រដ្ឋធានីគៀវ៖ ជាមួយនឹងសង្គ្រាមឈ្លានពានរបស់ប្រធានាធិបតីរុស្ស៊ី លោក វ្ល៉ាឌីមៀរ ពូទីន (Vladimir Putin) កាន់តែមានភាពសាហាវខ្លាំង ហើយវាយប្រហារមិនមានពេលស្រាកស្រាន្ដនោះ ប្រជាជនអ៊ុយក្រែន បាននាំគ្នាសម្រុកចូលបម្រើការងារនៅក្នុងជួរកងទ័ព កើនឡើង រហូតដល់១លាននាក់ ដើម្បីទប់ទល់នឹងកម្លាំងទាហានរុស្ស៊ី ការពារទឹកដីរបស់ពួកគេ។
សារព័ត៌មាន Daily Mail បានចេញផ្សាយ កាលពីថ្ងៃទី១១ ខែកក្កដា ថា រដ្ឋមន្ដ្រីក្រសួងការពារជាតិអ៊ុយក្រែន បានបញ្ជាក់ថា អ៊ុយក្រែន បានប្រមូលកម្លាំងកងទ័ព កើនឡើងដល់១លាននាក់ ហើយនឹងបំពាក់ដោយគ្រឿងសព្វាវុធរបស់លោកខាងលិច ដើម្បីវាយប្រហារទប់ទល់នឹងទាហានរបស់លោក វ្ល៉ាឌីមៀរ ពូទីន (Vladimir Putin) ប្រធានាធិបតីរុស្ស៊ី។
លោក អូឡែកស៊ីអ៊ី រ៉ែស្នីកូវ (Oleksii Reznikov) រដ្ឋមន្ដ្រីក្រសួងការពារជាតិអ៊ុយក្រែន បានបញ្ជាក់ នៅក្នុងកិច្ចសម្ភាសន៍មួយជាមួយនឹងសារព័ត៌មានជាតិប្រចាំថ្ងៃរបស់ចក្រភពអង់គ្លេស The Times ដោយបានសង្កត់ធ្ងន់ថា នៅពេលកងទ័ពរបស់លោក វ៉ូឡូឌីមៀរ ហ្សេឡែនស្គី ( Volodymyr Zelensky) ប្រធានាធិបតីអ៊ុយក្រែន វាយរំដោះយកទឹកដី ភាគខាងត្បូងរបស់ខ្លួន ចេញពីប្រទេសរុស្ស៊ី មកវិញនោះ ប្រទេសនេះកំពុងស្វែងរកការបំពាក់អាវុធ ដល់ទាហានទាំងអស់ ជាមួយនឹងគ្រឿងសឹក ផ្តល់ឲ្យដោយសម្ពន្ធមិត្តលោកខាងលិច។
ជាមួយគ្នានេះដែរ លោករដ្ឋមន្ដ្រីក្រសួងការពារជាតិអ៊ុយក្រែន វ័យ៥៦ឆ្នាំរូបនេះ បានជំរុញឲ្យដៃគូបស្ចិមលោក ត្រូវតែផ្ដល់គ្រឿងយុទ្ធោបករណ៍ និង សម្ភារយោធាឲ្យបានលឿនបន្ថែមទៀត មកដល់ប្រទេសអ៊ុយក្រែន។
លោករដ្ឋមន្ដ្រីក្រសួងការពារជាតិ បានបញ្ជាក់ទៀតថា «យើងពិតជាត្រូវការគ្រឿងសឹកបន្ថែមទៀត ឲ្យបានយ៉ាងឆាប់រហ័ស ដើម្បីសង្គ្រោះជីវិតរបស់កងទ័ពរបស់យើង។ ជារៀងរាល់ថ្ងៃ យើងកំពុងតែរង់ចាំកាំភ្លើងផ្លោងហូវីតហ្ស៊ើរ (Howitzer) ហើយយើងក៏អាចនឹងបាត់បង់ទាហាន រហូតដល់១០០នាក់ក្នុង១ថ្ងៃៗផងដែរ»។
លោករដ្ឋមន្ដ្រីក្រសួងការពារជាតិអ៊ុយក្រែន បានថ្លែង នៅក្នុងបទសម្ភាសន៍របស់ The Times ហើយត្រូវបានចេញផ្សាយ កាលពីថ្ងៃអាទិត្យ ថា «យើងជាប្រជាជន នៃពិភពលោកសេរី ហើយមានអារម្មណ៍ពិតប្រាកដ អំពីយុត្តិធម៌ និង សេរីភាព។ បច្ចុប្បន្ន យើងមានកម្លាំងទ័ពប្រមាណ៧០ម៉ឺននាក់ ហើយនៅពេលអ្នកបំពាក់អាវុធដល់កម្លាំងឆ្មាំជាតិ ប៉ូលិស ឆ្មាំព្រំដែន យើងនឹងមានកម្លាំងប្រដាប់អាវុធ សរុបប្រហែល១លាននាក់»។
ដោយឡែក នៅក្នុងបទសម្ភាសន៍ដាច់ដោយឡែកមួយផ្សេងទៀត ជាមួយនឹង The Wall Street Journal លោករដ្ឋមន្ដ្រីក្រសួងការពារជាតិ Reznikov បានសង្កត់ធ្ងន់ថា អ៊ុយក្រែន មានតម្រូវការជាបន្ទាន់នូវការផ្គត់ផ្គង់រថចម្បាំង យន្ដហោះគ្មានមនុស្សបើកបរឬដ្រូន រថក្រោះ និង ប្រព័ន្ធបាញ់រ៉ុក្កែត ចម្ងាយឆ្ងាយ។ ប្រសិនបើដៃគូសម្ពន្ធលោកខាងលិច ផ្គត់ផ្គង់គ្រឿងសឹកទាំងនេះ មកទាន់ពេលវេលា អ៊ុយក្រែននឹងឈ្នះសង្គ្រាមនេះ ហើយវាយបណ្ដេញកម្លាំងទាហានរុស្ស៊ី ចេញពីប្រទេសរបស់ខ្លួនបាន៕
