តារាស្រីក្នុងរឿង “GAME of Thrones” នាង Emilia Clarke (អេមីលៀ ក្លាក)បាននិយាយថា នាងរងសំពាធខ្លាំងបំផុតនៅក្នុងការថតឈុតស្រាតរបស់នាងនៅក្នុងខ្សែភាពយន្តដ៏ជោគជ័យមួយនេះ ជាពេលដែលនាងទើបតែមានវ័យ២៣ឆ្នាំនោះ។
តារាសម្តែងស្រីវ័យ៣៣ឆ្នាំរបស់អង់គ្លេសម្នាក់នេះ បានអះអាងថា ក្រុមអ្នកដឹកនាំរឿងបានធ្វើឲ្យនាងយល់ឃើញថា វាគឺជាកំហុសមួយ បើសិននាងមិនស្រាត ធ្វើឲ្យក្រុមអ្នកគាំទ្រខកចិត្តនោះ។
ចាប់ពីឈុតដែលនាងត្រូវឱបបបោសអង្អែលដ៏ស្រើបស្រាលជាមួយស្តេចសង្គ្រាម Khal Drogo (ខាល ដ្រូហ្គោ)និងដើរលើអគារដែលកំពុងតែឆាបឆេះក្នុងសភាពននលគោករបស់នាង ច្បាស់ណាស់ថា នាង Emilia បានចំណាយពេលស្រាតច្រើនជាងតួអង្គណាៗទាំងអស់នៅក្នុងខ្សែភាពយន្តនេះ។
នៅពេលនេះ នាង Emilia បាននិយាយពីសំពាធដែលនាងប្រឈមពេលដែលនាងត្រូវស្រាតដំបូងនៅក្នុងអាជីពរបស់នាង ដោយនាងបានធ្វើការសង្កត់ធ្ងន់ពីសារៈសំខាន់នៃដែនកំណត់ទាំងនេះ។
ឈុតស្រាតដំបូងគេរបស់នាង Emilia ឃើញនាងដើរចូលទៅក្នុងអាងហែលទឹកដ៏ស្អាតមួយ ដោយមានអ្វីៗទាំងអស់នៅក្នុងនោះ។
នាងបានទទួលស្គាល់ថា នាងត្រូវការចំណាយពេលដើម្បីមានជំនឿចិត្តប្រឈមនឹងក្រុមអ្នកដឹកនាំរឿង ពេលដែលនាងត្រូវសម្តែងនៅក្នុងស្នេហាដ៏ស៊ីជម្រៅបែបនេះ ហើយនាងក៏បានជួបប្រទះនូវភាពតានតឹងផងដែរពេលដែល នាងត្រូវតែសម្តែងឈុតស្រាតឲ្យចូលអារម្មណ៍បំផុតបែបនេះ។
នាងបានពន្យល់ថា បច្ចុប្បន្ននាងយល់កាន់តែច្រើន នូវអ្វីដែលនាងត្រូវតែសម្របខ្លួនឲ្យបានល្អ ហើយនិងអ្វីដែលនាងត្រូវធ្វើដោយគ្មានបញ្ហាទាំងអស់។ អ្នកមិនត្រូវធ្វើឲ្យក្រុមអ្នកគាំទ្រខ្សែភាពយន្ត “Game of Thrones”ខកចិត្ត ជាដាច់ខាត ទោះបីតម្រូវឲ្យអ្នកត្រូវរួមភេទជាមួយតួប្រុសក៏ដោយ។ នាងពេញចិត្តនឹងធ្វើបែបនេះ។
ពេលរំឭកដល់ភាពភ្ញាក់ផ្អើលរបស់នាង ក្រោយថតស្រាតនៅក្នុងរឿង “Game of Thrones” ក្នុងវ័យ២៣ឆ្នាំ នាង Emilia បានសារភាពថា នាងហាក់ដូចជាមានអារម្មណ៍ខ្មាស់អៀនខ្លាំងណាស់ ពេលជួបជាមួយក្រុមដឹកនាំរឿង ។
នាងបានយល់ព្រមទទួលការងារមួយនេះ ហើយពួកគេក៏បញ្ជូនប៉ារ៉ូលឲ្យនាងអាន ទើបនាងដឹងថានៅក្នុងសាច់រឿងនេះ មានឈុតឆាកក្តៅខ្លួនច្រើនណាស់ ។ នាងត្រូវតែទទួលយកការងារមួយនេះ ដោយសារតែនាងទើបរៀនចប់នៅសាលាសិល្បះភាពយន្ត ហើយនាងត្រូវតែធ្វើវាឲ្យខាងតែបាន៕
