រដ្ឋធានីវ៉ាស៊ីនតោន៖ ដំណើរទស្សនកិច្ចរបស់លោកស្រី ណានស៊ី ផេឡូស៊ី (Nancy Pelosi) ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់កោះតៃវ៉ាន់ កាលពីថ្ងៃទី២ ខែសីហា បានធ្វើឲ្យចិនខាងសម្បាយ៉ាងខ្លាំង រហូតបង្កនូវភាពតានតឹងដាក់គ្នា រវាងរដ្ឋាភិបាលក្រុងប៉េកាំង និង ក្រុងវ៉ាស៊ីនតោន ហើយក្រុមហ៊ុនធំៗ គ្រប់គ្រងដោយរដ្ឋចិន ចំនួន៥ ក៏បានសម្រេចដកខ្លួន ចេញពីទីផ្សារភាគហ៊ុន នៅសហរដ្ឋអាមេរិក។
សារព័ត៌មាន Alarabiya News បានចេញផ្សាយ កាលពីថ្ងៃសុក្រ ទី១២ ខែសីហា ថា ក្រុមហ៊ុនធំៗរបស់ចិន ចំនួន៥ រួមមាន ទី១-ក្រុមហ៊ុន Sinopec, ទី២-ក្រុមហ៊ុន PetroChina, ទី៣-ក្រុមហ៊ុនសាជីវកម្មអាលុយមីញ៉ូមចិន ដែលគេស្គាល់ថា Chalco, ទី៤-ក្រុមហ៊ុនធានារាប់រង China Life Insurance និង ក្រុមហ៊ុនបុត្រសម្ព័ន្ធរបស់ Sinopec មានមូលដ្ឋាន នៅទីក្រុងសៀងហៃ ប្រទេសចិន។
ក្រុមហ៊ុនធំៗរបស់ចិន កាលពីថ្ងៃសុក្រ បានបញ្ជាក់ នៅក្នុងសេចក្ដីប្រកាស ថា ក្រុមហ៊ុនផលិតប្រេងដ៏ធំបំផុតរបស់ចិន ចំនួន២ គឺក្រុមហ៊ុន Sinopec និង ក្រុមហ៊ុន PetroChina ដែលក្រុមហ៊ុនទាំង២នេះ ជាក្រុមហ៊ុនថាមពលដ៏ធំបំផុត នៅលើពិភពលោក បានដាក់ពាក្យ សុំដកចេញពីទីផ្សារភាគហ៊ុនញូវយ៉ក (New York Stock Exchange) ។
ផែនការដកខ្លួនចេញពីទីផ្សារភាគហ៊ុនសហរដ្ឋអាមេរិករបស់ក្រុមហ៊ុនហ៊ុនចិនទាំងនេះ បានកើតឡើង ដោយសារតែមានភាពតានតឹង កំពុងតែកើនឡើង រវាងក្រុងប៉េកាំង និង ក្រុងវ៉ាស៊ីនតោន ជុំវិញដំណើរទស្សនកិច្ចរបស់លោកស្រី Nancy Pelosi ប្រធានសភាសហរដ្ឋអាមេរិក មកកាន់តៃវ៉ាន់ កាលពីសប្តាហ៍មុន ខណៈចិន តែងតែអះអាងដែនកោះមួយនេះ ជាផ្នែកមួយនៃទឹកដីរបស់ខ្លួន។
រដ្ឋាភិបាលក្រុងប៉េកាំង បានខឹងសម្បាយ៉ាងខ្លាំង ប្រឆាំងនឹងដំណើរទស្សនកិច្ចរបស់អ្នកនយោបាយកំពូលរបស់សហរដ្ឋអាមេរិក ដោយថែមទាំងបានធ្វើសមយុទ្ធយោធាទ្រង់ទ្រាយធំ មិនធ្លាប់មានពីមុនមក ឡោមព័ទ្ធកោះតៃវ៉ាន់ ហើយប្រកាសផ្អាកធ្វើកិច្ចសហប្រតិបត្តិការជាមួយសហរដ្ឋអាមេរិក លើផ្នែកជាច្រើន រួមមាន ការប្រែប្រួលអាកាសធាតុ និង ការប្រយុទ្ធប្រឆាំងនឹងអ្នករត់ពន្ធគ្រឿងញៀន…ជាដើម។