សារព័ត៌មាន Daily Mail បានចេញផ្សាយ កាលពីថ្ងៃទី១១ ខែកក្កដា ថា រដ្ឋមន្ដ្រីក្រសួងការពារជាតិអ៊ុយក្រែន បានបញ្ជាក់ថា អ៊ុយក្រែន បានប្រមូលកម្លាំងកងទ័ព កើនឡើងដល់១លាននាក់ ហើយនឹងបំពាក់ដោយគ្រឿងសព្វាវុធរបស់លោកខាងលិច ដើម្បីវាយប្រហារទប់ទល់នឹងទាហានរបស់លោក វ្ល៉ាឌីមៀរ ពូទីន (Vladimir Putin) ប្រធានាធិបតីរុស្ស៊ី។
លោក អូឡែកស៊ីអ៊ី រ៉ែស្នីកូវ (Oleksii Reznikov) រដ្ឋមន្ដ្រីក្រសួងការពារជាតិអ៊ុយក្រែន បានបញ្ជាក់ នៅក្នុងកិច្ចសម្ភាសន៍មួយជាមួយនឹងសារព័ត៌មានជាតិប្រចាំថ្ងៃរបស់ចក្រភពអង់គ្លេស The Times ដោយបានសង្កត់ធ្ងន់ថា នៅពេលកងទ័ពរបស់លោក វ៉ូឡូឌីមៀរ ហ្សេឡែនស្គី ( Volodymyr Zelensky) ប្រធានាធិបតីអ៊ុយក្រែន វាយរំដោះយកទឹកដី ភាគខាងត្បូងរបស់ខ្លួន ចេញពីប្រទេសរុស្ស៊ី មកវិញនោះ ប្រទេសនេះកំពុងស្វែងរកការបំពាក់អាវុធ ដល់ទាហានទាំងអស់ ជាមួយនឹងគ្រឿងសឹក ផ្តល់ឲ្យដោយសម្ពន្ធមិត្តលោកខាងលិច។
ជាមួយគ្នានេះដែរ លោករដ្ឋមន្ដ្រីក្រសួងការពារជាតិអ៊ុយក្រែន វ័យ៥៦ឆ្នាំរូបនេះ បានជំរុញឲ្យដៃគូបស្ចិមលោក ត្រូវតែផ្ដល់គ្រឿងយុទ្ធោបករណ៍ និង សម្ភារយោធាឲ្យបានលឿនបន្ថែមទៀត មកដល់ប្រទេសអ៊ុយក្រែន។
លោករដ្ឋមន្ដ្រីក្រសួងការពារជាតិ បានបញ្ជាក់ទៀតថា «យើងពិតជាត្រូវការគ្រឿងសឹកបន្ថែមទៀត ឲ្យបានយ៉ាងឆាប់រហ័ស ដើម្បីសង្គ្រោះជីវិតរបស់កងទ័ពរបស់យើង។ ជារៀងរាល់ថ្ងៃ យើងកំពុងតែរង់ចាំកាំភ្លើងផ្លោងហូវីតហ្ស៊ើរ (Howitzer) ហើយយើងក៏អាចនឹងបាត់បង់ទាហាន រហូតដល់១០០នាក់ក្នុង១ថ្ងៃៗផងដែរ»។
លោករដ្ឋមន្ដ្រីក្រសួងការពារជាតិអ៊ុយក្រែន បានថ្លែង នៅក្នុងបទសម្ភាសន៍របស់ The Times ហើយត្រូវបានចេញផ្សាយ កាលពីថ្ងៃអាទិត្យ ថា «យើងជាប្រជាជន នៃពិភពលោកសេរី ហើយមានអារម្មណ៍ពិតប្រាកដ អំពីយុត្តិធម៌ និង សេរីភាព។ បច្ចុប្បន្ន យើងមានកម្លាំងទ័ពប្រមាណ៧០ម៉ឺននាក់ ហើយនៅពេលអ្នកបំពាក់អាវុធដល់កម្លាំងឆ្មាំជាតិ ប៉ូលិស ឆ្មាំព្រំដែន យើងនឹងមានកម្លាំងប្រដាប់អាវុធ សរុបប្រហែល១លាននាក់»។
ដោយឡែក នៅក្នុងបទសម្ភាសន៍ដាច់ដោយឡែកមួយផ្សេងទៀត ជាមួយនឹង The Wall Street Journal លោករដ្ឋមន្ដ្រីក្រសួងការពារជាតិ Reznikov បានសង្កត់ធ្ងន់ថា អ៊ុយក្រែន មានតម្រូវការជាបន្ទាន់នូវការផ្គត់ផ្គង់រថចម្បាំង យន្ដហោះគ្មានមនុស្សបើកបរឬដ្រូន រថក្រោះ និង ប្រព័ន្ធបាញ់រ៉ុក្កែត ចម្ងាយឆ្ងាយ។ ប្រសិនបើដៃគូសម្ពន្ធលោកខាងលិច ផ្គត់ផ្គង់គ្រឿងសឹកទាំងនេះ មកទាន់ពេលវេលា អ៊ុយក្រែននឹងឈ្នះសង្គ្រាមនេះ ហើយវាយបណ្ដេញកម្លាំងទាហានរុស្ស៊ី ចេញពីប្រទេសរបស់ខ្លួនបាន៕