រដ្ឋធានីវាស៊ីនតោន៖ ប្រធានស៊ើបការណ៍សម្ងាត់របស់សហរដ្ឋអាមេរិក និង ចក្រភពអង់គ្លេស បានបង្ហាញខ្លួនរួមគ្នាដ៏កម្រ ហើយបានព្រមានយ៉ាងខ្លាំងៗថា ប្រទេសចិន ជាការគំរាមកំហែងដល់សន្ដិសុខរបស់បណ្ដាប្រទេសលោកខាងលិច នៅក្នុងរយៈពេលយូរ ហើយកំពុងតែរៀបចំគម្រោង លុកលុយទៅលើកោះតៃវ៉ាន់។
សារព័ត៌មាន Eureporter បានចេញផ្សាយ កាលពីព្រឹក ថ្ងៃពុធ ទី៦ ខែកក្កដា ថា លោក គ្រីស្ដូហ្វ័រ រេ (Christopher Wray) ប្រធានស៊ើបការណ៍សម្ងាត់ FBI របស់សហរដ្ឋអាមេរិក បានបញ្ជាក់ថា ប្រទេសចិន គឺជា «ការគំរាមកំហែងរយៈពេលវែងដ៏ធំបំផុតចំពោះសេដ្ឋកិច្ច និងសន្តិសុខជាតិរបស់យើង» ហើយចិនថែមទាំងជ្រៀតជ្រែក នៅក្នុងនយោបាយ រួមទាំង ការបោះឆ្នោត កាលពីពេលថ្មីៗនេះផងដែរ។
ថ្លែងជាមួយសមភាគីរបស់ចក្រអង់គ្លេស នៅក្នុងរាជធានីក្រុងឡុងដ៍ លោក គ្រីស្ដូហ្វ័រ រេ (Christopher Wray) ប្រធានស៊ើបការណ៍សម្ងាត់ FBI របស់សហរដ្ឋអាមេរិក បានចេញនូវការព្រមានយ៉ាងម៉ឺងម៉ាត់បំផុត អំពីការគំរាមកំហែង ដល់សន្តិសុខជាតិ សម្រាប់បណ្ដាប្រទេសលោកខាងលិច ដែលកើតចេញពីចិន។ សូម្បីតែមន្ត្រីចារកម្ម នៅទីក្រុងវ៉ាស៊ីនតោន ក៏បានចេញផ្សាយរបាយការណ៍អំពីកិច្ចខិតខំប្រឹងប្រែងរបស់ក្រុងប៉េកាំង នៅក្នុងការជះឥទ្ធិពលលើនយោបាយរដ្ឋ និង មូលដ្ឋាន នៅក្នុងសហរដ្ឋអាមេរិក ផងដែរ។
នៅក្នុងការបង្ហាញខ្លួនរួមគ្នាលើកដំបូង មិនធ្លាប់មាន កាលពីថ្ងៃពុធ ជាមួយប្រធាន MI5 របស់ចក្រភពអង់គ្លេស ដែលជាទីភ្នាក់ងារស៊ើបការណ៍សម្ងាត់ នៅក្នុងស្រុករបស់ចក្រភពអង់គ្លេស នោះ លោក Wray បានលើកឡើងថា ប្រទេសចិនអាចនឹងឈ្លានពានទៅលើតៃវ៉ាន់ ដោយកត់សម្គាល់ថា ក្រុងប៉េកាំង បាន និង កំពុងតែចាត់វិធានការ ដើម្បីការពារសេដ្ឋកិច្ចរបស់ខ្លួន បញ្ចៀស ពីការដាក់ទណ្ឌកម្ម ដែលអាចនឹងកើតឡើង ក្រោយពេលមានសកម្មភាពយោធារបស់ក្រុងប៉េកាំង។
ប្រមុខ FBI របស់សហរដ្ឋអាមេរិក បានបញ្ជាក់ថា «នៅក្នុងពិភពលោករបស់យើង យើងហៅអាកប្បកិរិយាបែបបនេះថា ជាតម្រុយមួយ សម្រាប់ជាការឈ្លានពានមួយ អាចនឹងកើតឡើង។ សកម្មភាពនោះ នឹងបង្ហាញឱ្យមានការរំខានដល់អាជីវកម្មដ៏គួរឱ្យរន្ធត់បំផុតមួយ ដែលពិភពលោកមិនធ្លាប់បានជួបប្រទះ»។
ទោះជាយ៉ាងណា ស្ថានទូតចិន ប្រចាំនៅទីក្រុងវ៉ាស៊ីនតោន មិនបានឆ្លើយតប ជុំវិញនឹងការសុំអត្ថាធិប្បាយណាមួយនេះឡើយ។ ប៉ុន្ដែក្រសួងការបរទេសចិន បានបញ្ជាក់ កាលពីថ្ងៃពុធ ថា «ដើម្បីបំភ័ន្ដដល់សាធារណជននោះ សហរដ្ឋអាមេរិក បានធ្វើការជាមួយអង្គការណាតូ ដើម្បីបំផុស ពីការប្រកួតប្រជែងជាមួយប្រទេសចិន ហើយនឹងធ្វើឱ្យមានការប្រឈមមុខដាក់គ្នាជាក្រុម»៕
