រដ្ឋធានីសេអ៊ូល៖ នៅក្នុងពិធីព្យុហយាត្រាកងទ័ពរបស់ក្រុងព្យុងយ៉ាងនោះ មេដឹកនាំកូរ៉េខាងជើង បានបង្ហាញ អំពីភាពផ្អែមល្ហែម ជាសាធារណៈជាមួយនឹងកូនស្រីរបស់គាត់ ទើបនឹងមានអាយុ១០ឆ្នាំ ធ្វើឲ្យពិភពលោក ព្យាករ ថា លោក គីម ជុងអ៊ុន អាចនឹងបង្ហាញ អំពីផែនការអ្នកស្នងតំណែងពីគាត់។
សារព័ត៌មាន Channel News Asia បានចេញផ្សាយ កាលពីព្រឹក ថ្ងៃទី១៧ ខែកុម្ភៈ ថា ការបង្ហាញក្តីស្រលាញ់ រវាងលោក គីម ជុងអ៊ុន មេដឹកនាំកូរ៉េខាងជើង និង កូនស្រីអាយុ១០ឆ្នាំរបស់គាត់ នៅក្នុងពិធីព្យុហយាត្រាយោធាដ៏ធំ កំពុងតែបង្ហាញ ថា កម្មវិធីអាវុធនុយក្លេអ៊ែររបស់កូរ៉េខាងជើង នឹងបន្តយ៉ាងហោចណាស់មួយជំនាន់ទៀត។
ការបង្ហាញគ្រឿងសព្វាវុធ នៅក្នុងព្យុហយាត្រារបស់កងទ័ពកូរ៉េខាងជើង កាលពីពេលថ្មីៗនេះ មានភាពទន់ភ្លន់។ ចំណែកការបង្ហាញខ្លួន នៅវេទិកាមួយ នៅទីលានដ៏សំខាន់ ស្ថិតក្នុងរដ្ឋធានីព្យុងយ៉ាង នោះ មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បាននិយាយលេងសើចជាមួយកូនស្រីរបស់គាត់ គឺកុមារី ជូ អេ (Ju Ae)។ ជាការឆ្លើយតបមកវិញនោះ កុមារី Ju Ae បានលើកដៃទៅបូតថ្ពាល់ទាំង២របស់ឪពុកនាង ខណៈភ្នែកទាំងពីរបិទ ហើយញញឹមដោយក្តីស្រលាញ់។
ពិធីព្យុហយាត្រា នាពេលនេះ ជាខួបលើកទី៧៥ នៃកងទ័ពរបស់កូរ៉េខាងជើង។ ក្បួនដង្ហែរបស់កងទ័ពកូរ៉េខាងជើង បានបង្ហាញនូវអាវុធនុយក្លេអ៊ែរដ៏ធំបំផុត មិនធ្លាប់មាន នៅក្នុងប្រទេសនេះ។ ចំណែកទីភ្នាក់ងារសារព័ត៌មានកណ្តាលកូរ៉េ បានពណ៌នា នៅក្នុងរបាយការណ៍ ស្តីពីកិច្ចការនេះ ថា គ្រឿងសព្វាវុធទាំងនោះ ជាឃ្លាំងស្តុកទុកដ៏ច្រើនលើសលប់របស់កងទ័ព សម្រាប់បង្ក្រាប និង កម្ទេចរបបផ្តាច់ការចក្រពត្តិនិយម។
វត្តមានរបស់នាង Ju Ae កូនស្រីរបស់មេដឹកនាំកូរ៉េខាងជើង នៅលើឆាកដ៏លេចធ្លោមួយ ហើយការសម្រេចចិត្តរបស់ប្រព័ន្ធផ្សព្វផ្សាយរដ្ឋ នៅក្នុងការបញ្ចេញផ្សាយវីដេអូ នាពេលវេលានេះ ក៏ជាការផ្តល់តម្រុយមួយ សម្រាប់អនាគតដ៏សម្ងាត់របស់ប្រទេសកុម្មុយនិស្ដឯកោមួយនេះ។ ថ្វីត្បិតតែនាង Ju Ae ទើបនឹងមានអាយុប្រហែលតែ១០ឆ្នាំក៏ពិតមែន ប៉ុន្តែនាងត្រូវបានគូសបញ្ជាក់រួចមកហើយ ថា លោក គីម ជុងអ៊ុន មេដឹកនាំកូរ៉េខាងជើង នឹងជ្រើសរើសនាង ឱ្យជាអ្នកស្នងតំណែង ជាមេដឹកនាំប្រទេស ខណៈនាងធំពេញវ័យ។
