[wai id="6"]
អង្គការសុខភាពពិភពលោក WHO នៅថ្ងៃចន្ទសប្តាហ៍នេះបានព្រមានថា ជំងឺ COVID-19 គឺនៅតែជា «បញ្ហាដ៏គ្រោះថ្នាក់បំផុត» ខណៈវិធានការរឹតត្បិតលើការដើរហើរ ពិតជាអាចជួយកាត់បន្ថយការឆ្លងរីករាលដាល នៃជំងឺដ៏កាចសាហាវមួយនេះបានពិតមែន។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នារសៀលថ្ងៃអង្គារ ទី២៨ ខែមេសា ឆ្នាំ២០២០។
យ៉ាងណាមិញប្រទេសចំនួន៦ដែលរងគ្រោះខ្លាំង ដោយសារតែវីរុសកូរ៉ូណាឬកូវីដ-១៩បច្ចុប្បន្នមានដូចជា អាមេរិក អេស្ប៉ាញ អ៊ីតាលី បារាំង អាល្លឺម៉ង់ និងអង់គ្លេស។ ក្នុងចំណោមប្រទេសទាំងនេះ រួមមានអាមេរិក អេស្ប៉ាញនិងអ៊ីតាលី បានសម្រេចបន្ធូរបន្ថយវិធានការរឹតបន្តឹង ដែលបានដាក់ដើម្បីទប់ស្កាត់ការឆ្លងរាតត្បាតនៃវីរុសកូរ៉ូណានោះ ជាបណ្តើរៗហើយ ក្រោយករណីឆ្លងបានធ្លាក់ចុះ។ យ៉ាងណាការបន្ធូរបន្ថយនេះ មិនទាន់អនុវត្តបានទូលំទូលាយនៅឡើយទេ។
ពាណិជ្ជកម្ម
យោងតាមទិន្នន័យពីគេហទ័ពអន្តរជាតិ Worldometer សហរដ្ឋអាមេរិក មានតួលេខអ្នកឆ្លងលើស ១លាននាក់ហើយ សម្រាប់ករណីឆ្លងជំងឺ COVID-19 សុរបនៅទូទាំងប្រទេសមហាអំណាចមួយនេះ។ ខាងក្រោមនេះជាប្រទេសចំនួន ៧ ដែលមានករណីឆ្លង COVID-19 ចាប់ពីរាប់សែននាក់ឡើងទៅ៖
១៖ សហរដ្ឋអាមេរិកមានករណីឆ្លងសរុប ១,០១០,៣៥៦ករណី ក្នុងនោះស្លាប់ ៥៦,៧៩៧នាក់ និងជាសះស្បើយឡើងវិញ ១៣៨,៩៩០នាក់។
២៖ ប្រទេសអេស្ប៉ាញមានករណីឆ្លងសរុប ២២៩,៤២២ករណី ក្នុងនោះស្លាប់ ២៣,៥២១នាក់ និងជាសះស្បើយឡើងវិញ ១២០,៨៣២នាក់។
៣៖ ប្រទេសអ៉ីតាលីមានករណីឆ្លងសរុប ១៩៩,៤១៤ករណី ក្នុងនោះស្លាប់ ២៦,៩៧៧នាក់ និងជាសះស្បើយឡើងវិញ ៦៦,៦២៤នាក់។
៤៖ ប្រទេសបារាំងមានករណីឆ្លងសរុប ១៦៥,៨៤២ករណី ក្នុងនោះស្លាប់ ២៣,២៩៣នាក់ និងជាសះស្បើយឡើងវិញ ៤៥,៥១៣នាក់។
៥៖ ប្រទេសអាល្លឺម៉ង់មានករណីឆ្លងសរុប ១៥៨,១៤៩ករណី ក្នុងនោះស្លាប់ ៦,១២៦នាក់ និងជាសះស្បើយឡើងវិញ ១១៤,៥០០នាក់។
៦៖ ចក្រភពអង់គ្លេសមានករណីឆ្លងសរុប ១៥៧,១៤៩ករណី ក្នុងនោះស្លាប់ ២១,០៩២នាក់ និងចំនួនអ្នកជាសះស្បើយឡើងវិញ នៅតែមិនមានបញ្ជាក់។
រហូតមកដល់ពេលនេះពុំទាន់មានភស្តុតាងវេជ្ជសាស្ត្រវិទ្យាសាស្ត្រណាមួយអាចបញ្ជាក់បានថា អ្នកកើតជំងឺកូវីដ១៩ (ឬធ្លាប់វិជ្ជមាននឹងកូវីដ១៩) ហើយ នឹង មិនឆ្លងមេរោគកូរ៉ូណាថ្មី ជាលើកទីពីរ ទេ។ នេះបើតាមការព្រមានរបស់អង្គការសុខភាពពិភពលោក តាមរយៈសេចក្តីថ្លែងការណ៍ចេញផ្សាយនៅថ្ងៃសៅរ៍ទី ២៥មេសា ដោយអះអាងទៀតថា ផ្តល់សិទ្ធិឱ្យអ្នកធ្លាប់វិជ្ជមានដើរហើរសេរីភាព ជាហានិភ័យនាំឱ្យមានការរាតត្បាតបន្តទៀត៕
[wai id="5"]
