រដ្ឋធានីប៉េកាំង៖ ក្រុងប៉េកាំង បានខឹងសម្បាយ៉ាងខ្លាំង ប្រឆាំងនឹងដំណើរទស្សនកិច្ចរបស់លោកស្រី ប្រធានសភាសហរដ្ឋអាមេរិក មកកាន់ក្រុងតៃប៉ិ ដោយប្រតិកម្មជាមួយនឹងការធ្វើសមយុទ្ធយោធា ឡោមព័ទ្ធកោះតៃវ៉ាន់ ចំពេលប្រធានាធិបតីចិន លោក ស៊ី ជិនពីង (Xi Jinping) បង្ហាញនូវការឆ្លើយតបយ៉ាងម៉ឺងម៉ាត់ ចំពោះដំណើរទស្សនកិច្ចនេះ ដោយមិនធ្វើឲ្យប៉ះពាល់ ដល់សេដ្ឋកិច្ចរបស់ប្រទេសជាតិ ខណៈការផ្ទុះគំនិតជាតិនិយម នៅក្នុងប្រទេសចិន។
សារព័ត៌មាន Al Jazeera បានចេញផ្សាយ កាលពីថ្ងៃសុក្រ ទី៥ ខែសីហា ថា សកម្មភាពផ្នែកនយោបាយ កើតចេញ ពីដំណើរទស្សនកិច្ចរបស់លោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់ទីក្រុងតៃប៉ិ កាលពីពេលថ្មីៗនេះ កំពុងតែបន្តប្រតិកម្ម នៅក្នុងប្រទេសចិន។ ដំណើរទស្សនកិច្ចរបស់លោកស្រី Pelosi កំពុងតែសាកល្បងនូវដំណោះស្រាយ ពីមេដឹកនាំចិន លោក ស៊ី ជិនពីង (Xi Jinping) ចំពេលវាមានលក្ខណៈជារឿងនយោបាយ។
លោក ស៊ី ជិនពីង ប្រធានាធិបតិចិន កំពុងតែខិតកាន់តែកៀក នៅក្នុងការកាន់កាប់តំណែង នៅអាណត្តិទី៣ ដែលមិនធ្លាប់មានពីមុនមក នៅក្នុងឋានៈជាប្រមុខបក្សកុម្មុយនីស្តចិន ដែលកំពុងតែកាន់អំណាច នៅឯសមាជជាតិ លើកទី២០ នឹងមកដល់ នៅក្នុងខែវិច្ឆិកា។ ប៉ុន្តែនៅពេល ប្រទេសចិន មានប្រតិកម្ម ប្រឆាំងនឹងដំណើរទស្សនកិច្ចរបស់លោកស្រី Pelosi ដោយការបង្ហាញនូវកម្លាំងយោធានោះ លោក ស៊ី ទំនងជាថ្លឹងថ្លែង អំពីតម្លៃខាងសេដ្ឋកិច្ច និង ការធ្លាក់ចុះខាងការទូត ជាមួយសហរដ្ឋអាមេរិក និង សម្ពន្ធមិត្តរបស់ខ្លួន ប្រឆាំងនឹងតម្រូវការរបស់គាត់ នៅក្នុងសកម្មភាពដ៏ខ្លាំងក្លា ប្រឆាំងនឹងកោះតៃវ៉ាន់ ខណៈការកើនឡើង នៃគំនិតជាតិនិយម នៅក្នុងប្រទេសចិន កំពុងតែជំរុញគាត់ ឲ្យធ្វើកាន់តែច្រើនឡើងបន្ថែមទៀត។
លោក ស្ដែហ្វែន ណាហ្គី (Stephen Nagy) ជាអ្នកវិភាគកិច្ចការប្រទេសចិន មានមូលដ្ឋាន នៅទីក្រុងតូក្យូ ប្រទេសជប៉ុន និង ជាអ្នកជំនាញជាន់ខ្ពស់ នៃវិទ្យាស្ថានម៉ឺកដូណាលដ៍-លោរៀ (MacDonald-Laurier) ប្រទេសកាណាដា បានអះអាងថា «ស្ថានការណ៍នយោបាយនេះ បានដាក់លោក ស៊ី ជិនពីង ប្រធានាធិបតីចិន ស្ថិតក្នុងទីតាំងមិនអាចទៅមុខរួច។ គាត់ត្រូវតែរក្សាកំណើនសេដ្ឋកិច្ច ដែលនឹងត្រូវរារាំងយ៉ាងធ្ងន់ធ្ងរ ដោយការឆ្លើយតបពីសកម្មភាពណាមួយ របស់សហរដ្ឋអាមេរិក និង ការបង្កើននូវការទទួលស្គាល់ ជាអន្តរជាតិ សម្រាប់តៃវ៉ាន់ ជាអង្គភាពនយោបាយ»។
