បច្ចុប្បន្នរុស្ស៊ី បានចាប់ផ្តើមយុទ្ធនាការរបស់ខ្លួន ដើម្បីការពារផែនដីពីការគំរាមកំហែងបង្កឡើងដោយដុំថ្មក្នុងទីអវកាស(ផ្កាយព្រះគ្រោះ) ដែលនេះមានន័យថា លោកប្រធានាធិបតី វ្ល៉ាឌីមៀ ពូទីន អាចនឹងការពារមនុស្សពីការស្លាប់ដោយសារតែគ្រោះកាចបង្កឡើងដោយផ្កាយព្រះគ្រោះទាំងនេះ។
ទីភ្នាក់ងារអវកាស Roscosmos របស់រុស្ស៊ី ចង់រកឲ្យឃើញថាតើវាអាចទៅរួចដែរឬទេក្នុងការបំផ្លាញផ្កាយព្រះគ្រោះទាំងអស់នេះឬបង្វែរទិសដៅហោះរបស់ដុំថ្មដ៏គ្រោះថ្នាក់ទាំងនេះទៅកន្លែងផ្សេងងាកចេញពីផែនដីរបស់ពួកយើង។នេះអាចនឹងពាក់ព័ន្ធជាមួយនឹងការប្រើប្រាស់យានបំបុកកម្ទេចផ្កាយព្រះគ្រោះចោល ឬប្រើប្រាស់ផ្កាយរណបដើម្បីនាំវាផ្លូវវាទៅរកកន្លែងផ្សេង ។ គ្រាប់បែកនុយក្លេអ៊ែរ អាចនឹងត្រូវបញ្ជូនទៅកាន់ទីអវកាសផងដែរ ដើម្បីបំផ្ទុះផ្កាយព្រះគ្រោះទាំងអស់នេះ។នាយកដ្ឋានថ្មីដែលមានឈ្មោះថា Russian Centre for Celestial Bodies របស់ទីភ្នាក់ងារ Roscosmos នឹងទទួលយកការងារមួយនេះ ដើម្បីតាមដានសកម្មភាពនៅលើទីអវកាស ក៏ដូចជាស្វែងរកផ្កាយដុះកន្ទុយ ហើយនិងផ្កាយព្រះគ្រោះ ដែលកំពុងធ្វើដំណើរខិតជិតផែនដី។លោក Igor Bakaras គឹជាប្រធានមជ្ឈមណ្ឌលវិភាគ និងព័ត៌មានសម្រាប់ការធានាឲ្យបានសុវត្ថិភាពសកម្មភាពលើទីអវកាសនៅទីអវកាសខាងក្រៅជិតផែនដីនៅឯ ទីភ្នាក់ងារ Rosocosmos បាននិយាយថា ការប៉ះទង្គិចជាមួយនឹងផ្កាយព្រះគ្រោះ គឺល្មមនឹងបង្កវិនាសកម្មដល់ជីវិតមនុស្សនៅលើផែនដី ដែលបានកើតឡើងរាល់១លានឆ្នាំម្តង ហេតុដូច្នេះហើយនៅក្នុប្រវត្តិសាស្ត្រមនុស្សសម័យទំនើប ហេតុការណ៍បែបនេះ មិនត្រូវកើតឡើងជាដាច់ខាត។លោក Bakaras បានអំពាវនាវផងឲ្យមានការប្រឹងប្រែងបន្ថែមទៀតដើម្បីដោះស្រាយការគំរាមកំហែងពីផ្កាយព្រះគ្រោះ ហើយលោកបានបន្តថា នៅពេលបច្ចុប្បន្ន ការងារលើវិស័យទាំងនេះមានដែនកំណត់ចំពោះការស្រាវជ្រាវផ្អែកលើទ្រឹស្តីហើយនិងវិធានការប្រឆាំងជាច្រើនផ្សេងទៀត។
សូមបញ្ជាក់ថា កាលពីដើមឆ្នាំនេះ ក្រុមអ្នកវិទ្យាសាស្ត្រ បាននិយាយថា ផ្កាយព្រះគ្រោះត្រូវបានគេព្យាករណ៍ខ្លាំងជាងមុនថានឹងហោះកាន់តែជិតផែនដី ហើយពួកគេបានធ្វើការព្រមានថា មនុស្សលើផែនដី នឹងត្រូវវិនាសបើសិនជាផ្កាយព្រះគ្រោះបុកផែនដីមែននោះ៕
