កម្ពុជាមិនធ្វើស្រែ១ឆ្នាំ ក៏មិនខ្វះអង្ករហូបដែរ កុំជ្រួលច្របល់តាមពាក្យចចាមអារ៉ាម
សាលារាជធានីភ្នំពេញ អំពាវនាវដល់ប្រជាពលរដ្ឋ កុំឱ្យជ្រួលច្របល់នាំគ្នាសម្រុកទិញអ៊ីវ៉ាន់ស្តុកទុកតាមពាក្យចចាមអារ៉ាម ព្រោះនាំឱ្យជនឆ្លៀតឱកាសដំឡើងថ្លៃផលិតផលស្បៀង។ សេចក្តីប្រកាសព័ត៌មានអំពាវនាវដល់ប្រជាពលរដ្ឋកម្ពុជាឱ្យរក្សាភាព ស្ងប់ស្ងាត់ ប្រកបរបចិញ្ចឹមជីវិតដូចប្រក្រតី និងកុំជ្រួលច្របល់តាមពាក្យចចាមអារ៉ាម ហើយអនុវត្តតាមវិធីបង្ការ ដែលណែនាំដោយក្រសួងសុខាភិបាល។សេចក្ដីជូនដំណឹងបន្តថា រដ្ឋបាលរាជធានីភ្នំពេញសង្កេតឃើញថា ក្នុងរយៈពេល ២ ថ្ងៃកន្លងទៅនេះពលរដ្ឋនៅក្នុងរាជធានីភ្នំពេញបានសម្រុកទិញទំនិញស្ដុកទុក ជាពិសេសស្បៀងអាហារប្រចាំថ្ងៃដែលជាហេតុធ្វើឲ្យជនឱកាសនិយមឆ្លៀតដំឡើងថ្លៃទំនិញ។សាលារាជធានីភ្នំពេញបញ្ជាក់ថា៖ «ពលរដ្ឋមិនគួរព្រួយបារម្ភពីការខ្វះស្បៀងទេ ខណៈដែលស្បៀងអាហារដែលបម្រុងនៅក្នុងរាជធានីភ្នំពេញពុំបានប្រឈមនឹងការខ្វះខាតនោះទេ។លើសពីនេះដូចប្រជាពលរដ្ឋបានជ្រាបស្រាប់ថា ប្រទេសកម្ពុជាក្រោមម្លប់សន្ដិភាព យើងបានផលិតស្បៀងលើសពីការបម្រុងទុករហូតដល់ការនាំចេញទៅក្រៅប្រទេសទៀតផង»។គួរបញ្ជាក់ដែរថា សហព័ន្ធស្រូវអង្ករកម្ពុជា និងក្រុមហ៊ុនហ្គ្រីនត្រេដនៃក្រសួងពាណិជ្ជកម្ម សូមប្រកាសជូនដល់បងប្អូន ប្រជាពលរដ្ឋកម្ពុជាថា បរិមាណស្តុកអង្ករ និងស្រូវមិនទាន់កិន របស់សមាជិកសហព័ន្ធស្រូវអង្ករកម្ពុជា នៅទូទាំងប្រទេសលើ ទីតាំងឃ្លាំងចំនួនជាង៤០០រោងម៉ាស៊ីនកិនស្រូវ គឺមានបរិមាណគ្រប់គ្រាន់ សំរាប់ផ្គត់ផ្គង់ជូនតាមតម្រូវការក្នុងស្រុក និងសំរាប់នាំចេញ រហូតដល់រដូវប្រមូលផលខាងមុខ៕
កម្ពុជាត្រៀមកញ្ចប់ថវិការ 30លានដុល្លារ ដើម្បីទប់ទល់នឹងរីរុសកូវីដ ១៩