អ្នកវិភាគរូបនេះ បានបន្ថែមថា «បើទោះជាយ៉ាងណា លោកប្រធានាធិបតីចិន កំពុងតែស្ថិតនៅក្រោមសម្ពាធយ៉ាងខ្លាំង ពីកម្លាំងជាតិនិយម នៅក្នុងប្រទេសចិន ដោយគេរំពឹងថា នឹងមានការឆ្លើយតបយ៉ាងខ្លាំង ជុំវិញអ្វីដែលពួកគេយល់ថា ជាការរំលោភបំពានយ៉ាងច្បាស់ ទៅលើ«គោលនយោបាយចិនតែមួយ... ខ្ញុំសង្ស័យថា គាត់អាចវាយលុកលើតុល្យភាពនេះបាន»។
ជាមួយនឹងការខឹងសម្បា ប្រឆាំងនឹងដំណើរទស្សនកិច្ចរបស់ប្រធានសភាសហរដ្ឋអាមេរិក នេះ ចិនបានដាក់ពង្រាយកងទ័ព នាវាចម្បាំង និង យន្ដហោះយោធាជាច្រើនប្រភេទ រាប់សិបគ្រឿង ធ្វើសមយុទ្ធបាញ់គ្រាប់មីស៊ីល ឡោមព័ទ្ធកោះតៃវ៉ាន់។ ជាមួយគ្នានេះដែរ អាជ្ញាធរចិន ថែមទាំងបានហាមឃាត់នូវការនាំចូលផលិតផលអាហាររបស់តៃវ៉ាន់ ជាង ២ ០០០មុខ និង បានបញ្ឈប់នូវការនាំចេញខ្សាច់ ទៅកាន់កោះតៃវ៉ាន់ ខណៈនៅក្នុងសប្តាហ៍នេះ គេហទំព័ររបស់រដ្ឋាភិបាលរបស់តៃវ៉ាន់ បានរងនូវការវាយប្រហារ ដោយក្រុមហែកឃើរ តាមប្រព័ន្ធអ៊ិនធើរណេត ពីក្រៅប្រទេសថែមទៀតផង។
លោក ស្ដែហ្វែន ណាហ្គី (Stephen Nagy) អ្នកវិភាគរូបនេះ បានបន្ថែមថា «សកម្មភាពយោធារបស់ចិន មិនទាន់បញ្ចប់នៅឡើយ។ ខ្ញុំគិតថា នឹងមានសកម្មភាពយោធាបង្កហេតុបន្ថែមទៀត កើតចេញពីប្រទេសចិន នៅក្នុងប៉ុន្មានខែខាងមុខនេះ ... យើងអាចគិតបានថា នឹងមានការវាយប្រហារ តាមបណ្ដាញអ៊ិនធើរណេត កាន់តែច្រើន ការរឹតបន្តឹង ទៅលើអាជីវកម្មរបស់តៃវ៉ាន់ ដែលកំពុងតែប្រតិបត្តិការ នៅក្នុងប្រទេសចិន ហើយសូម្បីតែការដាក់ទណ្ឌកម្មជាបន្ដបន្ទាប់ ក៏ដើម្បីបង្កើនសម្ពាធ ទៅលើមិត្តភាពរបស់តៃវ៉ាន់ ផងដែរ»៕
សារព័ត៌មាន Al Jazeera បានចេញផ្សាយ កាលពីថ្ងៃសុក្រ ទី៥ ខែសីហា ថា សកម្មភាពផ្នែកនយោបាយ កើតចេញ ពីដំណើរទស្សនកិច្ចរបស់លោកស្រី ណានស៊ី ផែឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់ទីក្រុងតៃប៉ិ កាលពីពេលថ្មីៗនេះ កំពុងតែបន្តប្រតិកម្ម នៅក្នុងប្រទេសចិន។ ដំណើរទស្សនកិច្ចរបស់លោកស្រី Pelosi កំពុងតែសាកល្បងនូវដំណោះស្រាយ ពីមេដឹកនាំចិន លោក ស៊ី ជិនពីង (Xi Jinping) ចំពេលវាមានលក្ខណៈជារឿងនយោបាយ។
លោក ស៊ី ជិនពីង ប្រធានាធិបតិចិន កំពុងតែខិតកាន់តែកៀក នៅក្នុងការកាន់កាប់តំណែង នៅអាណត្តិទី៣ ដែលមិនធ្លាប់មានពីមុនមក នៅក្នុងឋានៈជាប្រមុខបក្សកុម្មុយនីស្តចិន ដែលកំពុងតែកាន់អំណាច នៅឯសមាជជាតិ លើកទី២០ នឹងមកដល់ នៅក្នុងខែវិច្ឆិកា។ ប៉ុន្តែនៅពេល ប្រទេសចិន មានប្រតិកម្ម ប្រឆាំងនឹងដំណើរទស្សនកិច្ចរបស់លោកស្រី Pelosi ដោយការបង្ហាញនូវកម្លាំងយោធានោះ លោក ស៊ី ទំនងជាថ្លឹងថ្លែង អំពីតម្លៃខាងសេដ្ឋកិច្ច និង ការធ្លាក់ចុះខាងការទូត ជាមួយសហរដ្ឋអាមេរិក និង សម្ពន្ធមិត្តរបស់ខ្លួន ប្រឆាំងនឹងតម្រូវការរបស់គាត់ នៅក្នុងសកម្មភាពដ៏ខ្លាំងក្លា ប្រឆាំងនឹងកោះតៃវ៉ាន់ ខណៈការកើនឡើង នៃគំនិតជាតិនិយម នៅក្នុងប្រទេសចិន កំពុងតែជំរុញគាត់ ឲ្យធ្វើកាន់តែច្រើនឡើងបន្ថែមទៀត។