ក្រុមហ៊ុនធំៗទាំង៥របស់ចិននេះ កំពុងតែស្ថិតនៅក្នុងបញ្ជី ត្រូវបានបោះផ្សាយ ដោយគណៈកម្មការមូលបត្រសហរដ្ឋអាមេរិក អាចប្រឈមនឹងការដកចេញពី Wall Street ប្រសិនបើក្រុមហ៊ុនទាំងនេះ មិនគោរពតាមតម្រូវការសវនកម្មថ្មី។ ក្រុមហ៊ុនរបស់ចិនទាំងនេះ ក៏បានបញ្ជាក់ នៅក្នុងសេចក្ដីថ្លែងការណ៍ដាច់ដោយឡែកពីគ្នាថា ពួកគេនឹងឈប់ធ្វើពាណិជ្ជកម្ម នៅលើទីផ្សារភាគហ៊ុន NYSE ចាប់ពីដើមខែកញ្ញា ខាងមុខនេះទៅ។
ដោយឡែក ទស្សនាវដ្ដី Fortune បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថា នៅក្នុងរយៈពេលប៉ុន្មានខែកន្លងមកនេះ និយតករសហព័ន្ធន៍ បានបង្កើននូវការដាក់សម្ពាធ ទៅលើរដ្ឋាភិបាលក្រុងប៉េកាំង និង ក្រុមហ៊ុនចិនច្រើន ដែលធ្វើពាណិជ្ជកម្ម នៅលើផ្សារហ៊ុនរបស់សហរដ្ឋអាមេរិក ដើម្បីអនុវត្តតាមច្បាប់ចុះបញ្ជីរបស់សហរដ្ឋអាមេរិក។ ប៉ុន្តែកាលពីថ្ងៃសុក្រ ក្រុមហ៊ុនធំៗបំផុតចំនួន៥ គ្រប់គ្រងដោយរដ្ឋចិន ដែលបានចុះបញ្ជី នៅសហរដ្ឋអាមេរិក មានតម្លៃសរុប៣១៨ពាន់លានដុល្លារ បានប្រកាសថា ពួកគេនឹងដកខ្លួន ចេញពីទីផ្សារភាគហ៊ុន Wall Street ។ ការប្រកាសរបស់ក្រុមហ៊ុនចិនទាំងនេះ បានបង្ហាញពីការបង្កើនល្បឿន នៅក្នុងការកាត់ផ្តាច់ផ្នែកហិរញ្ញវត្ថុរវាងសហរដ្ឋអាមេរិក និងចិនផងដែរ៕
សារព័ត៌មាន Alarabiya News បានចេញផ្សាយ កាលពីថ្ងៃសុក្រ ទី១២ ខែសីហា ថា ក្រុមហ៊ុនធំៗរបស់ចិន ចំនួន៥ រួមមាន ទី១-ក្រុមហ៊ុន Sinopec, ទី២-ក្រុមហ៊ុន PetroChina, ទី៣-ក្រុមហ៊ុនសាជីវកម្មអាលុយមីញ៉ូមចិន ដែលគេស្គាល់ថា Chalco, ទី៤-ក្រុមហ៊ុនធានារាប់រង China Life Insurance និង ក្រុមហ៊ុនបុត្រសម្ព័ន្ធរបស់ Sinopec មានមូលដ្ឋាន នៅទីក្រុងសៀងហៃ ប្រទេសចិន។
ក្រុមហ៊ុនធំៗរបស់ចិន កាលពីថ្ងៃសុក្រ បានបញ្ជាក់ នៅក្នុងសេចក្ដីប្រកាស ថា ក្រុមហ៊ុនផលិតប្រេងដ៏ធំបំផុតរបស់ចិន ចំនួន២ គឺក្រុមហ៊ុន Sinopec និង ក្រុមហ៊ុន PetroChina ដែលក្រុមហ៊ុនទាំង២នេះ ជាក្រុមហ៊ុនថាមពលដ៏ធំបំផុត នៅលើពិភពលោក បានដាក់ពាក្យ សុំដកចេញពីទីផ្សារភាគហ៊ុនញូវយ៉ក (New York Stock Exchange) ។
