រដ្ឋធានីមូស្គូ៖ រហូតមកដល់ពេលនេះ សង្គ្រាម នៅក្នុងប្រទេសអ៊ុយក្រែន កំពុងតែបន្ដ ហើយកាន់តែមានសភាពខ្លាំងក្លាឡើង ហើយការចំណាយ និងការខាតបង់ នឹងកើនឡើង មានទំហំធំធេង ទើបសភាជាន់ទាបរបស់រុស្ស៊ី បានយល់ព្រមជាឯកច្ឆន្ទ បើកភ្លើងខៀវ ឲ្យរដ្ឋាភិបាល បង្ខំដល់ក្រុមហ៊ុនក្នុងស្រុក ផ្តល់ទំនិញ និងសេវាកម្មផ្គត់ផ្គង់ ជួយដល់យោធារុស្ស៊ី ដែលកំពុងតែធ្វើសង្គ្រាម នៅក្នុងប្រទេសជិតខាងរបស់ខ្លួន។
សារព័ត៌មាន Euro News បានចេញផ្សាយ កាលពីថ្ងៃអង្គារ ទី៥ ខែកក្កដា ឆ្នាំ២០២២ ថា រដ្ឋាភិបាលរុស្ស៊ី នឹងអាចបង្ខំឱ្យក្រុមហ៊ុនអាជីវកម្ម នៅក្នុងស្រុក ត្រូវតែផ្គត់ផ្គង់នូវទំនិញផ្សេងៗ ជួយដល់កងទ័ព។ សកម្មភាពទាំងនេះ បានកើតឡើង ក្រោយសភាជាន់ទាបរបស់រុស្ស៊ី កាលពីថ្ងៃអង្គារ បានអនុម័តជាឯកច្ឆន្ទ លើកដំបូង នៅក្នុងប្រទេសមហាអំណាចយោធាកំពូលលំដាប់លេខ២ នៅលើពិភពលោកនេះ។
បើតាមច្បាប់នេះ ក្រុមហ៊ុនអាចមានសិទ្ធិបង្ខំឱ្យបុគ្គលិករបស់ពួកគេ ធ្វើការថែមម៉ោង ក្រោមច្បាប់ចំនួនពីរ ដើម្បីគាំទ្រដល់សង្គ្រាមរបស់រដ្ឋាភិបាលក្រុងម៉ូស្គូ នៅក្នុងប្រទេសអ៊ុយក្រែន។ បុគ្គលិក នឹងត្រូវបង្ខំឲ្យធ្វើការលើសម៉ោង ទាំងយប់ ទាំងថ្ងៃសម្រាក ថ្ងៃបុណ្យជាតិ និង មិនចាំបាច់ឈប់សម្រាកវិស្សមកាលប្រចាំឆ្នាំ ដើម្បីផលិតទំនិញផ្គត់ផ្គង់យោធា។ ការសម្រេចរបស់សភារុស្ស៊ី នេះ បានកើតឡើង ក្រោយពេលបណ្ដាប្រទេសបស្ចិមលោក សម្រុកបញ្ជូនគ្រឿងយុទ្ធោបករណ៍ និងសម្ភារសឹក ទៅជួយដល់រដ្ឋាភិបាលអ៊ុយក្រែន។
លោក យូរី បូរីសូវ (Yuri Borisov) ឧបនាយករដ្ឋមន្ដ្រីរុស្ស៊ី បានបញ្ជាក់ថា «បន្ទុកលើឧស្សាហកម្មការពារជាតិ បានកើនឡើងយ៉ាងខ្លាំង។ ប៉ុន្ដែដើម្បីធានាដល់ការផ្គត់ផ្គង់គ្រឿងសព្វាវុធ និង គ្រាប់រំសេវ ចាំបាច់ត្រូវតែបង្កើនឲ្យប្រសិទ្ធភាពការងារ នៅក្នុងឧស្សាហកម្មយោធា និងឧស្សាហកម្ម ជាខ្សែសង្វាក់ នៃសហប្រតិបត្តិការនេះ»។