មន្ត្រីក្រសួងសុខាភិបាលបានបញ្ជាក់ថា អាជ្ញាធរខេត្តសៀមរាបបានរកឃើញពលរដ្ឋខ្មែរចំនួន ៤៤ នាក់ ដែលបានប៉ះពាល់ជាមួយបុរសជនជាតិជប៉ុនម្នាក់ដែលត្រូវបានរកឃើញថាមានឆ្លងវីរុសកូវីដ ១៩ ហើយបានដាក់ឱ្យនៅដាច់ដោយឡែក ដើម្បីតាមដានសុខភាព ខណៈដែលក្រសួងសេដ្ឋកិច្ច និងហិរញ្ញវត្ថុបានប្រកាសគ្រោងចំណាយថវិកាជាង ៣០ លានដុល្លារ ដើម្បីត្រៀមទប់ទល់ការរីករាលដាលនៃជំងឺនេះ និងជំងឺឆ្លងផ្សេងទៀត។តាមរយៈថវិកា៣០លានដុល្លារនោះ ក្រសួងសេដ្ឋកិច្ច និងហរិញ្ញវត្ថុ នឹងសហការជាមួយក្រសួងសុខាភិបាល និងដៃគូពាក់ព័ន្ធ ទៅលើការបង្កើតប្រព័ន្ធការពារ និងឧបករណ៍តាមដាន។ ជាពិសេស បន្តពង្រឹង និងបង្កើនសមត្ថភាពផ្នែកគ្រូពេទ្យ សម្ភារពេទ្យ រៀបចំឧបករណ៍ស្កេនកម្កៅ ប្រព័ន្ធគ្រប់គ្រង និងភ្នាក់ងារចាំទទួលព័ត៌មាន ព្រមទាំងពង្រឹងកិច្ចសហការជាមួយនឹងអង្គការសុខភាពពិភពលោក។ នេះបើតាមការផ្សាយរបស់ក្រសួងសេដ្ឋកិច្ច និងហរិញ្ញវត្ថុ៕
សម្តេចតេជោ ៖ ស្នើឲ្យគ្រប់ស្ថាប័នទាំងអស់ត្រូវកាត់បន្ថយការចំណាយ៥០ភាគរយ ដូច្នេះរដ្ឋអាចប្រមូលថវិការបានចំនួន៤០០លានដុល្លារ…
កាលពីពេលថ្មីៗនេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានស្នើឲ្យគ្រប់ស្ថាប័នទាំងអស់ត្រូវកាត់បន្ថយការចំណាយ៥០ភាគរយលើកលែងតែក្រសួងចំនួនបី គឺក្រសួងការបរទេស ទីស្តីការគណៈរដ្ឋមន្ត្រី និងក្រសួងពាណិជ្ជកម្ម ដែលត្រូវកាត់បន្ថយចំនួន២៥ភាគរយ។ ការកាត់បន្ថយការចំណាយនៅតាមក្រសួងស្ថាប័នរដ្ឋនេះ នឹងធ្វើឲ្យរដ្ឋាភិបាលអាចប្រមូលថវិការបានចំនួន៤០០លានដុល្លារ ដើម្បីត្រៀមជួយទៅលើផ្នែកសុខាភិបាល រោងចក្រ កម្មករកម្មការនី ដែលជាបញ្ហាប្រឈមដោយមេរោគកូវីដ១៩។ ការប្រកាសអំពីការសម្រេចចិត្តដ៏ម៉ឺងមាត់ របស់សម្តេចតេជោ ហ៊ុន សែន ធ្វើឡើងនៅរសៀលទី០៤ ខែមីនា ឆ្នាំ២០២០ ក្នុងឱកាសដែលសម្តេចអញ្ជើញជាអធិបតីបិទសន្និបាត បូកសរុបការងារឆ្នាំចាស់ ឆ្នាំ២០១៩ និងលើកទិសដៅការងារឆ្នាំថ្មីឆ្នាំ ២០២០ របស់ក្រសួងសុខាភិបាល នៅសណ្ឋាគារសុខា។សម្តេចតេជោ ហ៊ុន សែន បានថ្លែងយ៉ាងដូច្នេះថា «ព្រឹកមិញនេះ ខ្ញុំបានសម្រេចផ្តល់នូវការគាំទ្រទៅលើការវិភាគ...
