រដ្ឋធានីវ៉ាស៊ីនតោន៖ ក្រោយពេលនិស្សិតបានទន្ទឹងរង់ចាំ អស់រយៈពេលជាយូរមកហើយ ដើម្បីទាមទារឲ្យរដ្ឋាភិបាលលុបចោលបំណុល នៅក្នុងវិធីប្រាក់កម្ចីរបស់និស្សិតនោះ នៅទីបំផុតប្រធានាធិបតីសហរដ្ឋអាមេរិកនឹងសម្រេចលុបចោលប្រាក់ ១០ ០០០ដុល្លារ នៅក្នុងកម្មវិធីបំណុលនិស្សិតសម្រាប់ពលរដ្ឋអាមេរិកាំងរាប់លាននាក់។
សារព័ត៌មាន Boston Herald បានចេញផ្សាយកាលពីព្រឹក ថ្ងៃព្រហស្បតិ៍ទី២៥ ខែសីហា ថាលោក ចូ បៃដិន (Joe Biden) ប្រធានាធិបតីសហរដ្ឋអាមេរិកនឹងសម្រេចលុបចោលប្រាក់ ១០ ០០០ដុល្លារ នៅក្នុងកម្មវិធីប្រាក់កម្ចីរបស់និស្សិតសហព័ន្ធន៍ សម្រាប់ជនជាតិអាមេរិកាំងរាប់លាននាក់ដែលរកបានប្រាក់ចំណូល តិចជាង ១២៥ ០០០ដុល្លារ នៅក្នុង១ឆ្នាំ។ ជាមួយគ្នានេះដែរ លោកប្រធានាធិបតីក៏នឹងលើកលែងប្រាក់បំណុលចំនួន ២០ ០០០ដុល្លារ សម្រាប់និស្សិតនៅក្នុងកម្មវិធី Pell Grants ដែលនឹងអនុវត្ត សម្រាប់តែអ្នកត្រូវការហិរញ្ញវត្ថុខ្លាំងបំផុត។
រហូតមកដល់ពេលនេះ ប្រជាពលរដ្ឋអាមេរិកាំង ប្រហែល ៤៣លាននាក់ កំពុងតែជាប់ជំពាក់នឹងបំណុល នៅក្នុងកម្មវិធីប្រាក់កម្ចីនិស្សិតសហព័ន្ធន៍ ដែលមានតម្លៃសរុប ១,៦ពាន់ពាន់លានដុល្លារ។
ថ្លែងចេញពីសេតវិមាន កាលពីថ្ងៃពុធ លោក ចូ បៃដិន (Joe Biden) ប្រធានាធិបតីសហរដ្ឋអាមេរិក បានបញ្ជាក់ ថា «ផែនការរបស់គាត់ នឹងជួយបន្ធូរបន្ថយដល់គ្រួសារកម្មករ និង អ្នកមានជីវភាពមធ្យម។ បន្ទុកនេះ គឺធ្ងន់ណាស់ សូម្បីតែអ្នកបញ្ចប់ការសិក្សាក៏ដោយ អ្នកប្រហែលជាមិនអាចឈានចូលទៅក្នុងជីវិតវណ្ណៈថ្នាក់កណ្តាល ដែលសញ្ញាបត្រ ចេញពីមហាវិទ្យាល័យ ធ្លាប់ផ្តល់ឱ្យដែរ។ លោកប្រធានាធិបតី ក៏បានរំឭកពីភាពអាម៉ាស់ ឪពុករបស់គាត់ ជាអ្នកលក់រថយន្ត បានធ្លាក់ខ្លួន ខណៈឪពុកកំពុងតែតស៊ូលើការចំណាយ សម្រាប់ការសិក្សារបស់កូនៗគាត់។ លោកប្រធានាធិបតីសហរដ្ឋអាមេរិក បានបន្ថែមថា «នៅទីបំផុត ប្រជាជនអាមេរិក អាចងើបរួចផុតពីគំនរបំណុលនេះហើយ»។
បើតាមការសិក្សារបស់គ្រឹះស្ថាន Brookings បានឲ្យដឹងថា និស្សិតស្បែកខ្មៅ ទំនងជាខ្ចីប្រាក់ពីកម្មវិធីកម្ចីរបស់និស្សិតសហព័ន្ធន៍ នៅក្នុងបរិមាណខ្ពស់ជាងជនជាតិអាមេរិកដទៃទៀត។ បួនឆ្នាំ បន្ទាប់ពីទទួលបានសញ្ញាបត្របរិញ្ញាបត្រ កូនបំណុលជានិស្សិតស្បែកខ្មៅ ជំពាក់ប្រាក់ជិត ២៥ ០០០ដុល្លារ គឺមានចំនួនច្រើនជាងមិត្តភក្តិជានិស្សិតស្បែកសរបស់ពួកគេ៕