រុស្ស៊ី បានលើកកងទ័ព វាយលុកចូលប្រទេសអ៊ុយក្រែន កាលពីថ្ងៃទី ២៤ ខែកុម្ភៈ ដោយគោលបំណងដំបូង ប៉ុនប៉ងដណ្តើមកាន់កាប់រដ្ឋធានីគៀវ (Kyiv)។ ប៉ុន្ដែសកម្មភាពយោធារបស់ក្រុងមូស្គូ បានខាតបង់យ៉ាងធំធេង ទាំងកម្លាំងទ័ព និង គ្រឿងសឹក ហើយចុងក្រោយ ទើបរុស្ស៊ី បានបង្វែរទៅដៅទៅភាគភាគខាងកើត ប្រទេស ហើយដណ្តើមបានតំបន់ Luhansk កាលពីថ្ងៃអាទិត្យ ទី៣ ខែកក្កដា៕
សារព័ត៌មាន Euro News បានចេញផ្សាយ កាលពីថ្ងៃអង្គារ ទី៥ ខែកក្កដា ឆ្នាំ២០២២ ថា រដ្ឋាភិបាលរុស្ស៊ី នឹងអាចបង្ខំឱ្យក្រុមហ៊ុនអាជីវកម្ម នៅក្នុងស្រុក ត្រូវតែផ្គត់ផ្គង់នូវទំនិញផ្សេងៗ ជួយដល់កងទ័ព។ សកម្មភាពទាំងនេះ បានកើតឡើង ក្រោយសភាជាន់ទាបរបស់រុស្ស៊ី កាលពីថ្ងៃអង្គារ បានអនុម័តជាឯកច្ឆន្ទ លើកដំបូង នៅក្នុងប្រទេសមហាអំណាចយោធាកំពូលលំដាប់លេខ២ នៅលើពិភពលោកនេះ។
បើតាមច្បាប់នេះ ក្រុមហ៊ុនអាចមានសិទ្ធិបង្ខំឱ្យបុគ្គលិករបស់ពួកគេ ធ្វើការថែមម៉ោង ក្រោមច្បាប់ចំនួនពីរ ដើម្បីគាំទ្រដល់សង្គ្រាមរបស់រដ្ឋាភិបាលក្រុងម៉ូស្គូ នៅក្នុងប្រទេសអ៊ុយក្រែន។ បុគ្គលិក នឹងត្រូវបង្ខំឲ្យធ្វើការលើសម៉ោង ទាំងយប់ ទាំងថ្ងៃសម្រាក ថ្ងៃបុណ្យជាតិ និង មិនចាំបាច់ឈប់សម្រាកវិស្សមកាលប្រចាំឆ្នាំ ដើម្បីផលិតទំនិញផ្គត់ផ្គង់យោធា។ ការសម្រេចរបស់សភារុស្ស៊ី នេះ បានកើតឡើង ក្រោយពេលបណ្ដាប្រទេសបស្ចិមលោក សម្រុកបញ្ជូនគ្រឿងយុទ្ធោបករណ៍ និងសម្ភារសឹក ទៅជួយដល់រដ្ឋាភិបាលអ៊ុយក្រែន។
លោក យូរី បូរីសូវ (Yuri Borisov) ឧបនាយករដ្ឋមន្ដ្រីរុស្ស៊ី បានបញ្ជាក់ថា «បន្ទុកលើឧស្សាហកម្មការពារជាតិ បានកើនឡើងយ៉ាងខ្លាំង។ ប៉ុន្ដែដើម្បីធានាដល់ការផ្គត់ផ្គង់គ្រឿងសព្វាវុធ និង គ្រាប់រំសេវ ចាំបាច់ត្រូវតែបង្កើនឲ្យប្រសិទ្ធភាពការងារ នៅក្នុងឧស្សាហកម្មយោធា និងឧស្សាហកម្ម ជាខ្សែសង្វាក់ នៃសហប្រតិបត្តិការនេះ»។
រុស្ស៊ី បានលើកកងទ័ព វាយលុកចូលប្រទេសអ៊ុយក្រែន កាលពីថ្ងៃទី ២៤ ខែកុម្ភៈ ដោយគោលបំណងដំបូង ប៉ុនប៉ងដណ្តើមកាន់កាប់រដ្ឋធានីគៀវ (Kyiv)។ ប៉ុន្ដែសកម្មភាពយោធារបស់ក្រុងមូស្គូ បានខាតបង់យ៉ាងធំធេង ទាំងកម្លាំងទ័ព និង គ្រឿងសឹក ហើយចុងក្រោយ ទើបរុស្ស៊ី បានបង្វែរទៅដៅទៅភាគភាគខាងកើត ប្រទេស ហើយដណ្តើមបានតំបន់ Luhansk កាលពីថ្ងៃអាទិត្យ ទី៣ ខែកក្កដា៕
