…ក្រៅពីប្រទេសចិន…ក៏នៅមានប្រទេសមួយចំនួនទៀតបានកើតមាននូវការឆ្លងជម្ងឺរលាកសួតកូរ៉ូណាដែរ…ហើយនៅក្នុងខណៈពេលដែលក្រុមអ្នកវេជ្ជសាស្ត្រពុំទាន់ស្រាវជ្រាវរកឃើញថ្នាំព្យាបាលជម្ងឺប្រភេទនេះ…ក្រុមគ្រូពេទ្យនៅក្នុងប្រទេសចិនបានរិះរកពីវិធីព្យាបាល រហូតមានអ្នកជម្ងឺដែលបានឆ្លងជម្ងឺនេះបានជាសៈស្បើយចេញពីមន្ទីរពេទ្យវិលត្រឡប់ទៅផ្ទះវិញ។ នេះពិតជាដំណឹងមួយគួរឲ្យរីករាយក្រៃលែង សូមអបអរសាទរ..!។
តាមការចុះផ្សាយរបស់សារព័ត៌មានChina Newsបានឲ្យដឹងថា បុរសម្នាក់ដែលមានផ្ទុកជំងឺរលាកសួតថ្មីបង្កឡើងដោយវីរុសកូរ៉ូណា ត្រូវបានចាកចេញពីមន្ទីរពេទ្យក្រោយគ្រូពេទ្យបានព្យាបាលរូបលោកឲ្យជាសះស្បើយ។ លោកគឺជាមនុស្សទីមួយនៅក្នុងខេត្ដជាំងស៊ីដែលបានជាសះស្បើយពីជំងឺនេះ ហើយចេញពីមន្ទីរពេទ្យកាលពីថ្ងៃចន្ទទី២៧ ខែមករា។
សូមបញ្ជាក់ថា កាលពីថ្ងៃអាទិត្យចុងសប្ដាហ៍មុនគណៈកម្មាធិការសុខាភិបាលក្រុងសៀងហៃបានប្រកាសដែរថា មានអ្នកជំងឺរលាកសួតប្រភេទថ្មីបង្កដោយវីរុសកូរ៉ូណាម្នាក់ដែរ ត្រូវបានព្យាបាលឲ្យជាសះស្បើយ។ អ្នកជំងឺរូបនោះជាស្ដ្រីវ័យ៥៦ឆ្នាំ ត្រូវបានគ្រូពេទ្យព្យាបាលជាសះស្បើយនិងបានចេញពីមន្ទីរពេទ្យត្រឡប់ទៅផ្ទះវិញ។ ស្ដ្រីរូបនោះមានរោគសញ្ញាតាំងពីថ្ងៃទី១០មករា ហើយបញ្ជូនទៅមន្ទីរពេទ្យនៅថ្ងៃទី១២មករា៕
Home ព័ត៌មានអន្តរជាតិ អបអរសាទរ…គ្រូពេទ្យចិន ព្យាបាលអ្នកជម្ងឺរលាកសួតកូរ៉ូណាបានជាសៈស្បើយវិលទៅផ្ទះយ៉ាងរំភើយ