បុណ្យណូអែល (នៅភាសាអង់គ្លេស បុណ្យ គ្រិស្តម៉ាស) ជាបុណ្យ ទិវាប្រសូតិ របស់ព្រះយេស៊ូគ្រិស។ គ្រឹស្តសាសនិក ជននៅទូទាំងពិភពលោកតែងតែ ប្រារព្ធពិធីបុណ្យនេះ ជារៀងរាល់ឆ្នាំ នៅថ្ងៃទី ២៥ ខែធ្នូ ដែលជាខួបកំណើតរបស់ ព្រះយ៉េស៊ូគ្រឹស្ត។ នៅទីក្រុងប៊ែតឡេហ៊ែម (ប៉ាឡេស្ទីន) ដែលជាទីកន្លែងបង្កើតគម្ពីគ្រឹស្តសាសនា នៃកំណើតព្រះយ៉េស៊ូ គ្រឹស្ត។
បុណ្យគ្រីស្តម៉ាស ឬ ណូអែល ចាប់ផ្ដើមប្រារព្ធធ្វើ ប្រមាណ ជា ២០០ ឆ្នាំ ក្រោយគ្រិស្តសករាជ។ កាលពីឆ្នាំ ២២១ ប្រវត្តិវិទូសម័យក្រុងរ៉ូម ឈ្មោះ Sextus Julius Africanus បានកំណត់ក្នុងសៀវភៅប្រវត្តិពិភពលោក យកថ្ងៃទី ២៥ ខែធ្នូ ជាថ្ងៃបុណ្យគ្រិស្តម៉ាស។ គ្រិស្តម៉ាស ប្រារព្ធធ្វើនៅក្នុងបុណ្យរងា ដែលជាឱកាស សប្បាយរីករាយ របស់ជនជាតិជាច្រើន ក្នុងតំបន់ត្រជាក់ ឈៀងខាងជើងនៃពិភពលោក ក្រោយមកបុណ្យនេះ ក៏ចេះតែកើន ប្រជាប្រិយភាព ខ្លាំងឡើង ចាប់ពីសតវត្សន៍ទី ៤ រហូតរីករាល ចូលតំបន់អាណាចក្ររ៉ូមុំាង។
និយាយពីបុណ្យគ្រិស្តម៉ាស ចាំបាច់ត្រូវស្គាល់ Santa Claus ឬ Pere Noel ដែលគេតែងពណ៌នាថា ជាបុរសចាស់ ពុកមាត់ពុកចង្កា សស្រមូម ដុះពោះស្ពីង ស្លៀកពាក់ ខោអាវពណ៌ក្រហម ជាមនុស្សចិត្តល្អ ដែលមានផ្ទះ នៅឯ ប៉ូល ទិសខាងជើង ដែលគ្របដណ្តប់ ទៅដោយទឹកក។ ជនជាតិហូល្លង់ ច្រើនហៅ Santa Claus ថាឈ្មោះ Saint Nicolas ឬ Sinterklaas ដែលតែងតែចែកស្ករគ្រាប់ និង អំណោយផ្សេងៗ ឲ្យកូនកេ្មង នៅថៃ្ងបុណ្យ។ លុះពួក ហូឡង់ អន្តោប្រវេសន៍ ទៅនៅអាមេរិក ពួកគេក៏បាន នាំយក ជំនឿនោះទៅជាមួយផង ហើយនៅសតវត្សទី ១៩ អាមេរិក ក៏បានប្តូរឈ្មោះ គាត់ជា santa claus ឬ Saint Nicolas។ នៅរៀងរាល់យប់ទី២៤រំលងអធ្រាត្រចូល២៥សា Santa Claus នឹងជិះគាវទឹកកក ដឹកកាដូ យកទៅចែកឲ្យកូនកេ្មង ដែលប្រព្រឹត្តល្អមិនខ្ជិលច្រអូស ហើយដែលបានសរសេរសំបុត្រ សូមអំណោយពីគាត់ ។ គេនិយាយប្រាប់កូនកេ្មងតូចៗថា សាន្តាខ្លូស ចុះតាមបំពង់ផ្សែងយកកាដូទៅដាក់នៅក្រោមដើមស្រល់ដែលគ្រួសារនីមួយៗតុបតែងដោយអំពូលភ្លើង ខ្សែបូ ផ្កាក្រដាស និងផ្កាយពណ៌.សរួចហើយ Santa Claus ក៏នឹងទទួលទាននំ និងទឹកដោះ ដែលគេតែងដាក់ថ្វាយគាត់នៅលើតុ ។
ក្រៅពីថៃ្ងបុណ្យនេះ Santa Claus នឹងនៅផ្ទះជាមួយភរិយា ហើយផលិតគ្រឿងលេងផ្សេងៗ ដោយមានពួកទេវតាតូចៗ ជួយគាត់ ដើម្បីទុកសម្រាប់ចែកឲ្យកូនកេ្មងនៅឆ្នាំក្រោយទៀត ។ មានរឿងនិទានសៀវភៅកំណាព្យល្ខោន និងភាពយន្តជាច្រើនរៀបរាប់ពីបុណ្យគ្រិស្តម៉ាស ដែលថ្វីបើជាបុណ្យខាងសាសនាគ្រិស្ត ព្រោះជាទិវាប្រសូតរបស់ព្រះយេស៊ូ តែក៏បានក្លាយទៅជាបុណ្យ នៃទឹកចិត្តសប្បុរស បុណ្យនៃការចែកចាយអំណោយ។
គួរបញ្ជាក់ដែរថា បច្ចុប្បន្ននេះមិនត្រឹមតែប្រជាជនដែលគោរពសាសនាគ្រិស្ដទេដែលប្រារព្ធពិធីនេះ សូម្បីតែប្រទេសមួយចំនួនទៀតដែលមិនគោរពសាសនានេះក៏ចូលរួមប្រារព្ធដែរ ដោយគេយល់ថាការជូនកាដូរ និងពិសារអាហារពេលល្ងាចជាមួយគ្នាក្នុងឱកាសនេះ គឺដើម្បីបង្កើមភាពស្និតស្នាល៕
Home ព័ត៌មានអន្តរជាតិ បុណ្យគ្រិស្តម៉ាស ឃើញគេទិញកាដូជូនគ្នាទៅវិញទៅមក មានដឹងអំពីអត្ថន័យនេះអត់ ?