សារព័ត៌មាន Eureporter បានចេញផ្សាយ កាលពីព្រឹក ថ្ងៃពុធ ទី៦ ខែកក្កដា ថា លោក គ្រីស្ដូហ្វ័រ រេ (Christopher Wray) ប្រធានស៊ើបការណ៍សម្ងាត់ FBI របស់សហរដ្ឋអាមេរិក បានបញ្ជាក់ថា ប្រទេសចិន គឺជា «ការគំរាមកំហែងរយៈពេលវែងដ៏ធំបំផុតចំពោះសេដ្ឋកិច្ច និងសន្តិសុខជាតិរបស់យើង» ហើយចិនថែមទាំងជ្រៀតជ្រែក នៅក្នុងនយោបាយ រួមទាំង ការបោះឆ្នោត កាលពីពេលថ្មីៗនេះផងដែរ។
ថ្លែងជាមួយសមភាគីរបស់ចក្រអង់គ្លេស នៅក្នុងរាជធានីក្រុងឡុងដ៍ លោក គ្រីស្ដូហ្វ័រ រេ (Christopher Wray) ប្រធានស៊ើបការណ៍សម្ងាត់ FBI របស់សហរដ្ឋអាមេរិក បានចេញនូវការព្រមានយ៉ាងម៉ឺងម៉ាត់បំផុត អំពីការគំរាមកំហែង ដល់សន្តិសុខជាតិ សម្រាប់បណ្ដាប្រទេសលោកខាងលិច ដែលកើតចេញពីចិន។ សូម្បីតែមន្ត្រីចារកម្ម នៅទីក្រុងវ៉ាស៊ីនតោន ក៏បានចេញផ្សាយរបាយការណ៍អំពីកិច្ចខិតខំប្រឹងប្រែងរបស់ក្រុងប៉េកាំង នៅក្នុងការជះឥទ្ធិពលលើនយោបាយរដ្ឋ និង មូលដ្ឋាន នៅក្នុងសហរដ្ឋអាមេរិក ផងដែរ។
នៅក្នុងការបង្ហាញខ្លួនរួមគ្នាលើកដំបូង មិនធ្លាប់មាន កាលពីថ្ងៃពុធ ជាមួយប្រធាន MI5 របស់ចក្រភពអង់គ្លេស ដែលជាទីភ្នាក់ងារស៊ើបការណ៍សម្ងាត់ នៅក្នុងស្រុករបស់ចក្រភពអង់គ្លេស នោះ លោក Wray បានលើកឡើងថា ប្រទេសចិនអាចនឹងឈ្លានពានទៅលើតៃវ៉ាន់ ដោយកត់សម្គាល់ថា ក្រុងប៉េកាំង បាន និង កំពុងតែចាត់វិធានការ ដើម្បីការពារសេដ្ឋកិច្ចរបស់ខ្លួន បញ្ចៀស ពីការដាក់ទណ្ឌកម្ម ដែលអាចនឹងកើតឡើង ក្រោយពេលមានសកម្មភាពយោធារបស់ក្រុងប៉េកាំង។
ប្រមុខ FBI របស់សហរដ្ឋអាមេរិក បានបញ្ជាក់ថា «នៅក្នុងពិភពលោករបស់យើង យើងហៅអាកប្បកិរិយាបែបបនេះថា ជាតម្រុយមួយ សម្រាប់ជាការឈ្លានពានមួយ អាចនឹងកើតឡើង។ សកម្មភាពនោះ នឹងបង្ហាញឱ្យមានការរំខានដល់អាជីវកម្មដ៏គួរឱ្យរន្ធត់បំផុតមួយ ដែលពិភពលោកមិនធ្លាប់បានជួបប្រទះ»។
ទោះជាយ៉ាងណា ស្ថានទូតចិន ប្រចាំនៅទីក្រុងវ៉ាស៊ីនតោន មិនបានឆ្លើយតប ជុំវិញនឹងការសុំអត្ថាធិប្បាយណាមួយនេះឡើយ។ ប៉ុន្ដែក្រសួងការបរទេសចិន បានបញ្ជាក់ កាលពីថ្ងៃពុធ ថា «ដើម្បីបំភ័ន្ដដល់សាធារណជននោះ សហរដ្ឋអាមេរិក បានធ្វើការជាមួយអង្គការណាតូ ដើម្បីបំផុស ពីការប្រកួតប្រជែងជាមួយប្រទេសចិន ហើយនឹងធ្វើឱ្យមានការប្រឈមមុខដាក់គ្នាជាក្រុម»៕