កម្ពុជា ទទួលបានវ៉ាក់សាំងកូវីដ១៩ ជាជំនួយរបស់រដ្ឋាភិបាលចិន ចំនួន៤០ម៉ឺនដូសទៀត
ដូចការគ្រោងទុក វ៉ាក់សាំងស៊ីណូហ្វាម ដែលជាជំនួយរបស់រដ្ឋាភិបាលចិន ចំនួន៤០ម៉ឺនដូស នឹងដឹកមកដល់ព្រលានយន្តហោះនៃប្រទេសកម្ពុជានៅយប់ថ្ងៃទី២៨ ខែមេសា ឆ្នាំ២០២១ ម្សិលមិញ។ នេះបើតាមស្ថានទូតចិនបានឲ្យដឹង។ស្ថានទូតចិនបានបន្តថា វ៉ាក់សាំងកូវីដ ដែលជាជំនួយជំហានទី៣ របស់ចិនជូនចំពោះកម្ពុជាបានមកដល់រាជធានីភ្នំពេញ នាល្ងាច ថ្ងៃទី២៨ ខែមេសា ជំនួយឥតសំណងជំហានទី៣ របស់ភាគីចិនជូនចំពោះភាគីកម្ពុជាជាវ៉ាក់សាំងកូវីដចំនួន ៤០ ម៉ឺនដូសបានមកដល់រាជធានីភ្នំពេញតាមរយៈជើងហោះហើរស៊ីវិល។កម្ពុជា ទទួលបានវ៉ាក់សាំងចំនួនជិត ៤លានដូសរួចមកហើយ ហើយភាគច្រើនបំផុតជាវ៉ាក់សាំងជាជំនួយ និងទិញពីប្រទេស ចិន។ វ៉ាក់សាំងដែលកម្ពុជាទទួលបានរួចមកហើយនោះ រួមមាន៖ វ៉ាក់សាំងស៊ីណូហ្វាម ជាជំនួយរបស់រដ្ឋាភិបាលចិនចំនួន ១.៣លានដូស, វ៉ាក់សាំងស៊ីណូវ៉ាក់ ទិញពីប្រទេសចិន ចំនួន ២លានដូស និងវ៉ាក់សាំងអាស្ត្រាហ្សេនីកា...
រាជរដ្ឋាភិបាល ៖ បិទរាល់អ្នកធ្វើដំណើរទាំងអស់ដែលឆ្លងកាត់ប្រទេសឥណ្ឌាមិនឲ្យចូលកម្ពុជា ដោយសារ….
ប្រទេសកម្ពុជា នៅថ្ងៃអង្គារ បានហាមប្រាមពលរដ្ឋឥណ្ឌា និងជនបរទេសដែលធ្វើដំណើរមកពី ឬឆ្លងកាត់តាមប្រទេសឥណ្ឌា មិនឲ្យចូលកម្ពុជា«មួយរយៈ» ដោយឥតកំណត់ពេលច្បាស់លាស់ ដោយសារការព្រួយបារម្ភអំពីការឆ្លងរាលដាលវីរុសបម្លែងខ្លួនថ្មីដែលបង្កជាជំងឺកូវីដ១៩។ នេះបើយោងតាមក្រសួងសុខាភិបាលកម្ពុជា។ការសម្រេច ដែលមានចុះហត្ថលេខាដោយលោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរ ក្រសួងដើម្បីប្រយុទ្ធនឹងជំងឺកូវីដ-១៩ ធ្វើឡើងបន្ទាប់ពីកម្ពុជាសង្កេតឃើញថា ការរាតត្បាតជាសកលនៃវីរុសបម្លែងថ្មីប្រភេទ B117 មានប្រភពមកពីប្រទេសអង់គ្លេស ទើបតែលេចចេញនូវវីរុសបម្លែងថ្មីមួយផ្សេងទៀតឈ្មោះ B1617 មានប្រភពចេញពីប្រទេសឥណ្ឌា ដែលមានការឆ្លងខ្លាំង និងមានភាពធ្ងន់ធ្ងរជាងប្រភេទ B117។ មួយវិញទៀត វិធានការនេះ គឺធ្វើឡើងខណៈដែលប្រទេសកម្ពុជាកំពុងរងនូវការរាតត្បាតធ្ងន់ធ្ងររួចទៅហើយ តាមរយៈព្រឹត្តិការណ៍ឆ្លងសហគមន៍ ២០កុម្ភៈ កន្លងទៅ។ជាការកត់សម្គាល់ ប្រទេសឥណ្ឌា បានឆ្លងជំងឺកូវីដ-១៩ ក្នុងអត្រាខ្ពស់ជាង៣០ម៉ឺននាក់...