ធនាគារពិភពលោក ៖ផ្តល់កញ្ចប់ជំនួយ១២ពាន់លានដុល្លារ ក្នុងការប្រឆាំងជាមួយមេរោគ COVID-19
របាយការណ៍ផ្សារហ៊ុននៅស្ទើរទូទាំងពិភពលោកមានការធ្លាក់ចុះ ខណៈវីរុស Corona ដូចដែលទិន្នន័យថ្មីបានចេញផ្សាយ កាលពីពេលថ្មីៗបានបង្ហាញថា មនុស្សជាង១០០ នាក់បានស្លាប់នៅក្នុងប្រទេសចិន និងជាង៤,៥០០នាក់បានឆ្លងវីរុស នៅទូទាំងពិភពលោក។ជុំវិញបញ្ហានេះដែរ ធនាគារពិភពលោក (World Bank) នៅថ្ងៃទី៣ ខែមីនា បានប្រកាសផ្តល់កញ្ចប់ជំនួយ ក្នុងទំហំទឹកប្រាក់ ១២ពាន់លានដុល្លារ ដើម្បីជួយប្រទេសមួយចំនួន ជាពិសេសប្រទេសក្រីក្រ ក្នុងការប្រយុទ្ធប្រឆាំងជាមួយ COVID-19 ដែលកំពុងវាយប្រហារក្នុងបណ្តាលប្រទេសមួយចំនួនក្នុងពិភពលោក ។ប្រធានធនាគារពិភពលោក លោក David Malpass បានប្រាប់អ្នកកាសែតយ៉ាងដូច្នេះថា៖ « គោលបំណងនៃកញ្ចប់ជំនួយ ១២ពាន់លានដុល្លារនេះ គឺជាការចាត់វិធានការដ៏លឿន និងមានប្រសិទ្ធភាពបំផុត ដើម្បីឆ្លើយតបទៅនឹងប្រទេស ដែលកំពុងត្រូវការជំនួយ»។...
ការវិវត្តន៍របស់មេរោគ Covid-19 អាចបង្កឲ្យពិភពលោកជួបវិបត្តិសេដ្ឋកិច្ចដូចកាលពីឆ្នាំ ២០០៨
នាពេលបច្ចុប្បន្ននេះការកើតឡើង និងការរីករាលដាលនៃមេរោគកូរ៉ូណា កំពុងតែបង្កើតឱ្យមានបញ្ហាជា ច្រើនដល់ពិភពលោក ទាំងសុខភាពសាកល ទាំងសេដ្ឋកិច្ច ទេសចរណ៍ និងវិស័យផ្សេងៗទៀតយ៉ាងធ្ងន់ធ្ងរ។ បើតាមការបញ្ជាក់ពីប្រធានក្រុមប្រឹក្សាទេសចរណ៍ពិភពលោក(WTCC)លោកស្រីGloria Guevara មេរោគថ្មី នេះប៉ះពាល់ដល់វិស័យទេសចរណ៍ពិភពលោកយ៉ាងតិចណាស់ក៏២២ពាន់លានដុល្លារអាមេរិកដែរ ដោយសារការធ្លាក់ចុះខ្លាំងនៃការចំណាយរបស់ភ្ញៀវទេសចរចិន។ការវាយលុយនៃ មេរោគកូរ៉ូណាថ្មីកំពុងសម្លាប់សេដ្ឋកិច្ចពិភពលោកដូចកាលជំនាន់វិបត្តិហិរញ្ញវត្ថុឆ្នាំ ២០០៨ ព្រោះអ្វីៗវាអាស្រ័យលើកត្តាច្រើន ពិសេសការវិវត្តន៍របស់ Covid-១៩។ សូម្បីតែក្រុមអ្នកជំនាញផ្នែកជំងឺឆ្លងក៏មិនហ៊ានប្រមើលទុក និងមិនអាចនិយាយបានពីកំណើនឥទ្ធិពល និងពីថ្ងៃអវសានរបស់ Covid-១៩។ បើ Covid-១៩ បន្តមានឥទ្ធិពល និងវត្តមានកាន់តែយូរ ផលវិបាកក៏នឹងមានកាន់តែខ្លាំងចំពោះជីវិតមនុស្ស និងសេដ្ឋកិច្ចក្នុងលោក។ផលប៉ះពាល់សេដ្ឋកិច្ចពិភពលោក អាចនឹងរីកធំឡើងៗដែលមិនទាន់ប៉ាន់ស្មានបានពិតប្រាកដឡើយ ពិសេស វាកើតឡើងស្របពេលដែលសេដ្ឋកិច្ចចិនកំពុងធ្លាក់ចុះ ខណៈពេលដែលក្រុមហ៊ុនអាម៉េរិកមួយចំនួននិងបណ្តា ប្រទេសផ្សេងទៀតកំពុងផ្លាស់ប្តូរខ្សែផ្គត់ផ្គង់ពីប្រទេសចិនទៅកន្លែងផ្សេងទៀតដោយសារពន្ធថ្មី និងភាពតាន...
