ការសិក្សាថ្មី បានរកឃើញថា ស្ត្រីជាង១ភាគ៣នៅចក្រភពអង់គ្លេស មិនចាប់អារម្មណ៍លើការរួមភេទនោះទេ។ក្រុមអ្នកស្រាវជ្រាវ បានធ្វើការស្ទង់មតិលើស្ត្រីអង់គ្លេសជាង១២.០០០នាក់ ដោយសាកសួរពីចំណង់ចំណូលផ្លូវភេទរបស់ពួកគេ។ប្រហែលជា៣៤ភាគនៃស្ត្រីទាំងអស់នោះ បានសារភាពថា ពួកគេមិនចង់រួមសិចទាល់តែសោះ ខណៈពេលដែលសំនួរតែមួយសម្រាប់បុរសមានតែ១៥ភាគរយប៉ុណ្ណោះ។ស្ត្រីទាំងអស់នោះ បានប្រកាសឲ្យដឹងថា ពួកគេមានបញ្ហាសារពាង្គកាយ ហើយយល់ឃើញថា ពិបាកក្នុងការរួមភេទខ្លាំងណាស់។
ការសិក្សា បានបង្ហាញទៀតថា ភាគច្រើននៃស្ត្រីទាំងអស់នោះ គឺជាស្ត្រីដែលរៀបការរួច និងរស់នៅជាមួយដៃគូរបស់ពួកគេ។អ្នកស្រី Sara Collins បាននិយាយថា គាត់យល់ឃើញថា ការរួមភេទពិតជាពិបាកខ្លាំងណាស់ ក្រោយផ្តល់កំណើតដល់កូនដំបូងរបស់គាត់ ហើយពេលដែលគាត់មានកូនទី២ អតីតប្តី Graham របស់គាត់ និងរូបគាត់ ដេកក្នុងបន្ទប់ផ្សេងគ្នា។ពួកគេបានចែកផ្លូវគ្នាដើរកាលពីឆ្នាំមុន ដោយសារតែការមិនចុះសម្រុងគ្នារឿងដំណេកនេះឯង ហើយនាងលែងចាប់អារម្មណ៍នឹងការមានស្នេហា ឬការរួមភេទទៀតហើយ។អ្នកស្រី Collins បន្តទៀតថា ពេលដែលយើងនៅជាមួយគ្នា គាត់គិតថាប្តីរបស់គាត់ មិនអីនោះទេបើយើងមានជីវិតអាពាហ៍ពិពាហ៍ដោយគ្មានការរួមភេទបែបនេះ ។ តែក្រោយមក វាផ្ទុយស្រឡះ។ ពេលដែលយើងចូលដល់វ័យ៤៥ឆ្នាំ យើងលែងមានចំណង់ផ្លូវភេទដូចកាលដែលយើងមានវ័យ១៧ឆ្នាំទៀតហើយ។
ក្រុមអ្នកស្រាវជ្រាវមកពីសាកវិទ្យាល័យ Glasgow បានធ្វើការវិភាគទៅលើតារាងសំនួរចម្លើយរួមភេទ ពីមនុស្ស១២.១៣២នាក់ នៅចក្រភពង់គ្លេស ដែលមានអាយុចន្លោះពី១៦ឆ្នា ដល់៧៤ឆ្នាំ ហើយនៅក្នុងនោះ ៤៧.៥ភាគរយនៃស្ត្រីទាំងអស់នោះ គឺគ្មានចំណង់ផ្លូវភេទនោះទេ៕
Home ព័ត៌មានអន្តរជាតិ ការសិក្សាថ្មីបានរកឃើញថា ១ភាគ៣នៃស្ត្រីអង់គ្លេសគ្មានចំណង់ផ្លូវភេទនោះទេ