រដ្ឋបាលរាជធានីភ្នំពេញ មិនទាន់បានកំណត់ផែនទីស្តីពីការបែងចែកជា «តំបន់ក្រហម» «តំបន់លឿងទុំ» និង «តំបន់លឿង» នៅឡើយនោះទេ
កាលពីពេលកន្លងទៅនេះបើយោងតាមសេចក្តីសម្រេចរបស់រាជរដ្ឋាភិបាលស្តីពីការបន្តការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ដើម្បីទប់ស្កាត់ការឆ្លងរាលដាលនៃជំងឺកូវីដ ១៩ កាលពីថ្ងៃទី ២៦ ខែមេសា បានកំណត់ភូមិសាស្ត្រដែលត្រូវបានបិទខ្ទប់ ជា «តំបន់ក្រហម» «តំបន់លឿងទុំ» និង «តំបន់លឿង»។ប៉ុន្តែមិនទាន់បានប៉ុន្មានម៉ោងផងស្រាប់តែមានមានការចែកចាយលើបណ្តាញសង្គមយ៉ាងព្រោងព្រាត នូវផែន ទីមិនផ្លូវការមួយ ស្តីពីការបែងចែកជា «តំបន់ក្រហម» «តំបន់លឿងទុំ» និង «តំបន់លឿង» ក្នុងភូមិសាស្ត្ររាជ ធានីភ្នំពេញ។ ជុំវិញបញ្ហានេះលោក ម៉េត មាសភក្តី អ្នកនាំពាក្យសាលារាជធានីភ្នំពេញ បានប្រកាស ជូនសាធារណជនជ្រាបថា គិតត្រឹមយប់ថ្ងៃទី២៦ ខែមេសា ឆ្នាំ២០២១នេះ រដ្ឋបាលរាជធានីភ្នំពេញ មិនទាន់បានកំណត់ផែនទីស្តីពីការបែងចែកជា «តំបន់ក្រហម»...
រដ្ឋបាលរាជធានីភ្នំពេញ សម្រេចបន្តផ្អាកការលក់គ្រឿងស្រវឹងគ្រប់ប្រភេទ
លោក ឃួង ស្រេង អភិបាលរាជធានីភ្នំពេញ ដាក់បម្រាមមិនឲ្យលក់គ្រឿងស្រវឹងគ្រប់ប្រភេទរយៈពេល១៤ថ្ងៃបន្ត ទៀត គឺចាប់ពីថ្ងៃទី២៥ ខែមេសា រហូតដល់ថ្ងៃទី៨ ខែឧសភា ឆ្នាំ២០២១។ លោក យល់ថា ការផ្អាកលក់គ្រឿងស្រ វឹង គឺជាវិធានការមួយ ដែលអាចឈានទៅគ្រប់គ្រងការរាលដាលជំងឺកូវីដ-១៩។សេចក្តីណែនាំដដែលបានឲ្យដឹងថា កន្លងមករដ្ឋបាលរាជធានីភ្នំពេញ បានដាក់ចេញនូវសេចក្តីណែនាំចុះថ្ងៃទី១០ ខែមេសា ឆ្នាំ២០២១ ស្តីពីការផ្អាកការលក់គ្រឿងស្រវឹងគ្រប់ប្រភេទ និងផ្អាកការទទួលអតិថិជនឱ្យចូលមក ទទួលទានក្នុងភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ និងអាជីវកម្មដ្ឋានផ្នែកអាហារ-ភេសជ្ជៈគ្រប់ប្រភេទ ក្នុងនោះ ជាលទ្ធផលវិធានការនេះ បានរួមចំណែកយ៉ាងសំខាន់ ក្នុងការបង្ការ និងទប់ស្កាត់ការរីករាលដាលជំងឺកូវីដ-១៩...
