រដ្ឋធានីវ៉ាស៊ីនតោន៖ ប្រធានាធិបតីសហរដ្ឋអាមេរិក កាលពីថ្ងៃអង្គារ បានចុះហត្ថលេខា លើឯកសារផ្ដល់សច្ចាប័ន សម្រាប់បើកផ្លូវ ដល់ប្រទេសហ្វាំឡង់ដ៍ និង ស៊ុយអែត ចូលមករួមរស់ជាមួយនឹងអង្គការសន្ធិសញ្ញាអាត្លង់ទិកខាងជើង ហៅកាត់ ណាតូ (NATO តាមភាសាអង់គ្លេស ឬ OTAN តាមភាសាបារាំង)។
សារព័ត៌មាន CNBC បានចេញផ្សាយ កាលពីព្រឹក ថ្ងៃពុធ ទី១០ ខែសីហា ថា លោក ចូ បៃដិន (Joe Biden) ប្រធានាធិបតីសហរដ្ឋអាមេរិក កាលពីថ្ងៃអង្គារ បានចុះហត្ថលេខា លើឯកសារផ្ដល់សច្ចាប័ន សម្រាប់បើកផ្លូវដល់ប្រទេសហ្វាំងឡង់ដ៍ និង ស៊ុយអែត ចូលជាសមាជិករបស់អង្គការណាតូ។ នេះជាកពង្រីសម្ពន្ធមិត្តយោធាដ៏សំខាន់បំផុត ចាប់តាំងពីទសវត្សរ៍ ១៩៩០មក ដើម្បីជាការឆ្លើយតប នឹងការឈ្លានពានរបស់រុស្ស៊ី ទៅលើប្រទេសអ៊ុយក្រែន ចាប់តាំងពីថ្ងៃទី២៤ ខែកុម្ភៈ ឆ្នាំ២០២២ផងដែរ។
ការចុះហត្ថលេខា លើឯកសារធ្វើសច្ចាប័នរបស់ប្រធានាធិបតីសហរដ្ឋអាមេរិក ក៏ជាការបោះជំហានថ្មីមួយបន្ថែមទៀត បង្ហាញពីការគាំទ្រ កាន់តែខ្លាំងឡើង នៅក្នុងការពង្រីក និង ពង្រឹងកម្លាំងសម្ពន្ធមិត្តរបស់លោកខាងលិច ប្រឆាំងនឹងសកម្មភាពយោធារបស់ក្រុងមូស្គូ នៅក្នុងប្រទេសអ៊ុយក្រែន។
លោក ចូ បៃដិន ប្រធានាធិបតីសហរដ្ឋអាមេរិក បានបញ្ជាក់ថា ប្រទេសនៅតំបន់អឺរ៉ុបខាងជើងទាំង២នេះ នឹងក្លាយជា«សម្ពន្ធមិត្តដ៏រឹងមាំថ្មី និង អាចជឿទុកចិត្តបាន» ដោយបង្កើតឲ្យមាន «ការប្តេជ្ញាចិត្តយ៉ាងមុតមាំ» សម្រាប់កិច្ចការពារគ្នាទៅវិញទៅមក ដល់សម្ពន្ធមិត្តអន្តរអាត្លង់ទិក ដឹកនាំ ដោយសហរដ្ឋអាមេរិក។ ប្រទេសទាំង២នេះ មានស្ថាប័នប្រជាធិបតេយ្យរឹងមាំ យោធាខ្លាំងក្លា សេដ្ឋកិច្ចរឹងមាំ និង មានតម្លាភាព ហើយឥឡូវនេះនឹងមានការជំរុញកាន់តែខ្លាំង ពីអង្គការណាតូ បន្ថែមទៀត»។
ប្រទេសហ្វាំឡង់ដ៍ និង ស៊ុយអែត បានបោះបង់ចោលនូវគោលនយោបាយអព្យាក្រឹតរបស់ខ្លួន ដែលធ្លាប់ប្រកាន់យក អស់រយៈពេលជាច្រើនទសវត្សរ៍កន្លងមកហើយ ក្រោយពេលរុស្ស៊ី បានសម្រេចលើកកងទ័ព ចូលឈ្លានពាន នៅក្នុងប្រទេសអ៊ុយក្រែន ចាប់តាំងពីថ្ងៃទី២៤ ខែកុម្ភៈ មក។ ព្រឹទ្ធសភារបស់សហរដ្ឋអាមេរិក កាលពីដើម ខែសីហា បានបោះឆ្នោតគាំទ្រ នៅក្នុងសំឡេង ៩៥ ទល់ ១សំឡេងជំទាស់ សម្រាប់ការបើកផ្លូវដល់ប្រទេសអឺរ៉ុបខាងជើងទាំង២នេះ ចូលជាសមាជិកអង្គការណាតូ។ សហរដ្ឋអាមេរិក បានក្លាយជាប្រទេសទី២៣ ក្នុងចំណោមប្រទេសទាំង៣០របស់អង្គការណាតូ បានយល់ព្រមជាផ្លូវការ ខណៈសមាជិកភាពថ្មីរបស់អង្គការសម្ពន្ធមិត្តយោធាដ៏ខ្លាំងក្លារបស់ពិភពលោកមួយនេះ ត្រូវតែមានការគាំទ្រជាឯកច្ឆន្ទ ពីប្រទេស ជាសមាជិកទាំងអស់របស់ណាតូ៕
