង់ ទៅកាន់បណ្តាញអគ្គិសនីរបស់ជាតិ។
លោកស្រីអគ្គនាយិកា បានបន្ដទៀត ថា ក្រុមហ៊ុនរបស់អ្នកស្រី កំពុងតែបញ្ចប់នីតិវិធី សម្រាប់បញ្ចប់ដំណាក់កាលទី២ និងទី៣ នៅក្នុងការឡដុត ចំនួន៤។ ក្រុមហ៊ុនរំពឹងថា ឡដុតទី៥ នឹងដាក់ឱ្យដំណើរការ នៅក្នុងរយៈប៉ុន្មានខែ នាឆ្នាំ២០២២ ខាងមុខ ដើម្បីបង្កើនសមត្ថភាពដុតសំរាម សរុបកើនដល់ ៥ ០០០តោន ក្នុងមួយថ្ងៃ ហើយវាអាចជួយសម្រាល ដល់ការដោះស្រាយកាកសំណល់ នៅក្នុងរដ្ឋធានីហាណូយ រហូតដល់ប្រហែល ចន្លោះពី៦០-៧០ភាករយផងដែរ។ រោងចក្រនេះ នឹងប្រើប្រាស់អគ្គិសនី ប្រហែលតែចន្លោះពី១៥-២០ភាគរយប៉ុណ្ណោះ ហើយបរិមាណអគ្គិសនី ដែលនៅសេសសល់ នឹងលក់ទៅសាជីវកម្មអគ្គិសនីវៀតណាម គ្រប់គ្រងដោយរដ្ឋ៕