(CDC) បានយល់ព្រមលើគម្រោងវិនិយោគបង្កើតរោងចក្រមានទុនវិនិយោគប្រមាណ ២,២លានដុល្លារ
ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី28 ខែកុម្ភៈ ឆ្នាំ២០២០ បានយល់លើគម្រោងវិនិយោគបង្កើតរោងចក្រ កាត់ដេរសម្លៀកបំពាក់ របស់ក្រុមហ៊ុន “CB KINGTOP FASHION GARMENT CO., LTD” គណៈកម្មាធិការវិនិយោគ កម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ “វិញ្ញាបនបត្រចុះបញ្ជីជាស្ថាពរ” ជូនដល់ក្រុមហ៊ុនខាងលើ ដែលមាន ទីតាំងវិនិយោគស្ថិតនៅភូមិខ្វា ឃុំស្រង់ សង្កាត់ដង្កោ ខណ្ឌដង្កោ រាជធានីភ្នំពេញ មានទុនវិនិយោគប្រមាណ ២,២លានដុល្លារ អាមេរិក និងអាចបង្កើតការងារបានចំនួន ១.០៧០កន្លែង។
សម្តេចតេជោ មានដំណឹងល្អសម្រាប់អ្នកនៅតំបន់អរិយក្សត្រ និងល្វាឯម
ព្រឹកថ្ងៃទី២៨ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថា តំបនអរិយក្សត្រ និងល្វាឯម នៃខេត្តកណ្តាល នឹងត្រូវកាត់បញ្ចូឡជាខណ្ឌមួយរបស់រាជធានីភ្នំពេញ នៅពេលខាងមុខនេះ ដោយសារតែរាជធានីភ្នំពេញ ត្រូវការពង្រីកខ្លួនកាន់តែធំថែមទៀត។ ការថ្លែងបែបនេះ ក្នុងពិធីស្រោចស្រពព្រះសុគន្ធវារី ប្រគេនសម្តេចព្រះនាយករង៣ព្រះអង្គ ដែលព្រះមហាក្សត្រទើបត្រាស់បង្គាប់តែងតាំងថ្មី នៅវត្តមុនីសុវណ្ណ ហៅវត្តចំពុះក្អែក ស្ថិតនៅខណ្ឌច្បារអំពៅ រាជធានីភ្នំពេញ ។សម្តេចតេជោ ហ៊ុន សែន បានមានប្រសាសន៍យ៉ាងដូច្នេះថា៖ «កន្លែងនេះកាលពីដើមឡើយជាទឹកដីរបស់ខេត្តកណ្ដាលទេ ប៉ុន្តែដោយសារតែភ្នំពេញត្រូវការរីកចម្រើន ដូច្នេះបានជាកាត់ គឺកាត់ចង់អស់ហើយ បន្តិចទៀតនឹងមានការកាប់ថែមទៀត។ បើស្ពានរួចហើយ រៀបចំកាត់តាំងពីអរិយក្សត...
