រូបថតដ៏គួររន្ធត់ជាច្រើនសន្លឹក ឃើញរឿងរ៉ាវកើតឡើងនៅក្នុងផ្សារដ៏គួរខ្លាចបំផុតរបស់ពិភពលោក ដោយគេមើលឃើញសត្វប្លែកៗជាច្រើន ត្រូវបានគេវាយសម្លាប់ និងដុតរាលរហូតដល់ងាប់នៅមុខអតិថិជនតែម្តង។ក្រុមអ្នកជំនាញ បាននិយាយថា ផ្សារ Tomohon Extreme ដែលស្ថិតនៅក្នុងប្រទេសឥណ្ឌូនេស៊ី អាចនឹងក្លាយជាទីតាំងបង្កាត់ វីរុស Coronaប្រភេទថ្មី ប៉ុន្តែការភ័យខ្លាចនៅទូទាំងពិភពលោកជុំវិញការរីករាលឆ្លងនៃវីរុសដ៏កាចសាហាវនេះ មិនបានបញ្ឈប់ឈ្មួញពីការរកស៊ីចិញ្ចឹមក្រពះរបស់ពួកគេនោះឡើយ។ស្ថិតនៅក្នុងខេត្ត North Sulawesi ប្រទេសឥណ្ឌូនេស៊ី ផ្សារមួយនេះ មានលក់សត្វជាច្រើនប្រភេទ ដូចជាសត្វប្រចៀវ ពស់ ឆ្កែ និងសត្វស្វា ក៏ដូចជាសត្វប្លែកៗជាច្រើនប្រភេទទៀត។
គួរឲ្យដឹងថា សត្វប្រចៀវ ត្រូវបានគេចាត់ទុកថាជាសត្វផ្ទុកវីរុស Coronaប្រភេទថ្មី ដែលមានដើមកំណើតនៅក្នុងផ្សារលក់គ្រឿងសមុទ្រមួយកន្លែងនៅក្នុងទីក្រុងវូហាន ខេត្តហ៊ូប៉ី ប្រទេសចិន។ផ្សារ Tomohon Extreme បានចាត់ទុកខ្លួនឯងថាជាផ្សារដ៏គួរឲ្យខ្លាចជាងគេបំផុតនៅក្នុងប្រទេសឥណ្ឌូនេស៊ី ហើយនៅទីនេះ បានទាក់ទាញភ្ញៀវទេសចរចិនយ៉ាងច្រើន។អតិថិជនទាំងនេះ តែងតែមើលឃើញក្រុមការងារវាយសត្វនៅក្នុងទ្រុងរហូតដល់ងាប់ មុនពេលយកមកចំអិនពួកវាដោយប្រើប្រាស់ឧបរណ៍បាញ់ហ្គាស។ក្រុមអ្នកធ្វើសេចក្តីរាយការណ៍ដែលបានទៅលេងផ្សារនោះ បាននិយាយថា នៅលើរានលក់ឃើញមានសត្វរស់ជាច្រើន ដែលសត្វទាំងនេះនឹងវាយសម្លាប់ចោលភ្លាមៗនៅពេលដែលមានអ្នកទិញហើយនោះ។ វាពិតជាឃោឃៅខ្លាំងណាស់។នៅក្នុងសេចក្តីរាយការណ៍កាលពីឆ្នាំមុន កាសែត Daily Mail បានចុះផ្សាររូបភាពដែលសត្វប្រចៀវរស់កំពុងចងព្យួរ ត្រូវបានគេប្រើឧបករណ៍បាញ់ហ្គាស ដើម្បីសម្អាតរោមវាចេញ។រឿងតែមួយបានកើតឡើងផងដែរចំពោះសត្វឆ្កែ ដែលត្រូវគេរោលនឹងភ្លើងទាំងរស់ បន្ទាប់មកទើបយកមកដាក់លើរាន ដើម្បីលក់ឲ្យអតិថិជនទាំងមាត់វានៅបើកដោយការឈឺចាប់បំផុត។
សត្វស្វា ត្រូវបានឈ្មួញសម្លាប់ដូចគ្នា ហើយនិងលក់នៅក្នុងផ្សារដ៏គួរខ្លាចមួយនេះ ថ្វីត្បិតតែសត្វប្រភេទនេះ ត្រូវបានការពារក្រោមច្បាប់ប្រទេសឥណ្ឌូនេស៊ីក៏ដោយ។ដោយឡែក សត្វពស់ សត្វស្លាប សត្វកណ្តុរ ហើយសូម្បីតែសត្វឆ្មាក៏ឃើញមានលក់នៅក្នុងផ្សារ Tomohon Extreme ផងដែរ៕
Home ព័ត៌មានអន្តរជាតិ ផ្សារដ៏គួរឲ្យខ្លាចបំផុតនៅលើពិភពលោក អាចនឹងក្លាយជាកន្លែងបង្កាត់វីរុស Coronaប្រភេទថ្មី