រដ្ឋធានីវ៉ាស៊ីនតោន៖ សហរដ្ឋអាមេរិក តែងតែប្រកាសជាបន្តបន្ទាប់ ដើម្បីការពារ «សេរីភាព និងការបើកចំហឥណ្ឌូ-ប៉ាស៊ីហ្វិក» បន្ទាប់ពីចិនបានបាញ់មីស៊ីលផ្លោង យ៉ាងហោចណាស់១១គ្រាប់ ចូលទៅក្នុងដែនទឹក ជុំវិញព័ទ្ធកោះតៃវ៉ាន់ កាលពីថ្ងៃព្រហស្បតិ៍ ក្រោយលោកស្រី ប្រធានសភាសហរដ្ឋអាមេរិក ណានស៊ី ផែឡូស៊ី (Nancy Pelosi) ចាកចេញពីក្រុងតៃប៉ិ ដែលធ្វើឱ្យក្រុងប៉េកាំងខឹងសម្បា ហើយឥឡូវនេះ សហរដ្ឋអាមេរិក បានប្រកាសផ្អាកសាកល្បងបាញ់មីស៊ីលរបស់ខ្លួន ដើម្បីកុំឲ្យចិនកាន់តែច្រឡោតបន្ថែមទៀត។
សារព័ត៌មាន CNN បានចេញផ្សាយ កាលពីថ្ងៃសុក្រ ទី៥ ខែសីហា ថា មន្ដ្រីជាន់ខ្ពស់សហរដ្ឋអាមេរិក បានបញ្ជាក់ថា ក្រុងវ៉ាស៊ីនតោន បានសម្រេចពន្យារពេលការសាកល្បងមីស៊ីលដែលបានគ្រោងទុក ជាយូរមកហើយសិន ដោយសារមិនចង់ឲ្យចិន កាន់តែខឹងសម្បាខ្លាំងឡើងបន្ថែមទៀត ក្រោយដំណើររបស់ប្រធានសភា លោកស្រី Nancy Pelosi ទៅកាន់កោះតៃវ៉ាន់ កាលពីដើមសប្តាហ៍នេះ។
លោក ចន ឃើរប៊ី (John Kirby) អ្នកសម្របសម្រួល សម្រាប់ទំនាក់ទំនងយុទ្ធសាស្ត្រ នៃក្រុមប្រឹក្សាសន្តិសុខជាតិសហរដ្ឋអាមេរិក បានបញ្ជាក់ កាលពីថ្ងៃព្រហស្បតិ៍ ទី៤ ខែសីហា ថា «ចិនបានជ្រើសរើសនូវប្រតិកម្មហួសប្រមាណ ហើយប្រើប្រាស់ដំណើរទស្សនកិច្ចរបស់អ្នកនយោបាយកំពូលរបស់សហរដ្ឋអាមេរិក ធ្វើជាលេស ដើម្បីបង្កើនសកម្មភាពយោធា បង្កហេតុទាំងនៅក្នុង និង ជុំវិញច្រកសមុទ្រតៃវ៉ាន់»។
លោក ចន ឃើរប៊ី បានប្រាប់ដល់ក្រុមអ្នកយកព័ត៌មាន ថា រដ្ឋមន្ត្រីក្រសួងការពារជាតិសហរដ្ឋអាមេរិក លោក ឡយ អូស្ទីន (Lloyd Austin) បានដឹកនាំនាវាផ្ទុកយន្តហោះ USS Ronald Reagan និង កប៉ាល់ជាច្រើនទៀត នៅក្នុងក្រុមវាយប្រហាររបស់សហរដ្ឋអាមេរិក ឱ្យស្ថិតនៅក្បែរតៃវ៉ាន់ ដើម្បីតាមដានស្ថានការណ៍។ រីឯក្រុងវ៉ាស៊ីនតោន ក៏នឹងដឹកជញ្ជូន តាមផ្លូវអាកាស និង ដែនសមុទ្រតាមលក្ខណៈស្តង់ដារ ឆ្លងកាត់ច្រកសមុទ្រតៃវ៉ាន់ នៅរយៈពេលប៉ុន្មានសប្តាហ៍ខាងមុខនេះ។
