រដ្ឋធានីកៀវ៖ ស្របពេលសង្គ្រាមរបស់លោកប្រធានាធិបតី វ្ល៉ាឌីមៀ ពូទីន បានបន្ដអូសបន្លាយ អស់រយៈពេលជាង១ឆ្នាំមកហើយ ដោយបានបំផ្លិញបំផ្លាញហេដ្ឋារចនាសម្ព័ន្ធ នៅក្នុងប្រទេសអ៊ុយក្រែន មានទំហំខូចខាត គិតជាទឹកប្រាក់ អស់រាប់រយពាន់លានដុល្លារ និង បានសម្លាប់មនុស្ស អស់រាប់សែននាក់នោះមក ក្រុមអ្នកស្ម័គ្រចិត្តរបស់ប្រទេសអឺរ៉ុបខាងកើតមួយនេះ កំពុងតែបង្កើតមីស៊ីល មានតម្លៃថោកៗ សម្រាប់វាយកម្ទេចប្រព័ន្ធការពារដែនអាកាសរបស់រុស្ស៊ី។
បណ្ដាញទូរទស្សន៍បារាំង FRANCE 24 បានចេញផ្សាយ កាលពីថ្ងៃអាទិត្យ ទី៣០ ខែកក្កដា ថា ក្រុមអ្នកច្នៃប្រឌិតអ៊ុយក្រែន បានបង្កើតមីស៊ីល មានតំលៃថោក ដោយពួកគេសង្ឃឹម ថាអាចបង្ក្រាបទៅលើប្រព័ន្ធការពារដែនអាកាសរបស់រុស្ស៊ី។ ដូច្នេះ រ៉ុក្កែតបំពាក់ដោយក្បាលគ្រាប់ ទំនងជាអាចទៅដល់គោលដៅរបស់ពួកគេ។ ក្រុមអ្នកបង្កើតមីស៊ីលទាំងនេះ ជាអ្នកស្ម័គ្រចិត្ត ប៉ុន្តែពួកគេធ្វើការងារលើសអ្នកស្ម័គ្រចិត្ត ដោយបានផលិតកាំភ្លើងត្បាល់ រាប់រយគ្រាប់រួចហើយ។
លោក ស៊ើរហ៊ី (explains Serhii) ជាអ្នកស្ម័គ្រចិត្តមួយរូប បានពន្យល់ ថា គ្រាប់រ៉ុក្កែត បំពាក់ក្បាលគ្រាប់ នឹងប្រើប្រាស់ជាមួយគ្រឿងអេឡិកត្រូនិក មានតម្លៃថ្លៃ។ ដូច្នេះមីស៊ីលទាំងនោះ អាចនឹងបាញ់ចំគោលដៅយ៉ាងជាក់លាក់។ ប៉ុន្តែមីស៊ីលរាប់ពាន់គ្រាប់ នឹងនៅតែមានតម្លៃថោកខ្លាំងបំផុត។ យើងចង់គ្របដណ្តប់ទៅលើប្រព័ន្ធការពារដែនអាកាសរបស់រុស្ស៊ី ដើម្បីធ្វើឱ្យគ្រាប់រ៉ុក្កែតវាយប្រហាររបស់យើង អាចវាយប្រហារទៅលើគោលដៅរបស់សត្រូវ»។
ពាណិជ្ជកម្ម
ជាមួយគ្នាននេះ ក្រុមអ្នកស្ម័គ្រចិត្ត មកពីកន្លែងផ្សេងៗទៀត នៅក្នុងប្រទេសអ៊ុយក្រែន បានមើលឃើញនូវការបង្ហាញមីស៊ីលទាំងនេះ ធ្វើឲ្យពួកគេចាប់អារម្មណ៍ ចង់ជួយបង្កើតអាវុធនេះឡើង នៅក្នុងទីតាំងជាច្រើនកន្លែងផ្សេងៗទៀត។
លោក យូលៀ (Yulia) ជាអ្នកស្ម័គ្រចិត្ត មកពីទីក្រុងកៀវ មួយរូប បានអះអាង ថា៖ «ខ្ញុំសប្បាយចិត្តណាស់ ព្រោះផលិតកម្មប្រភេទនេះ កំពុងតែអភិវឌ្ឍ នៅក្នុងប្រទេសអ៊ុយក្រែន។ ខ្ញុំចូលចិត្តអំពីរបៀប គ្រឿងសព្វាវុធទាំងនេះ ត្រូវបានរចនាឡើង សម្រាប់កងទ័ព ធ្វើប្រតិបត្តិការ កាន់តែឆ្ងាយ ឃ្លាតចេញពីសមរភូមិជួរមុខ»៕