រោងចក្រសហគ្រាស ជិត២០០មានបញ្ហា អាចប្រឈមប៉ះពាល់កម្មករ-កម្មការិនីប្រហែល១៦ម៉ឺននាក់ នៅដើមខែមីនានេះ
តាមរយៈការព្យាករណ៍ និងវាយតម្លៃជាក់ស្តែងរបស់ក្រសួងពាក់ព័ន្ធនឹងបញ្ហានៃការរីករាលដាលនៃវីរុសកូរ៉ូណា ឬ COVID- 19 គឺនាដើមខែ៣ខាងមុខនេះ គឺអាចមានរោងចក្រសហគ្រាស ជិត២០០ អាចប្រឈមប៉ះពាល់កម្មករ -កម្មការិនី ប្រហែល១៦ម៉ឺននាក់។នេះបើយោងតាម លោកហេង សួរ អ្នកនាំពាក្យក្រសួងការងារ និងបណ្ដុះ បណ្ដាលវិជ្ជាជីវៈ ក្នុងសន្និសីទសារព័ត៌មាន ស្ដីពីវឌ្ឍនភាព និងលើកទិសដៅការងារ បន្តរបស់ក្រសួងការងារ បណ្ដុះបណ្ដា និងវិជ្ជាជីវៈ នៅថ្ងៃទី២៧ ខែកុម្ភៈ ឆ្នាំ២០២០ ។បញ្ហាប្រឈមនឹងការកង្វះវត្ថុធាតុដើម ដែលនាំចូលមកពីប្រទេសចិននេះ ក៏ដោយសាររោងចក្រមួយ ចំនួន នៅប្រទេសចិន ត្រូវបានបិទទ្វារ ក្រោយមានផ្ទុះវីរុសកូរ៉ូណា ឬ Covid-19...
សម្ដេចតេជោ ៖ ការទិញផ្ទះ និងខុនដូតម្លៃក្រោម៧ ម៉ឺនដុល្លារអាមេរិក គឺមិនបង់ពន្ឋប្រថាប់ត្រាឡើយ
កាលពីព្រឹកថ្ងៃទី២៦ ខែកុម្ភៈ ឆ្នាំ២០២០ នៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ៥៨ សម្ដេចតេជោ ហ៊ុន សែន បានថ្លែងឱ្យដឹងថា បងប្អូនទិញផ្ទះតម្លៃក្រោម ៧ ម៉ឺនដុល្លារអាមេរិក គឺមិនបង់ពន្ឋប្រថាប់ត្រាឡើយ ជាពិសេសសូម្បីតែខុនដូទំនើបៗក៏ត្រូវបានលើកលែងដែរ។សម្ដេច ហ៊ុន សែន បានបន្តថាក្នុងកាលៈទេសៈដែលសេដ្ឋកិច្ចពិភពលោក និងតំបន់កំពុងប្រឈមនឹងការរំខានដោយជំងឺ កូវីដ ១៩ (កូរ៉ូណា) គឺ សម្តេចបានបញ្ជាក់ច្បាស់សារជាថ្មីនៅថ្ងៃនេះ ជូនដល់បងប្អូនជនរួមជាតិទូទាំងប្រទេសអោយបានជ្រាបថា បើបងប្អូនទិញផ្ទះ ទិញខុនដូ ឬផ្ទះល្វែង ក្រោមតម្លៃ ៧ម៉ឺនដុល្លារ គឺមិនមានបង់ពន្ធប្រថាប់ត្រាទេ៕
(CDC) យល់ព្រមតាមសំណើសុំវិនិយោគរបស់ក្រុមហ៊ុនជាច្រើនដែលមានទំហំថវិការច្រើនលានដុល្លារ
ថ្មីៗនេះក្រុមប្រឹក្សាអភិវឌ្ឍន៍កម្ពុជា (CDC) បានយល់ព្រមតាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគ កម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនដូចខាងក្រោម៖១- “ROYAL CAMBODIAN HOSPITAL CO., LTD”គម្រោងសាងសង់និងអាជីវកម្មមន្ទីរពេទ្យអន្តរជាតិចំនួន ១.៥០០គ្រែ ដែលមានទីតាំងវិនិយោគស្ថិតនៅដីឡូតិ៍តាមបណ្តោយមហាវិថីសម្តេចហ៊ុនសែន ភូមិស្រុកចេកនិងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ មានទុនវិនិយោគប្រមាណ ៤៧៨លានដុល្លារអាមេរិក និងអាចបង្កើតការងារបានចំនួន ១.៥០០កន្លែង។២- “ CHIP MONG RETAIL CO., LTD” គម្រោងសាងសង់ផ្សារទំនើប ដែលមានទីតាំងវិនិយោគស្ថិតនៅផ្លូវ២៧១ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ...