លោក ស្ដែហ្វែន ណាហ្គី (Stephen Nagy) ជាអ្នកវិភាគកិច្ចការប្រទេសចិន មានមូលដ្ឋាន នៅទីក្រុងតូក្យូ ប្រទេសជប៉ុន និង ជាអ្នកជំនាញជាន់ខ្ពស់ នៃវិទ្យាស្ថានម៉ឺកដូណាលដ៍-លោរៀ (MacDonald-Laurier) ប្រទេសកាណាដា បានអះអាងថា «ស្ថានការណ៍នយោបាយនេះ បានដាក់លោក ស៊ី ជិនពីង ប្រធានាធិបតីចិន ស្ថិតក្នុងទីតាំងមិនអាចទៅមុខរួច។ គាត់ត្រូវតែរក្សាកំណើនសេដ្ឋកិច្ច ដែលនឹងត្រូវរារាំងយ៉ាងធ្ងន់ធ្ងរ ដោយការឆ្លើយតបពីសកម្មភាពណាមួយ របស់សហរដ្ឋអាមេរិក និង ការបង្កើននូវការទទួលស្គាល់ ជាអន្តរជាតិ សម្រាប់តៃវ៉ាន់ ជាអង្គភាពនយោបាយ»។
អ្នកវិភាគរូបនេះ បានបន្ថែមថា «បើទោះជាយ៉ាងណា លោកប្រធានាធិបតីចិន កំពុងតែស្ថិតនៅក្រោមសម្ពាធយ៉ាងខ្លាំង ពីកម្លាំងជាតិនិយម នៅក្នុងប្រទេសចិន ដោយគេរំពឹងថា នឹងមានការឆ្លើយតបយ៉ាងខ្លាំង ជុំវិញអ្វីដែលពួកគេយល់ថា ជាការរំលោភបំពានយ៉ាងច្បាស់ ទៅលើ«គោលនយោបាយចិនតែមួយ... ខ្ញុំសង្ស័យថា គាត់អាចវាយលុកលើតុល្យភាពនេះបាន»។
ជាមួយនឹងការខឹងសម្បា ប្រឆាំងនឹងដំណើរទស្សនកិច្ចរបស់ប្រធានសភាសហរដ្ឋអាមេរិក នេះ ចិនបានដាក់ពង្រាយកងទ័ព នាវាចម្បាំង និង យន្ដហោះយោធាជាច្រើនប្រភេទ រាប់សិបគ្រឿង ធ្វើសមយុទ្ធបាញ់គ្រាប់មីស៊ីល ឡោមព័ទ្ធកោះតៃវ៉ាន់។ ជាមួយគ្នានេះដែរ អាជ្ញាធរចិន ថែមទាំងបានហាមឃាត់នូវការនាំចូលផលិតផលអាហាររបស់តៃវ៉ាន់ ជាង ២ ០០០មុខ និង បានបញ្ឈប់នូវការនាំចេញខ្សាច់ ទៅកាន់កោះតៃវ៉ាន់ ខណៈនៅក្នុងសប្តាហ៍នេះ គេហទំព័ររបស់រដ្ឋាភិបាលរបស់តៃវ៉ាន់ បានរងនូវការវាយប្រហារ ដោយក្រុមហែកឃើរ តាមប្រព័ន្ធអ៊ិនធើរណេត ពីក្រៅប្រទេសថែមទៀតផង។
លោក ស្ដែហ្វែន ណាហ្គី (Stephen Nagy) អ្នកវិភាគរូបនេះ បានបន្ថែមថា «សកម្មភាពយោធារបស់ចិន មិនទាន់បញ្ចប់នៅឡើយ។ ខ្ញុំគិតថា នឹងមានសកម្មភាពយោធាបង្កហេតុបន្ថែមទៀត កើតចេញពីប្រទេសចិន នៅក្នុងប៉ុន្មានខែខាងមុខនេះ ... យើងអាចគិតបានថា នឹងមានការវាយប្រហារ តាមបណ្ដាញអ៊ិនធើរណេត កាន់តែច្រើន ការរឹតបន្តឹង ទៅលើអាជីវកម្មរបស់តៃវ៉ាន់ ដែលកំពុងតែប្រតិបត្តិការ នៅក្នុងប្រទេសចិន ហើយសូម្បីតែការដាក់ទណ្ឌកម្មជាបន្ដបន្ទាប់ ក៏ដើម្បីបង្កើនសម្ពាធ ទៅលើមិត្តភាពរបស់តៃវ៉ាន់ ផងដែរ»៕
