បុរសជប៉ុនម្នាក់ បានចាក់សម្លាប់មនុស្សមានសតិមិនគ្រប់គ្រាន់ចំនួន១៩នាក់ ក៏ត្រូវបានតុលាការជប៉ុនសម្រេចកាត់ទោសប្រហារជីវិត។
ភ្នាក់ងារសារព័ត៌មាន បានផ្សាយ កាលពីរសៀល ថ្ងៃទី១៦ ខែមីនា ថា បុរសជនជាតិជប៉ុនម្នាក់ ត្រូវបាន តុលាការកាត់ទោសប្រហារជីវិត ក្រោមការចោតប្រកាន់មនុស្សឃាត។ អំពើហិង្សានេះ បានកើតឡើង តាំងពីឆ្នាំ២០១៦ ដោយជនត្រូវចោល បានយកកាំបិតចាក់សម្លាប់ជនពិការផ្នែកសតិបញ្ញាចំនួន១៩នាក់។
ជនល្មើស Satoshi Uematsu អាយុ៣០ឆ្នាំ បានសារភាពថា រូបគេពិតជា បានចាក់សម្លាប់ជនរងគ្រោះ និងបង្កឲ្យមនុស្សរបួសជាច្រើននាក់ នៅមណ្ឌលថែទាំជនពិការផ្នែកសតិបញ្ញាមួយកន្លែង ស្ថិតក្នុងខេត្ត Sagamihara ភាគនិរតី នៃទីក្រុងតូក្យូ ជាទីដែលគេធ្វើការផងដែរ។
ជនល្មើស បានបញ្ជាក់ថា នៅក្នុងអំពើហិង្សានោះ រូបគេបានសម្លាប់មនុស្សចំនួន១៩នាក់ និង២៦នាក់ផ្សេងទៀតរងរបួស។ ជនរងគ្រោះភាគច្រើនកំពុងដេកលក់ ទើបគេអាចធ្វើសកម្មភាពបែបនេះបាន។
ជនល្មើស បានថ្លែង នៅក្នុងសវនាការជំនំជម្រះថា មូលហេតុដែលគេបានធ្វើដូច្នោះ ក៏ដោយសារតែគេគិតថា ជនពិការទាំងនោះ ជាបន្ទុករបស់សង្គម។ បើគេសម្លាប់ចោល ក៏ជារឿងល្អសម្រាប់សង្គមផងដែរ៕
