[wai id="5"]
[wai id="7"]
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ដ្រីក្រសួងមហាផ្ទៃ បានប្រកាសចេញមុខការពារ និងជួយនគរបាលចរាចរណ៍ដែលចាប់ពិន័យអ្នកធំ ឬមន្ត្រីមានអំណាចទាំងឡាយណា ដែលមិនគោរពច្បាប់ចរាចរណ៍។
ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារសិក្សា ទីចាត់ការ អគាររដ្ឋបាល ឃុំ និងសមិទ្ធផលនានា នៅក្នុងស្រុកកំចាយមារ ខេត្តព្រៃវែង នៅថ្ងៃទី២៥ ខែកុម្ភៈ សម្តេចក្រឡាហោម ស ខេង មានប្រសាសន៍ថា “ទាំងអស់គ្នាមានសិទ្ធិស្មើភាពគ្នាចំពោះមុខច្បាប់ អត់មាន លើកលែងអ្នកណាទេ ឱ្យតែខុសច្បាប់។
ពាណិជ្ជកម្ម
សម្តេចក្រឡាហោមបានលើកឡើងថាទៀតថា ក្នុងនាមជា ប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានសម្រេចបែបនេះ និងមានការពិភាក្សាគ្នារហូតឈានដល់វិសោធនកម្មអនុក្រឹត្យ បន្ទាប់ពីសិក្សារួច ក៏ធ្វើវិសោនធកម្មច្បាប់ចរាចរណ៍ផ្លូវគោកផងដែរ។ សម្ដេចក្រឡាហោមបន្ថែមថា “យើងយកការអនុវត្តច្បាប់សំខាន់ បន្ទាប់មកយើងយកការអប់រំ។ ការអប់រំកន្លងមកប្រើកម្លាំងច្រើនតែមិនមានប្រសិទ្ធភាពនោះទេ ដូច្នេះមានតែយកការអនុវត្តច្បាប់ជាធំវិញ”។
សម្តេចក្រឡាហោមបានបន្តថា ទោះបីជាមានស័ក្តិ ឬតូនាទីជាអ្នកតំណាងរាស្ត្រ ដែលធ្វើ ច្បាប់យ៉ាងណាក្តីបើមិនគោរពច្បាប់ ក៏ត្រូវអនុវត្តន៍ច្បាប់ដែរ។ តួនាទីរដ្ឋមន្ត្រីបើមិនគោរពច្បាប់ក៏ខុសផ្កាយ៤ក៏ដោយបើធ្វើខុសច្បាប់គឺខុស។
ជាមួយគ្នានេះ សម្ដេចក្រឡាហោមបានបន្ថែមទៀតថា ច្បាប់ធ្វើឡើង សម្រាប់មនុស្ស គ្រប់គ្នាមិនមែនសម្រាប់អ្នកណាម្នាក់ មិនមែនសម្រាប់ក្មេង ចាស់ ប្រុស ស្រី អ្នកតូច អ្នកធំនោះទេ គឺប្រជាជនទាំងអស់នៅក្រោមច្បាប់ ៕
[wai id="6"]