សារព័ត៌មាន CNBC បានចេញផ្សាយ កាលពីព្រឹក ថ្ងៃពុធ ទី១០ ខែសីហា ថា លោក ចូ បៃដិន (Joe Biden) ប្រធានាធិបតីសហរដ្ឋអាមេរិក កាលពីថ្ងៃអង្គារ បានចុះហត្ថលេខា លើឯកសារផ្ដល់សច្ចាប័ន សម្រាប់បើកផ្លូវដល់ប្រទេសហ្វាំងឡង់ដ៍ និង ស៊ុយអែត ចូលជាសមាជិករបស់អង្គការណាតូ។ នេះជាកពង្រីសម្ពន្ធមិត្តយោធាដ៏សំខាន់បំផុត ចាប់តាំងពីទសវត្សរ៍ ១៩៩០មក ដើម្បីជាការឆ្លើយតប នឹងការឈ្លានពានរបស់រុស្ស៊ី ទៅលើប្រទេសអ៊ុយក្រែន ចាប់តាំងពីថ្ងៃទី២៤ ខែកុម្ភៈ ឆ្នាំ២០២២ផងដែរ។
ការចុះហត្ថលេខា លើឯកសារធ្វើសច្ចាប័នរបស់ប្រធានាធិបតីសហរដ្ឋអាមេរិក ក៏ជាការបោះជំហានថ្មីមួយបន្ថែមទៀត បង្ហាញពីការគាំទ្រ កាន់តែខ្លាំងឡើង នៅក្នុងការពង្រីក និង ពង្រឹងកម្លាំងសម្ពន្ធមិត្តរបស់លោកខាងលិច ប្រឆាំងនឹងសកម្មភាពយោធារបស់ក្រុងមូស្គូ នៅក្នុងប្រទេសអ៊ុយក្រែន។
លោក ចូ បៃដិន ប្រធានាធិបតីសហរដ្ឋអាមេរិក បានបញ្ជាក់ថា ប្រទេសនៅតំបន់អឺរ៉ុបខាងជើងទាំង២នេះ នឹងក្លាយជា«សម្ពន្ធមិត្តដ៏រឹងមាំថ្មី និង អាចជឿទុកចិត្តបាន» ដោយបង្កើតឲ្យមាន «ការប្តេជ្ញាចិត្តយ៉ាងមុតមាំ» សម្រាប់កិច្ចការពារគ្នាទៅវិញទៅមក ដល់សម្ពន្ធមិត្តអន្តរអាត្លង់ទិក ដឹកនាំ ដោយសហរដ្ឋអាមេរិក។ ប្រទេសទាំង២នេះ មានស្ថាប័នប្រជាធិបតេយ្យរឹងមាំ យោធាខ្លាំងក្លា សេដ្ឋកិច្ចរឹងមាំ និង មានតម្លាភាព ហើយឥឡូវនេះនឹងមានការជំរុញកាន់តែខ្លាំង ពីអង្គការណាតូ បន្ថែមទៀត»។
ប្រទេសហ្វាំឡង់ដ៍ និង ស៊ុយអែត បានបោះបង់ចោលនូវគោលនយោបាយអព្យាក្រឹតរបស់ខ្លួន ដែលធ្លាប់ប្រកាន់យក អស់រយៈពេលជាច្រើនទសវត្សរ៍កន្លងមកហើយ ក្រោយពេលរុស្ស៊ី បានសម្រេចលើកកងទ័ព ចូលឈ្លានពាន នៅក្នុងប្រទេសអ៊ុយក្រែន ចាប់តាំងពីថ្ងៃទី២៤ ខែកុម្ភៈ មក។ ព្រឹទ្ធសភារបស់សហរដ្ឋអាមេរិក កាលពីដើម ខែសីហា បានបោះឆ្នោតគាំទ្រ នៅក្នុងសំឡេង ៩៥ ទល់ ១សំឡេងជំទាស់ សម្រាប់ការបើកផ្លូវដល់ប្រទេសអឺរ៉ុបខាងជើងទាំង២នេះ ចូលជាសមាជិកអង្គការណាតូ។ សហរដ្ឋអាមេរិក បានក្លាយជាប្រទេសទី២៣ ក្នុងចំណោមប្រទេសទាំង៣០របស់អង្គការណាតូ បានយល់ព្រមជាផ្លូវការ ខណៈសមាជិកភាពថ្មីរបស់អង្គការសម្ពន្ធមិត្តយោធាដ៏ខ្លាំងក្លារបស់ពិភពលោកមួយនេះ ត្រូវតែមានការគាំទ្រជាឯកច្ឆន្ទ ពីប្រទេស ជាសមាជិកទាំងអស់របស់ណាតូ៕
