រដ្ឋធានីវ៉ាស៊ីនតោន៖ អតីតប្រធានាធិបតីសហរដ្ឋអាមេរិក បានស្នើសុំឲ្យការិយាល័យស៊ើបការណ៍សម្ងាត់សហព័ន្ធន៍ ហៅកាត់ FBI ប្រគល់ឯកសារ ដែលរឹបអូសបាន ពីគេហដ្ឋានម៉ា-អា-ឡាហ្គោ (Mar-a-Lago) របស់គាត់ ត្រឡប់មកវិញ ហើយលោកដូណាល់ ត្រាំ ចោទប្រកាន់ FBI ប្រព្រឹត្ដពុករលួយ។
សារព័ត៌មាន Insider បានចេញផ្សាយ កាលពីព្រឹក ថ្ងៃចន្ទ ទី១៥ ខែសីហា ថា លោក ដូណាល់ ត្រាំ (Donald Trump) អតីតប្រធានាធិបតីសហរដ្ឋអាមេរិក កាលពីថ្ងៃអាទិត្យ បានទាមទារឱ្យការិយាល័យស៊ើបការណ៍សម្ងាត់សហព័ន្ធន៍ (ហៅកាត់ FBI ) ប្រគល់នូវឯកសារ ដែល FBI បានរឹបអូស ចេញពីគេហដ្ឋាន Mar-a-lago របស់គាត់ ស្ថិតក្នុងរដ្ឋផ្លរីដា នៅក្នុងអំឡុងការស្វែងរកឯកសាររបស់សហព័ន្ធន៍ កាលពីសប្តាហ៍មុន។
កម្លាំងទីភ្នាក់ងារ FBI បានរឹបអូសកេសចំនួន១១ ពោរពេញទៅដោយឯកសារ ដែលចាត់ថ្នាក់ថា មានកម្រិតសុវត្ថិភាពខុសៗគ្នា រួមទាំង ការណ៍សម្ងាត់បំផុត កិច្ចការសម្ងាត់ និង «TS/SCI» ។ អតីតប្រធានាធិបតីរូបនេះ បានបដិសេធថា គាត់មិនមានកម្មសិទ្ធិ លើសម្ភារចាត់ថ្នាក់ ដោយដកស្រង់របាយការណ៍របស់ Fox News ។ លោក ត្រាំ បានអះអាងថា បើតាមពិតទៅ ការវាយឆ្មក់ចូលឆែកឆេរនេះ គឺជាសំណួរ នៃភាពអាចជឿជាក់បានរបស់ FBI ហើយថា FBI មាន«ប្រវត្តិពុករលួយជាយូរមកហើយ និងនៅតែមិនទាន់បញ្ឈប់»។
លោក ដូណាល់ ត្រាំ បានសរសេរបង្ហោះ នៅលើបណ្ដាញសង្គមថា «លេខមួយ គេបានចាត់ថ្នាក់ទាំងអស់។ លេខពីរ ពួកគេមិនចាំបាច់រឹបអូសអ្វីនោះដែរ។ FBI អាចមានពេលវេលាគ្រប់គ្រាន់ ដែលFBI ចង់បាន ដោយមិនលេងល្បែងនយោបាយ និង ឆ្មក់ចូលក្នុងគេហដ្ឋាន Mar-a-Lago របស់គាត់បែបនេះឡើយ។ ឯកសារទាំងនោះ ស្ថិតក្នុងកន្លែងរក្សាទុកយ៉ាងមានសុវត្ថិភាព ជាមួយនឹងការចាក់សោបន្ថែម តាមការស្នើសុំរបស់ FBI ។ FBI អាចមានពេលគ្រប់គ្រាន់ ប្រសិនបើពួកគេចង់បាន»៕
សារព័ត៌មាន Insider បានចេញផ្សាយ កាលពីព្រឹក ថ្ងៃចន្ទ ទី១៥ ខែសីហា ថា លោក ដូណាល់ ត្រាំ (Donald Trump) អតីតប្រធានាធិបតីសហរដ្ឋអាមេរិក កាលពីថ្ងៃអាទិត្យ បានទាមទារឱ្យការិយាល័យស៊ើបការណ៍សម្ងាត់សហព័ន្ធន៍ (ហៅកាត់ FBI ) ប្រគល់នូវឯកសារ ដែល FBI បានរឹបអូស ចេញពីគេហដ្ឋាន Mar-a-lago របស់គាត់ ស្ថិតក្នុងរដ្ឋផ្លរីដា នៅក្នុងអំឡុងការស្វែងរកឯកសាររបស់សហព័ន្ធន៍ កាលពីសប្តាហ៍មុន។
កម្លាំងទីភ្នាក់ងារ FBI បានរឹបអូសកេសចំនួន១១ ពោរពេញទៅដោយឯកសារ ដែលចាត់ថ្នាក់ថា មានកម្រិតសុវត្ថិភាពខុសៗគ្នា រួមទាំង ការណ៍សម្ងាត់បំផុត កិច្ចការសម្ងាត់ និង «TS/SCI» ។ អតីតប្រធានាធិបតីរូបនេះ បានបដិសេធថា គាត់មិនមានកម្មសិទ្ធិ លើសម្ភារចាត់ថ្នាក់ ដោយដកស្រង់របាយការណ៍របស់ Fox News ។ លោក ត្រាំ បានអះអាងថា បើតាមពិតទៅ ការវាយឆ្មក់ចូលឆែកឆេរនេះ គឺជាសំណួរ នៃភាពអាចជឿជាក់បានរបស់ FBI ហើយថា FBI មាន«ប្រវត្តិពុករលួយជាយូរមកហើយ និងនៅតែមិនទាន់បញ្ឈប់»។
លោក ដូណាល់ ត្រាំ បានសរសេរបង្ហោះ នៅលើបណ្ដាញសង្គមថា «លេខមួយ គេបានចាត់ថ្នាក់ទាំងអស់។ លេខពីរ ពួកគេមិនចាំបាច់រឹបអូសអ្វីនោះដែរ។ FBI អាចមានពេលវេលាគ្រប់គ្រាន់ ដែលFBI ចង់បាន ដោយមិនលេងល្បែងនយោបាយ និង ឆ្មក់ចូលក្នុងគេហដ្ឋាន Mar-a-Lago របស់គាត់បែបនេះឡើយ។ ឯកសារទាំងនោះ ស្ថិតក្នុងកន្លែងរក្សាទុកយ៉ាងមានសុវត្ថិភាព ជាមួយនឹងការចាក់សោបន្ថែម តាមការស្នើសុំរបស់ FBI ។ FBI អាចមានពេលគ្រប់គ្រាន់ ប្រសិនបើពួកគេចង់បាន»៕