មន្ដ្រីសហរដ្ឋអាមេរិក បានបញ្ជាក់ថា ការសម្រេចចិត្តពន្យារពេលការបាញ់សាកល្បងមីស៊ីលឆ្លងទ្វីប Minuteman III បានកើតឡើង ខណៈចិនបានចាប់ផ្តើមសមយុទ្ធយោធា ជាការឆ្លើយតបទៅនឹងដំណើរទស្សនកិច្ចរបស់លោកស្រី Pelosi ។ ចំណែកលោករដ្ឋមន្ត្រីក្រសួងការពារជាតិ Lloyd Austin បានបញ្ជាឱ្យពន្យារពេលការសាកល្បង ដែលបានគ្រោងទុកជាយូរមកហើយនោះ ដែលជាជំហានយ៉ាងប្រុងប្រយ័ត្ន»៕
សារព័ត៌មាន CNN បានចេញផ្សាយ កាលពីថ្ងៃសុក្រ ទី៥ ខែសីហា ថា មន្ដ្រីជាន់ខ្ពស់សហរដ្ឋអាមេរិក បានបញ្ជាក់ថា ក្រុងវ៉ាស៊ីនតោន បានសម្រេចពន្យារពេលការសាកល្បងមីស៊ីលដែលបានគ្រោងទុក ជាយូរមកហើយសិន ដោយសារមិនចង់ឲ្យចិន កាន់តែខឹងសម្បាខ្លាំងឡើងបន្ថែមទៀត ក្រោយដំណើររបស់ប្រធានសភា លោកស្រី Nancy Pelosi ទៅកាន់កោះតៃវ៉ាន់ កាលពីដើមសប្តាហ៍នេះ។
លោក ចន ឃើរប៊ី (John Kirby) អ្នកសម្របសម្រួល សម្រាប់ទំនាក់ទំនងយុទ្ធសាស្ត្រ នៃក្រុមប្រឹក្សាសន្តិសុខជាតិសហរដ្ឋអាមេរិក បានបញ្ជាក់ កាលពីថ្ងៃព្រហស្បតិ៍ ទី៤ ខែសីហា ថា «ចិនបានជ្រើសរើសនូវប្រតិកម្មហួសប្រមាណ ហើយប្រើប្រាស់ដំណើរទស្សនកិច្ចរបស់អ្នកនយោបាយកំពូលរបស់សហរដ្ឋអាមេរិក ធ្វើជាលេស ដើម្បីបង្កើនសកម្មភាពយោធា បង្កហេតុទាំងនៅក្នុង និង ជុំវិញច្រកសមុទ្រតៃវ៉ាន់»។
លោក ចន ឃើរប៊ី បានប្រាប់ដល់ក្រុមអ្នកយកព័ត៌មាន ថា រដ្ឋមន្ត្រីក្រសួងការពារជាតិសហរដ្ឋអាមេរិក លោក ឡយ អូស្ទីន (Lloyd Austin) បានដឹកនាំនាវាផ្ទុកយន្តហោះ USS Ronald Reagan និង កប៉ាល់ជាច្រើនទៀត នៅក្នុងក្រុមវាយប្រហាររបស់សហរដ្ឋអាមេរិក ឱ្យស្ថិតនៅក្បែរតៃវ៉ាន់ ដើម្បីតាមដានស្ថានការណ៍។ រីឯក្រុងវ៉ាស៊ីនតោន ក៏នឹងដឹកជញ្ជូន តាមផ្លូវអាកាស និង ដែនសមុទ្រតាមលក្ខណៈស្តង់ដារ ឆ្លងកាត់ច្រកសមុទ្រតៃវ៉ាន់ នៅរយៈពេលប៉ុន្មានសប្តាហ៍ខាងមុខនេះ។
មន្ដ្រីសហរដ្ឋអាមេរិក បានបញ្ជាក់ថា ការសម្រេចចិត្តពន្យារពេលការបាញ់សាកល្បងមីស៊ីលឆ្លងទ្វីប Minuteman III បានកើតឡើង ខណៈចិនបានចាប់ផ្តើមសមយុទ្ធយោធា ជាការឆ្លើយតបទៅនឹងដំណើរទស្សនកិច្ចរបស់លោកស្រី Pelosi ។ ចំណែកលោករដ្ឋមន្ត្រីក្រសួងការពារជាតិ Lloyd Austin បានបញ្ជាឱ្យពន្យារពេលការសាកល្បង ដែលបានគ្រោងទុកជាយូរមកហើយនោះ ដែលជាជំហានយ៉ាងប្រុងប្រយ័ត្ន»៕