នាង Ju Ae បានបង្ហាញខ្លួន ជាលើកដំបូង កាលពីឆ្នាំ២០២២ ខណៈនាងត្រូវបានគេថតរូប កំពុងតែដើរ ដឹកដៃឪពុករបស់នាង គឺលោក គីម ជុងអ៊ុន ត្រួតពិនិត្យមើលការបាញ់សាកល្បងមីស៊ីលបាល្លិស្ទិកអន្ដរទ្វីប (intercontinental ballistic missile)។ សកម្មភាពបែបនេះ បង្ហាញ អំពីហេតុផលមួយចំនួន សម្រាប់លោក គីម ជុងអ៊ុន កំពុងតែជ្រើសរើស សម្រាប់ការមកដល់ នៃអ្នកស្នងតំណែងពីគាត់ នាពេលអនាគត។
ហេតុផលដំបូង ជាការកត់សម្គាល់នូវការអនុវត្តដ៏យូរលង់របស់មេដឹកនាំកូរ៉េខាងជើង ដែលបង្ហាញអំពីឋានៈរបស់ពួកគេ ជាឪពុកម្តាយ ព្រមទាំងកូនរបស់ពួកគេ ជាអ្នកដឹកនាំប្រទេសជាតិ។ ប្រទេសកូរ៉េខាងជើង ជារដ្ឋមួយ បដិសេធនវាករផ្ដល់សិទ្ធិស៊ីវិលដល់ប្រជាជនរបស់ខ្លួន ក៏ដូចជាសិទ្ធិធ្វើនយោបាយ ផងដែរ។ ភាគច្រើន ប្រទេសកូរ៉េខាងជើង បានផ្អែកទៅលើមូលដ្ឋាន ដោយជំនួសនូវការសម្រេចចិត្ត សម្រាប់ពួកគេ អំពីរបៀបរស់នៅ ហើយពួកគេត្រូវតែសម្លឹងមើលមេដឹកនាំរបស់ពួកគេ សម្រាប់ការណែនាំ ខណៈក្មេងៗមើលទៅលើឪពុកម្តាយរបស់ពួកគេ។
អស់រយៈពេលជាច្រើនទសវត្សរ៍កន្លងមកហើយ មេដឹកនាកូរ៉េខាងជើង រួមទាំងឪពុក និង ជីតារបស់លោក គីម ជុងអ៊ុន ផង តែងតែថតរូបជាមួយនឹងក្មេងៗជាប្រចាំ ព្រមទាំងកូនចៅរបស់ពួកគេ និង នៅក្នុងកន្លែងនានា ដូចជា សាលារៀន ជាដើម។ សម្រាប់គោលបំណងឃោសនាភ្លាមៗ ដោយបង្ហាញលោក គីម ជុងអ៊ុន ឈរចំកណ្តាលអាវុធដ៏មានថាមពលខ្ពស់ ដោយការចែករំលែកនូវផ្អែមល្ហែមជាមួយកូនស្រីរបស់គាត់ ដែលគូសបញ្ជាក់ អំពីតួនាទីរបស់គាត់ ជាឪពុក និងអ្នកការពារ។
ជាមួយគ្នានេះ លោក គីម ជុងអ៊ិល (Kim Jong Il) ជាបិតារបស់លោក គីម ជុងអ៊ុន បានរក្សាគ្រួសាររបស់គាត់ ចេញពីក្រសែភ្នែករបស់សាធារណជន ហើយបានបញ្ចាំងរូបភាពប្លែកភ្នែក ពីកូនប្រុសរបស់គាត់ ចាប់តាំងពីការឡើងកាន់អំណាច នៅក្នុងឆ្នាំ២០១១ ដោយបានព្យាយាម បង្ហាញខ្លួនឯង ថា ជាមនុស្សសាមញ្ញជាងគេ។ សកម្មភាពបែបនេះ ស្របតាមស្ទីលរបស់គាត់ នៅក្នុងនាមជាអ្នកដឹកនាំ ដើម្បីបង្ហាញ អំពីជីវិតគ្រួសាររបស់គាត់ច្រើន ជាងឪពុករបស់គាត់
ក្រោយពេលមានសំណួរធ្ងន់ៗជាច្រើន អំពីការស្នងតំណែងនោះ គេបានដឹងច្បាស់ហើយ ថា ប្រទេសកូរ៉េខាងជើង ក្លាយជាសហគ្រាស គ្រប់គ្រងយ៉ាងពិសេស ជាលក្ខណៈគ្រួសារ ដែលដឹកនាំដោយមេដឹកនាំ ត្រឹមតែ៣នាក់ប៉ុណ្ណោះ។ ដូច្នេះ វាមានសុវត្ថិភាព នៅក្នុងការសន្មត់ ថា លោក គីម ជុងអ៊ុន នឹងដឹកនាំប្រទេសឱ្យបានយូរ តាមអ្វីដែលគាត់អាចធ្វើបាន ហើយបន្ទាប់មក ការរារាំងអំពីការផ្លាស់ប្តូរ មិនបានមើលឃើញទុកជាមុនណាមួយ ត្រូវបានទទួលជោគជ័យ ដោយ នាង Ju Ae នោះឡើយ៕
Advertising