ដុំមាសទម្ងន់២៣តោនកន្លះ តម្លៃជាង៥២០លានផោន ត្រូវបានរកឃើញនៅក្នុងផ្ទះមន្ត្រីពុករលួយចិន គឺលោក Zhang Qi វ័យ៥៨ឆ្នាំ ហើយលុយសង្ស័យថាបានមកពីសំណូកសូកប៉ាន់៣០ពាន់លានផោន ត្រូវបានរកឃើញមាននៅក្នុងគណនីធនាគាររបស់គាត់។
ដុំមាសរាប់ពាន់ដុំ ត្រូវបានរកឃើញនៅក្នុងផ្ទះមន្ត្រីចិនដ៏មានអំណាចម្នាក់នេះ អំឡុងការវាយឆ្មក់មួយដោយក្រុមស៊ើបសង្កេតករណីពុករលួយ នៅដើមខែតុលានេះ។
លោក Zhang Qi គឺជាអតីតអភិបាលក្រុង Ganzhou ត្រូវបានដាក់ឱ្យនៅក្រោមការស៊ើបអង្កេត ពីបទសង្ស័យប្រព្រឹត្តអំពើពុករលួយ បន្ទាប់ពីអាជ្ញាធរចិនរកឃើញដុំមាសជាង ១៣.៥តោន នៅក្នុងផ្ទះរបស់លោក។
អាជ្ញាធរចិនបានរកឃើញដុំមាស ១៣.៥តោន ព្រមទាំងលុយសុទ្ធរាប់លានយ័ន និងវត្ថុមានតម្លៃជាច្រើននៅក្នុងផ្ទះរបស់លោក Zhang Qi នៅឯទីក្រុង Haikouនៃខេត្ត Hainanដែលមានពលរដ្ឋរស់នៅប្រហែល៩លាននាក់ ។
ក្រោយការចុះឆែកឆេរនេះ ប្រព័ន្ធផ្សព្វផ្សាយនៅក្នុងស្រុកបានរាយការណ៍ថា អតីតអភិបាលក្រុងរូបនេះត្រូវបានដាក់ឱ្យនៅក្រោមការស៊ើបអង្កេត កាលពីដើមខែកញ្ញាកន្លងទៅ ដើម្បីស្វែងរកការពិតនៅពីក្រោយដុំមាសដ៏ច្រើននេះ។
យោងតាមសារព័ត៌មាន RT ចេញផ្សាយកាលពីថ្ងៃទី០១ ខែតុលា ឆ្នាំ២០១៩ បានឱ្យដឹងថា លោក Zhang Qi សមាជិកគណៈកម្មាធិការគណបក្សខេត្ត និងក្រុង ត្រូវបានគេរាយការណ៍ថា កំពុងស្ថិតក្រោមការត្រួតពិនិត្យវិន័យ និងកំពុងត្រូវបានស៊ើបអង្កេតអំពីភាពខុសច្បាប់ដែលអាចកើតមាន នៅពេលដែលការរកឃើញគំនរមាស ១៣,៥តោននេះ។
អាជ្ញាធរបានរកឃើញមាសប្រហែល ១៣.៥ តោន ក៏ដូចជាសាច់ប្រាក់ និងលុយយាន់រាប់លានយ័ន បូករួមទាំងភ័ស្តុតាងនៃផលប័ត្រអចលនទ្រព្យដ៏ធំសម្បើមផ្សេងទៀត។ យោងតាមរបាយការណ៍ក្នុងស្រុកគណៈកម្មការវិន័យបានប្រកាសនៅដើមខែកញ្ញាថា ពួកគេកំពុងពិនិត្យមើលកិច្ចការរបស់មន្ត្រីអតីតអភិបាលរូបនេះ។
បើសិនជាការចោទប្រកាន់ពីអំពើពុករលួយរបស់លោក Zhang ក្លាយជាការពិតមែននោះ លោកនឹងក្លាយជាអ្នកមានជាងលោក Jack Ma ទៅទៀត ដែលយោងតាមសេចក្តីរាយការណ៍ពីទស្សនាវដ្តី Forbes បានឲ្យដឹងថា លោកមានលុយប្រហែល៣០ពាន់លានផោនប៉ុណ្ណោះ។
គួរបញ្ជាក់ថា នៅក្នុងច្បាប់ប្រទេសកុំម្មនិស្តចិន មន្ត្រីដែលត្រូវបានគេរកឃើញថា បានប្រព្រឹត្តអំពើពុករលួយ អាចនឹងប្រឈមមុខនឹងការកាត់ទោសប្រហារជីវិត នៅក្នុងករណីធ្ងន់ធ្ងរបំផុត ឬក៏អាចជាប់ទោសអស់មួយជីវិត ទៅតាមកម្រិតនៃការប្រព្រឹត្តរបស់ពួកគេ៕
Home ព័ត៌មានអន្តរជាតិ ដុំមាសទម្ងន់១៣តោនកន្លះមានតម្លៃ៥២០លានផោន ត្រូវបានរកឃើញនៅក្នុងផ្ទះមន្ត្រីពុករលួយចិន