អាជ្ញាធរសម្រេចយកទីតាំងចំនួន ៣ កន្លែងបន្ថែមទៀតសម្រាប់ព្យាបាលអ្នកកើតជំងឺកូវីដ១៩
កំនើននៃអ្នកឆ្លងជំងឺកូវីដ១៩កាន់តែច្រើនឡើង អាជ្ញាធរបានសម្រេចយកទីតាំងស្ដាតអូឡាំពិក, សាលាកូរ៉េកប់ស្រូវ ( វិទ្យាស្ថានជាតិពហុបច្ចេកទេសកម្ពុជា NPIC )និងព្រីមៀរសែនសុខ សម្រាប់ព្យាបាលអ្នកកើតជំងឺកូវីដ១៩ កម្រិតស្រាល ខណៈដែលបច្ចុប្បន្នអត្រាអ្នក ឆ្លងជំងឺកូវីដនៅរាជធានីភ្នំពេញ មិនមានសញ្ញាថមថយនៅឡើយទេ។លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល, លោក អ៉ិត សំហេង រដ្ឋមន្ដ្រីក្រសួងការងារ និងបណ្ដុះបណ្ដាល វិជ្ជាជីវៈ និងលោក ឃួង ស្រេង អភិបាលរាជធានីភ្នំពេញ បានចុះពិនិត្យ និងត្រៀមរៀបចំទីតាំងទាំង៣នេះផងដែរ។ចាប់តាំងពីកម្ពុជាផ្ទុះព្រឹត្តិការណ៍ឆ្លងក្នុងសហគមន៍២០កុម្ភៈមក អាជ្ញាធរបានយកទីតាំងធំៗមួយចំនួនក្នុងរាជធានីភ្នំពេញសម្រាប់ដាក់អ្នកវិជ្ជមានកូវីដ១៩ ដែលរួមមានសណ្ឋាគារឌឺក្រេតឌុក មន្ទីរពេទ្យហ្លួងម៉ែ សាលារៀនមួយចំនួន សាលមង្គលការកោះពេជ្រជាដើម។ក្រៅពីបន្ថែមទីតាំងសម្រាប់ដាក់អ្នកវិជ្ជមានកូវីដ១៩ នៅថ្ងៃទី២៥ ខែមេសានេះ...
ក្រសួងពាណិជ្ជកម្ម បង្ហាញទនិ្នន័យនៃការលក់ស្បៀងជូនប្រជាពលរដ្ឋ ក្នុងតំបន់ក្រហម
កាលពីពេលថ្មីៗនេះ ក្រសួងពាណិជ្ជកម្ម បញ្ចេញរថយន្តចល័ត ជាច្រើនគ្រឿងដឹកស្បៀងលក់ជូនប្រជាជននៅតំបន់ក្រហមក្នុងតម្លៃក្រោមទីផ្សារ ដើម្បីសម្រួលជីវភាពប្រជាពលរដ្ឋក្នុងអំឡុងពេលបិទខ្ទបនៅទីក្រុងភ្នំពេញ និងក្រុងតាខ្មៅ (ខេត្តកណ្តាល)។តំបន់ក្រហមទាំង ៧ ទីតាំងនោះ ស្ថិតនៅក្នុងខណ្ឌចំនួន ៣ គឺ ខណ្ឌមានជ័យ ខណ្ឌពោធិ៍សែនជ័យ និងខណ្ឌទួលគោក។អនុរដ្ឋលេខាធិការនៃក្រសួងពាណិជ្ជកម្ម លោក ប៉ែន សុវិជាតិ បានឲ្យដឹងថា តាមអនុសាសន៍របស់ប្រមុខរដ្ឋាភិបាល ក្រសួងពាណិជ្ជកម្មបានសម្រេចបញ្ចេញរថយន្តដឹកទំនិញចំនួន ៥ គ្រឿង ដែលផ្ទុកទំនិញបរិភោគឧបភោគ និងគ្រឿងទេស ដើម្បីចល័តលក់ជូនប្រជាជននៅតំបន់ក្រហមក្នុងរាជធានីភ្នំពេញ។រយៈពេល៤ថ្ងៃ ចាប់ពីថ្ងៃទី២២ ដល់ ២៥ ខែមេសា ឆ្នាំ២០២១ ក្រសួងពាណិជ្ជកម្ម បានលក់ស្បៀងជូនប្រជាពលរដ្ឋ ក្នុងតំបន់ក្រហម...
