ក្មេងស្រីម្នាក់ បានប្រឈមនឹងការជាប់ពន្ធនាគារអស់មួយជីវិតសម្រាប់ការសម្លាប់បុរសម្នាក់ដែលបានចាប់រំលោភនាងហើយមិនអស់ចិត្តលក់នាងឲ្យគេចាប់រំលោភថែមទៀត។នាង Chrystul Kizer អាយុ១៩ឆ្នាំ ត្រូវបានគេចាប់រំលោភដោយលោក Randy Volar ដែលបានបំពានផ្លូវភេទមកលើក្មេងស្រីជាច្រើននាក់ទៀតផងដែរ ដោយលោកបានថតរូបអាស់អាភាសដោយគ្មានការយល់ព្រមពីពួកនាងនោះឡើយ។ពួកគេទាំង២ បានជួបគ្នានៅក្នុងឆ្នាំ២០១៦ ពេលដែលនាង Kizerមានអាយុ១៦ឆ្នាំ ហើយក្រោយពីចោទប្រកាន់ថា គាត់បានចាប់រំលោភនាង និងលក់ខ្លួនឲ្យបុរសផ្សេងចាប់រំលោភនាងទៀត នាងក៏បានបាញ់គាត់២គ្រាប់ចំកណ្តាលក្បាល កាលពីថ្ងៃទិ៥ ខែមិថុនា ឆ្នាំ២០១៨ នៅផ្ទះរបស់គាត់ ស្ថិតនៅក្នុងទីក្រុង Kenosha រដ្ឋ Wisconsin សហរដ្ឋអាមេរិក។ ក្រោយមក នាងក៏បានដុតកម្ទេចសាកសពគាត់ចោល ហើយនិងរត់គេចចេញពីកន្លែងកើតហេតុតាមរថយន្ត BMWរបស់គាត់។
នាង Kizer បានសារភាពចំពោះទោសកំហុសដែលនាងបានធ្វើ ហើយនិងបានច្រានចោលថា លោក Volar មិនត្រូវបានចាប់ខ្លួននោះទេកាលពីរយៈពេល៤ខេមុនថ្ងៃកើតហេតុ ពាក់ព័ន្ធនឹងករណីបំពានផ្លូវភេទមកលើកុមារផ្សេងទៀត។ក្រុមមេធាវីរបស់នាង ចង់ប្រើប្រាស់ច្បាប់រដ្ឋសហព័ន្ធ ដែលនឹងអនុញ្ញាតឲ្យជនរងគ្រោះពីការជួញដូរផ្លូវភេទ រួចផុតពីការចោទប្រកាន់ បើសិនជាអាចបញ្ជាក់បានថា នាងធ្វើបែបនេះ ដោយសារតែនាងការពារខ្លួនក្នុងករណីជួញដូរមនុស្សខុសច្បាប់ប៉ុណ្ណោះ។ ទោះបីជាយ៉ាងណាក៏ដោយ ចៅក្រមបានសម្រេចថា វាមិនអាចប្រើប្រាស់ក្នុងករណីនេះបានឡើយ ហើយនាងនឹងប្រឈមការចោទប្រកាន់ប្រកាន់ពីបទឃាតកម្ម។នាង Kizer បាននិយាយប្រាប់កាសែត Washington Post ថា ពួកគេបានជួបគ្នាតាមវែបសាយពេស្យាចារ្យដែលក្រោយមក វែបសាយមួយនេះបានបិទវិញ ដោយវាសម្របសម្រួលដល់ការជួញដូរមនុស្សខុសច្បាប់។ ការទាមទាររបស់គាត់ កាន់តែច្រើនឡើង ហើយនាងបានព្យាយាមនៅឆ្ងាយពីគាត់ ដោយសារតែរឿងរ៉ាវកាន់តែធ្ងន់ធ្ងរទៅជាមួយមិត្តប្រុស Delane Nelson របស់នាង។នាងបាននិយាយថា គាត់បានចាប់ផ្តើមនិយាយគំហកដាក់នាង និងប្រើពាក្យអសុរសមកលើរូបនាង ហើយថែមទាំងបានគំរាមទៀតថា បើនាងឈប់និយាយជាមួយនឹងគាត់ គាត់នឹងសម្លាប់នាងចោលភ្លាម។
ទោះបីជាយ៉ាងណាក៏ដោយ ក្រោយពេលដែលមានទំនាស់ជាមួយគាត់ នាងក៏បានទៅលេងផ្ទះលោក Volarជាកន្លែងដែលពួកគេទទួលបានភីហ្សា និងជក់បារីជាមួយគ្នា។ គាត់ក៏ឲ្យថ្នាំញៀនមកនាង ហើយគាត់ក៏ចាប់ផ្តើមស្ទាបភ្លៅរបស់នាង ហើយនាងក៏ប្រាប់ទៅគាត់ថា នាងលែងប្រព្រឹត្តទង្វើរបែបនេះទៀតហើយ ។ នាងក៏បានព្យាយាមក្រោកឡើង ដើម្បីងើបចេញពីគាត់ ប៉ុន្តែនាងមិនអាចទៅណារួចនោះទេ នាងក៏ដួលលើឥដ្ឋ ហើយគាត់ក៏បានពោបនៅពីលើនាង និងព្យាយាមហែកខោខ្លី និងខោខូវប៊យរបស់នាង តែនាងរើររួច ហើយក៏បាញ់គាត់២គ្រាប់ចំកណ្តាលក្បាលតែម្តង។ នាងបានរួចរត់គេចចេញពីកន្លែងកើតហេតុនៅវេលាម៉ោង៥ព្រឹក ក្រោយពេលយកសាកសពគាត់ទៅដុតចោល។បច្ចុប្បន្ន នាង Kizer កំពុងរង់ចាំការកាត់ទោស ប៉ុន្តែនាងនឹងប្តឹងឧទ្ធរណ៍ប្រឆាំងនឹងសាលក្រមសម្រេចផងដែរ៕
Home ព័ត៌មានអន្តរជាតិ ចាប់រំលោភហើយមិនអស់ចិត្តលក់ឲ្យគេចាប់រំលោភទៀត ធ្វើឲ្យក្មេងស្រីអាយុ១៩ឆ្នាំម្នាក់ខឹងចិត្តបាញ់សម្លាប់ប្រុសព្រាននោះចោល