ផែនការដកខ្លួនចេញពីទីផ្សារភាគហ៊ុនសហរដ្ឋអាមេរិករបស់ក្រុមហ៊ុនហ៊ុនចិនទាំងនេះ បានកើតឡើង ដោយសារតែមានភាពតានតឹង កំពុងតែកើនឡើង រវាងក្រុងប៉េកាំង និង ក្រុងវ៉ាស៊ីនតោន ជុំវិញដំណើរទស្សនកិច្ចរបស់លោកស្រី Nancy Pelosi ប្រធានសភាសហរដ្ឋអាមេរិក មកកាន់តៃវ៉ាន់ កាលពីសប្តាហ៍មុន ខណៈចិន តែងតែអះអាងដែនកោះមួយនេះ ជាផ្នែកមួយនៃទឹកដីរបស់ខ្លួន។
រដ្ឋាភិបាលក្រុងប៉េកាំង បានខឹងសម្បាយ៉ាងខ្លាំង ប្រឆាំងនឹងដំណើរទស្សនកិច្ចរបស់អ្នកនយោបាយកំពូលរបស់សហរដ្ឋអាមេរិក ដោយថែមទាំងបានធ្វើសមយុទ្ធយោធាទ្រង់ទ្រាយធំ មិនធ្លាប់មានពីមុនមក ឡោមព័ទ្ធកោះតៃវ៉ាន់ ហើយប្រកាសផ្អាកធ្វើកិច្ចសហប្រតិបត្តិការជាមួយសហរដ្ឋអាមេរិក លើផ្នែកជាច្រើន រួមមាន ការប្រែប្រួលអាកាសធាតុ និង ការប្រយុទ្ធប្រឆាំងនឹងអ្នករត់ពន្ធគ្រឿងញៀន…ជាដើម។
ក្រុមហ៊ុនធំៗទាំង៥របស់ចិននេះ កំពុងតែស្ថិតនៅក្នុងបញ្ជី ត្រូវបានបោះផ្សាយ ដោយគណៈកម្មការមូលបត្រសហរដ្ឋអាមេរិក អាចប្រឈមនឹងការដកចេញពី Wall Street ប្រសិនបើក្រុមហ៊ុនទាំងនេះ មិនគោរពតាមតម្រូវការសវនកម្មថ្មី។ ក្រុមហ៊ុនរបស់ចិនទាំងនេះ ក៏បានបញ្ជាក់ នៅក្នុងសេចក្ដីថ្លែងការណ៍ដាច់ដោយឡែកពីគ្នាថា ពួកគេនឹងឈប់ធ្វើពាណិជ្ជកម្ម នៅលើទីផ្សារភាគហ៊ុន NYSE ចាប់ពីដើមខែកញ្ញា ខាងមុខនេះទៅ។
ដោយឡែក ទស្សនាវដ្ដី Fortune បានចេញផ្សាយ កាលពីព្រឹក ថ្ងៃសៅរ៍ ទី១៣ ខែសីហា ថា នៅក្នុងរយៈពេលប៉ុន្មានខែកន្លងមកនេះ និយតករសហព័ន្ធន៍ បានបង្កើននូវការដាក់សម្ពាធ ទៅលើរដ្ឋាភិបាលក្រុងប៉េកាំង និង ក្រុមហ៊ុនចិនច្រើន ដែលធ្វើពាណិជ្ជកម្ម នៅលើផ្សារហ៊ុនរបស់សហរដ្ឋអាមេរិក ដើម្បីអនុវត្តតាមច្បាប់ចុះបញ្ជីរបស់សហរដ្ឋអាមេរិក។ ប៉ុន្តែកាលពីថ្ងៃសុក្រ ក្រុមហ៊ុនធំៗបំផុតចំនួន៥ គ្រប់គ្រងដោយរដ្ឋចិន ដែលបានចុះបញ្ជី នៅសហរដ្ឋអាមេរិក មានតម្លៃសរុប៣១៨ពាន់លានដុល្លារ បានប្រកាសថា ពួកគេនឹងដកខ្លួន ចេញពីទីផ្សារភាគហ៊ុន Wall Street ។ ការប្រកាសរបស់ក្រុមហ៊ុនចិនទាំងនេះ បានបង្ហាញពីការបង្កើនល្បឿន នៅក្នុងការកាត់ផ្តាច់ផ្នែកហិរញ្ញវត្ថុរវាងសហរដ្ឋអាមេរិក និងចិនផងដែរ៕
