[wai id="5"]
[wai id="7"]
ចំនួននៃនាវាមុជទឹករត់ពន្ធអាភៀន មានការកើនឡើងខ្ពស់គួរឲ្យចាប់អារម្មណ៍ ក្នុងនោះឧប្បត្តិហេតុជាច្រើនដែលត្រូវបានគេជួបប្រទះក្នុងឆ្នាំ២០១៩ មានចំនួនច្រើនជាងឆ្នាំមុនៗ។ នាវាមុជទឹកទាំងនេះ បានផលិតនៅក្នុងព្រៃជ្រៅនៅអាមេរិកខាងត្បូង ហើយផ្ទុកដោយគ្រឿងញៀន រួចធ្វើដំណើរប្រកបដោយគ្រោះថ្នាក់ឆ្លងកាត់តំបន់ភាគខាងត្បូងនៃមហាសមុទ្រប៉ាស៊ីហ្វិក តំបន់ប្រជុំកោះការ៉ាអ៊ីប ហើយបច្ចុប្បន្នធ្វើដំណើរឆ្លងកាត់មហាសមុទ្រអាត្លង់ទិក។នាវាមុជទឹកទាំងអស់នេះ ពិបាកក្នុងការតាមដានខ្លាំងណាស់ ធ្វើឲ្យវាអាចរត់ពន្ធទំនិញខុសច្បាប់បានយ៉ាងច្រើន ពិសេសគឺអាចគេចវេសពីភ្នែកគយ និងក្រុមប្រម៉ាញ់គ្រឿងញៀន។
ពាណិជ្ជកម្ម
យោងតាមការអះអាងរបស់លោក H.I. Sutton ដែលជាអ្នកជំនាញលើដែនសមុទ្រ បានឲ្យដឹងថា នាវាមុជទឹករត់ពន្ធអាភៀន៣៦ គ្រឿង ត្រូវបានរកឃើញនៅក្នុងឆ្នាំ២០១៩ ពោលគឺច្រើនជាងទ្វេដងបើធៀបនឹងកាលពីឆ្នាំ២០១៧។ ការរកឃើញកាលពីខែធ្នូ ឆ្នាំ២០១៩ គឺជានាវាមុជទឹកដែលគេបោះបង់ចោលនៅជិតទីក្រុង Vigo ប្រទេសអេស្ប៉ាញ និងជានាវាមុជទឹក ដែលក្រុមមន្ត្រីរដ្ឋាភិបាលអេស្ប៉ាញ បានអះអាងថា ពួកគេបានតាមដានអស់រយៈពេលជាយូរមកហើយនៅក្នុងមហាសមុទ្រអាត្លង់ទិក។ នាវាមុជទឹកដែលចាប់បាននៅប្រទេសអេស្ប៉ាញនោះដែរ វាបានធ្វើដំណើរផ្សងគ្រោះថ្នាក់ឆ្លងកាត់មហាសាគរចម្ងាយជាង៧ពាន់គ.ម។នាវាមុជទឺករត់ពន្ធអាភៀន ដែលគេរកឃើញ ឬចាប់បាននៅក្នុងព្រៃនៅអាមេរិកខាងត្បូងគ្រាន់តែជាបរិមាណដ៏ស្តួចស្តើងប៉ុណ្ណោះនៃនាវាមុជទឹកទាំងនេះ ។លោក Sutton បាននិយាយថា ការរកឃើញនាវាមុជទឹកទាំងអស់នោះ ស្មើនឹង៥ទៅ១៥ភាគរយប៉ុណ្ណោះនៃចំនួននាវាមុជទឹកពិតប្រាកដដែលបានចេញធ្វើសកម្មភាព ឬកំពុងធ្វើចរាចរណ៍។ បន្ថែមពីលើនាវាមុជទឹក៣៦គ្រឿងដែលបានរកឃើញនៅក្នុងឆ្នាំ២០១៩ នៅមាននាវាមុជទឹកយ៉ាងហោចក៏ ១៤៤គ្រឿងទៀត ដែលកំពុងតែរត់ពន្ធអាភៀន។គួររំឭកថា នាវាមុជទឹករត់ពន្ធអាភៀនទាំងនេះ ត្រូវបានប្រទះឃើញលើកដំបូងដោយក្រុមពង្រឹងច្បាប់ កាលពីដើមទសវត្សរ៍ឆ្នាំ១៩៩០ ពេលដែលក្រុមអាជ្ញាធរកូឡុំប៊ី ចាប់ផ្តើមស្វែងរកនាវាល្បឿនលឿន និងនាវាខុសស្តង់ដា។
ជាធម្មតានាវាទាំងនេះ ត្រូវបានផលិតនៅតាមបណ្តោយឆ្នេរសមុទ្រប្រទេសកូឡុំប៊ី ជាកន្លែងពួកគេអាច ចុះទៅក្នុងមហាសមុទ្រប៉ាស៊ីហ្វិក ឬសមុទ្រការីអ៊ីប។ ច្រកតាមសមុទ្រប៉ាស៊ីហ្វិក នឹងនាំផ្លូវទៅកានើអាមេរិកកណ្តាល ហើយនិងតំបន់ឆ្នេរភាគខាងលិចនៃប្រទេសម៉ិកស៊ិក ខណៈដែលច្រកតាមមហាសមុទ្រអាត្លង់ទិក នឹងនាំផ្លូវទៅដល់អាមេរិក កណ្តាល និងតំបន់ប្រជុំកោះការ៉ាអ៊ីប ៕
[wai id="6"]