រាជរដ្ឋាភិបាលកម្ពុជា ចេញសេចក្តីសម្រេចបញ្ចប់ការហាមឃាត់ធ្វើដំណើរ ទូរទាំងប្រទេសលែកលែងតែ….
រាជរដ្ឋាភិបាលកម្ពុជាបានសម្រេចបញ្ចប់ការហាមឃាត់ការធ្វើដំណើរ និងការបញ្ចប់ការបិទរមណីយដ្ឋានទេសចរណ៍នៅទូទាំងប្រទេស ដោយពលរដ្ឋអាចធ្វើដំណើរឆ្លងកាត់ពីខេត្តមួយទៅខេត្តមួយទៀតបានឡើងវិញ ចាប់ពីថ្ងៃអាទិត្យ ទី ២៥ ខែមេសា នេះទៅ លើកលែងតែរាជធានីភ្នំពេញ និងក្រុងតាខ្មៅ ដែលកំពុងត្រូវបានបិទខ្ទប់។ យោងតាមសេចក្តីសម្រេចរបស់រាជរដ្ឋាភិបាល ដែលចុះហត្ថលេខាដោយសម្តេចតេជោនាយករដ្ឋមន្ត្រី ហ៊ុន សែន នៅថ្ងៃទី ២៥ ខែមេសានេះ បានសម្រេចបញ្ចប់ការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេស។ប្រកាស១ បានសម្រេចយ៉ាងដូច្នេះថា «បញ្ចប់ការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅ ទូទាំងប្រទេស ដែលត្រូវបានសម្រេចដោយសេចក្តីសម្រេចលេខ ៤៤ សសរ ចុះថ្ងៃទី៦ ខែមេសា ឆ្នាំ២០២១ និងសេចក្តីសម្រេចលេខ៥១ សសរ ចុះថ្ងៃទី១៧ ខែមេសា...
សារាចរណែនាំ ពីវិធានការបង្ការ និងទប់ស្កាត់ការរាតត្បាតជំងឺកូវីដ១៩ក្នុង ឱកាសឈប់សម្រាកពិធី បុណ្យចូល ឆ្នាំខ្មែរ
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី៣១ ខែមីនា ឆ្នាំ២០២១នេះ បានចេញសារាចរណែនាំ ពីវិធានការបង្ការ និងទប់ស្កាត់ការរាតត្បាតជំងឺកូវីដ១៩ ក្នុងឱកាសឈប់សម្រាកពិធីបុណ្យចូលឆ្នាំខ្មែរ ប្រពៃណីជាតិ រយៈពេលថ្ងៃចាប់ពីថ្ងៃទី១៤ ដល់ ១៦ ខែមេសា ឆ្នាំ២០២១ខាងមុខនេះ។ រាជរដ្ឋាភិបាលសូមណែនាំដល់ក្រសួង-ស្ថាប័នមានសមត្ថកិច្ចពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ និងអំពាវនាវដល់សាធារណជនទូទាំងប្រទេសត្រូវយកចិត្តទុកដាក់គោរព និង អនុវត្តប្រកបដោយភាព ម្ចាស់ការ ស្មារតីភ្ញាក់រលឹក និងការទទួលខុសត្រូវខ្ពស់ នូវ «សារាចរណែនាំលេខ០១ សរណន ចុះ ថ្ងៃទី២១ ខែមីនា ឆ្នាំ ២០២១ ស្តីពីការឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ...