សារព័ត៌មាន Boston Herald បានចេញផ្សាយកាលពីព្រឹក ថ្ងៃព្រហស្បតិ៍ទី២៥ ខែសីហា ថាលោក ចូ បៃដិន (Joe Biden) ប្រធានាធិបតីសហរដ្ឋអាមេរិកនឹងសម្រេចលុបចោលប្រាក់ ១០ ០០០ដុល្លារ នៅក្នុងកម្មវិធីប្រាក់កម្ចីរបស់និស្សិតសហព័ន្ធន៍ សម្រាប់ជនជាតិអាមេរិកាំងរាប់លាននាក់ដែលរកបានប្រាក់ចំណូល តិចជាង ១២៥ ០០០ដុល្លារ នៅក្នុង១ឆ្នាំ។ ជាមួយគ្នានេះដែរ លោកប្រធានាធិបតីក៏នឹងលើកលែងប្រាក់បំណុលចំនួន ២០ ០០០ដុល្លារ សម្រាប់និស្សិតនៅក្នុងកម្មវិធី Pell Grants ដែលនឹងអនុវត្ត សម្រាប់តែអ្នកត្រូវការហិរញ្ញវត្ថុខ្លាំងបំផុត។
រហូតមកដល់ពេលនេះ ប្រជាពលរដ្ឋអាមេរិកាំង ប្រហែល ៤៣លាននាក់ កំពុងតែជាប់ជំពាក់នឹងបំណុល នៅក្នុងកម្មវិធីប្រាក់កម្ចីនិស្សិតសហព័ន្ធន៍ ដែលមានតម្លៃសរុប ១,៦ពាន់ពាន់លានដុល្លារ។
ថ្លែងចេញពីសេតវិមាន កាលពីថ្ងៃពុធ លោក ចូ បៃដិន (Joe Biden) ប្រធានាធិបតីសហរដ្ឋអាមេរិក បានបញ្ជាក់ ថា «ផែនការរបស់គាត់ នឹងជួយបន្ធូរបន្ថយដល់គ្រួសារកម្មករ និង អ្នកមានជីវភាពមធ្យម។ បន្ទុកនេះ គឺធ្ងន់ណាស់ សូម្បីតែអ្នកបញ្ចប់ការសិក្សាក៏ដោយ អ្នកប្រហែលជាមិនអាចឈានចូលទៅក្នុងជីវិតវណ្ណៈថ្នាក់កណ្តាល ដែលសញ្ញាបត្រ ចេញពីមហាវិទ្យាល័យ ធ្លាប់ផ្តល់ឱ្យដែរ។ លោកប្រធានាធិបតី ក៏បានរំឭកពីភាពអាម៉ាស់ ឪពុករបស់គាត់ ជាអ្នកលក់រថយន្ត បានធ្លាក់ខ្លួន ខណៈឪពុកកំពុងតែតស៊ូលើការចំណាយ សម្រាប់ការសិក្សារបស់កូនៗគាត់។ លោកប្រធានាធិបតីសហរដ្ឋអាមេរិក បានបន្ថែមថា «នៅទីបំផុត ប្រជាជនអាមេរិក អាចងើបរួចផុតពីគំនរបំណុលនេះហើយ»។
បើតាមការសិក្សារបស់គ្រឹះស្ថាន Brookings បានឲ្យដឹងថា និស្សិតស្បែកខ្មៅ ទំនងជាខ្ចីប្រាក់ពីកម្មវិធីកម្ចីរបស់និស្សិតសហព័ន្ធន៍ នៅក្នុងបរិមាណខ្ពស់ជាងជនជាតិអាមេរិកដទៃទៀត។ បួនឆ្នាំ បន្ទាប់ពីទទួលបានសញ្ញាបត្របរិញ្ញាបត្រ កូនបំណុលជានិស្សិតស្បែកខ្មៅ ជំពាក់ប្រាក់ជិត ២៥ ០០០ដុល្លារ គឺមានចំនួនច្រើនជាងមិត្តភក្តិជានិស្សិតស្បែកសរបស់ពួកគេ៕