ទីភ្នាក់ងារអវកាសអឺរ៉ុប (ESA) បានបង្ខំចិត្តសុំជំនួយពីអង្គការ NASAដើម្បីសង្គ្រោះបេសកកម្មភពព្រះអង្គារ ExoMars 2020របស់ពួកគេ ក្រោយការធ្វើតេស្តឆ័ត្រយោងជាច្រើនលើកច្រើនសារបញ្ចប់ទៅដោយបរាជ័យប្រកបគ្រោះថ្នាក់រួចមកនោះ។
ឆ័ត្រយោងចំនួន២នៅលើរូបយន្ត ExoMars គ្រោងនឹងដាក់ពង្រាយ ជាផ្នែកមួយនៃការរចនាឡើងដ៏ស្មុគស្មាញ ដើម្បីពន្យឺតការចូលចតរបស់យាននៅលើផ្ទៃភពដីក្រហមមួយនេះ។ការពន្យាពេលបណ្តាលមកពីការធ្វើតេស្តមិនបានជោគជ័យ ជាហេតុធ្វើឲ្យកាលកំណត់នាឆ្នាំក្រោយ ស្ថិតក្នុងគ្រោះថ្នាក់ ក្នុងនោះក្រុមវិស្វករ បានផ្តល់ឱកាសដល់បេសកកម្មមួយនេះត្រឹមតែ៥០ភាគរយប៉ុណ្នោះ នៃការបង្ហោះទាន់ពេល។ក្រុមវិស្វករអវកាស ESA សង្ឃឹមជឿជាក់ថា សហការីនៅទូទាំងតំបន់សមុទ្រអាត្លង់ទិក នឹងអាចជួយដោះស្រាយបញ្ហាមួយនេះឲ្យទាន់ពេលសម្រាប់ការចុះបេសកកម្មនៅថ្ងៃទី២៦ ខែកក្កដា និងថ្ងៃទី១២ ខែសីហា ឆ្នាំ២០២០ខាងមុខនេះ។បើសិនជារដូវកាលនេះខកខាន ថ្លៃដែលបានកើនលើងរួចទៅហើយនោះ នឹងបន្តកើនឡើងខ្ពស់បន្ថែមទៀត ហើយការបង្ហោះនឹងមិនអាចបន្តបានទេ យ៉ាងហោចណាស់ក៏ដល់ឆ្នាំ២០២២ដែរ។បរិយាកាសស្តើងបំផុតនៅលើភពព្រះអង្គារ មានន័យថា វាកាន់តែពិបាកក្នុងការចូលចតនៅទីនោះនៅលើផ្ទៃភពព្រះអង្គារ ។ការធ្វើតេស្តរយៈកម្ពស់ខ្ពស់ ដែលត្រូវបានរចនាឡើងដើម្បីធ្វើឲ្យលក្ខខណ្ឌកម្រិតអប្បរមានៅលើភពព្រះអង្គារ ឆ័ត្រយោងទាំង២ បានរហែកពេលដាក់ពង្រាយ។
ការធ្វើតេស្តស្រដៀងគ្នានេះ នឹងត្រូវធ្វើឡើងក្នុងពេលដ៏ខ្លីខាងមុខនេះ ដោយអង្គារ NASA ស្របពេលដែលមន្ទីរពិសោធន៍ Jet Propulsion Laboratory(JPL) របស់ពួកគេ បានធ្វើអន្តរាគមន៍ ដើម្បីសង្គ្រោះកិច្ចខិតខំជួបគ្រោះថ្នាក់នេះ។ការធ្វើតេស្តដំបូងនៅ JPL ត្រូវបានសន្យា ដើម្បីធ្វើឲ្យមានក្តីសង្ឃឹមឡើងវិញនៃការធ្វើឲ្យបេសកកម្ម ExoMars រស់រានឡើងវិញ។លោក Pietro Baglioni គឺជាអ្នកគ្រប់គ្រងបេសកកម្ម ExoMars បាននិយាយប្រាប់កាសែតThe Observorថា ការធ្វើតេស្តនៅមន្ទីរពិសោធន៍លើឆ័ត្រយោងថ្មីក្នុងខែនេះបានដំណើរការទៅយ៉ាងរលូន៕
Home ព័ត៌មានអន្តរជាតិ ទីភ្នាក់ងារអវកាសអឺរ៉ុបបង្ខំចិត្តសុំជំនួយពី NASAក្រោយសាកល្បងឆ័ត្រយោងបរាជ័យធ្វើឲ្យអន្តរាយដល់បេសកកម្មភពព្រះអង្គារឆ្នាំ២០២០