អាចទាក់ទៅលេខទាំងនេះប្រសិនបងប្អូនមានចម្ងល់ទាក់ទងនឹងបំរាមការធ្វើដំណើរពេលយប់
រដ្ឋាភិបាលចេញអនុក្រឹត្យស្តីពីវិធានរដ្ឋបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ត្រូវបានដាក់ចេញ អាជ្ញាធររាជធានីភ្នំពេញ បានសម្រេចដាក់ចេញនូវវិធានការរដ្ឋបាលបណ្តោះអាសន្នមួយចំនួន នៅភូមិសាស្ត្ររាជធានីភ្នំពេញ រយៈពេល២សប្តាហ៍ គិតចាប់ពីថ្ងៃទី១ ខែមេសា ដល់ថ្ងៃទី១៤ខែមេសា។នៅក្នុងបំរាមនោះត្រូវបានផ្អាកជាបណ្តោះអាសន្ននូវការធ្វើចរាចរណ៍ក្នុងភូមិសាស្ត្ររាជធានីភ្នំពេញ នៅចន្លោះម៉ោង ២០ ឬម៉ោង៨យប់ ដល់ម៉ោង៥ ទៀបភ្លឺ។ក៏ប៉ុន្តែបំរាមនេះមានករណីលើកលែងមួយចំនួន ដូចជាការធ្វើដំណើរដោយមូលហេតុសុខភាពបន្ទាន់ ចាំបាច់ក្នុងគ្រួសារ មានលិខិតបញ្ជាក់ពីអាជ្ញាធរ ការធ្វើដំណើររបស់គ្រូពេទ្យ មន្ត្រី ក្រុមពន្លត់អគ្គិភ័យ កងកម្លាំងប្រដាប់អាវុធគ្រប់ប្រភេទ ក្នុងបេសកកម្មជូនអង្គភាព។ រថយន្តដឹកទំនិញ រថយន្តបំរើដល់ការដ្ឋានសំណង់ រថយន្តដឹកជញ្ជូនសំរាម រថយន្តដឹកកម្មករទៅគោលដៅធ្វើការ និងការធ្វើដំណើរចាំបាច់ផ្សេងៗទៀត ដែលមានការអនុញ្ញាតពីអាជ្ញាធរមានសមត្ថកិច្ច ក៏ត្រូវបានលើកលែងដែរ។ដោយឡែក ការប្រមូលផ្តុំ ឬការជួបជុំគ្នាទទួលទានអាហារ ភេសជ្ជៈ ឬទទួលទានគ្រឿងស្រវឹង...
គ្រប់វត្តអារាមទាំងអស់ ទូងស្គរ វាយជួង ព្រមៗគ្នាទូទាំងប្រទេស ក្នុង១ថ្ងៃ ៥ដង
សម្ដេចតេជោនាយករដ្ឋមន្ត្រី ហ៊ុន សែន បានស្នើឱ្យគ្រប់វត្តអារាមទាំងអស់ ទូងស្គរ វាយជួង ព្រមៗគ្នាទូទាំងប្រទេស ក្នុង១ថ្ងៃ ៥ដង ដើម្បីជាសាររំលឹកប្រជាពលរដ្ឋ «៣ ការពារ និង ៣កុំ»។ការណែនាំនេះត្រូវបានបញ្ជាក់តាមរយៈសារាចរណ៍ណែនាំមួយរបស់លោក ឈិត សុខុន រដ្ឋមន្ត្រីក្រសួងធម្មការ និងសាសនា នៅថ្ងៃទី២៣ ខែមីនា ឆ្នាំ២០២១ ។