កាលពីពេលកន្លងទៅ ប្រទេសចិនបានសាកល្បងនាវាមុជទឹកថ្មីមួយគ្រឿង ដែលមានសមត្ថភាពបាញ់មីសីស៊ីលដែលអាចវាយប្រហារសហរដ្ឋអាមេរិកបាន។
បើសិនជាចិនអាចអភិវឌ្ឍន៍ មីស៊ីលបាលីស្ទិក JL-3 បំពាក់ជាប់នាវាមុជទឹកនេះដែដើរដោយថាមពលនុយក្លេអ៊ែរ អាចមានសមត្ថភាពបាញ់ដល់ចម្ងាយ7,500 ម៉ាយល៍ (12,000គ.ម )ដូចជា មីស៊ីលTrident II របស់អាមេរិកដែរ និងមីស៊ីលបាលីស្ទិក Bulavaបាញ់ចេញពីនាវាមុជទឹករបស់រុស្ស៊ីមែននោះ វានឹងមានន័យថា វាអាចហោះដល់ទឹកដីសហរដ្ឋអាមេរិក ។
កាសែត South China Morning Postបានរាយការណ៍ថា មីស៊ីល JL-3 ត្រូវបានសាកល្បងបាញ់បង្ហោះលើកដំបូង កាលពីខែវិច្ឆិកាឆ្នាំមុន ដោយបាញ់ចេញពីតំបន់ឆកសមុទ្របូហៃ នៅក្នុងសមុទ្រលឿង។
សារព័ត៌មានខាងលើបានរាយការណ៍ថា មីស៊ីលប្រភេទថ្មីនេះ រត់បានចំងាយប្រហែល 9,000 kilometers ដែលរត់បានចម្ងាយខ្លីជាង 12,000-kilometer របស់មីស៊ីល Trident II របស់អាមេរិកនិង មីស៊ីលបាលីស្ទិកដែលបាញ់ចេញពី នាវាមុជទឹកទឹកដើរដោយថាមពលនុយក្លេអ៊ែរ Bulava របស់ ប្រទេសរុស្ស៊ី។
មីស៊ីល JL-3 អាចបំពាក់ក្បាលគ្រាប់នុយក្លេអ៊ែរ គ្រប់ប្រភេទបាន ដែលអាចរត់បានចំងាយប្រហែល 500 ទៅ1,000ម៉ាយល៍ឆ្ងាយជាងមីស៊ីលជំនាន់មុនរបស់ខ្លួន JL-2 ។
ចម្ងាយរវាងទីក្រុងសៀងហៃ និងទីក្រុង ហូណូលូលូ របស់រដ្ឋហាវ៉ៃ គឺ ប្រហែល 4,900 ម៉ាយល៍ដែលនឹងដាក់រដ្ឋហាវ៉ៃ នៅក្នុងរយៈចំងាយនៃមីស៊ីលដែលបាញ់ចេញពីនាវាមុជទឹករបស់ចិន ហើយនិងចម្ងាយប្រហែល6,100ម៉ាយល៍ ទៅកាន់ទីក្រុង San Francisco រដ្ឋ California និងចម្ងាយ7,400 ម៉ាយល៍ទៅដល់ទីក្រុង Washington, D.C។
ទោះបីជាយ៉ាងណាក៏ដោយ វាមិនដូចជាមីស៊ីល ICBMដែលបាញ់ចេញពីលើដីគោកនោះទេ នាវាមុជទឹកចិន អាចបើកទៅជិតដីគោកសហរដ្ឋអាមេរិក ដើម្បីធ្វើទីក្រុងជាច្រើនរបស់សហរដ្ឋអាមេរិក ស្ថិតនៅក្នុងរយៈចម្ងាយរបស់ខ្លួន។ ថ្វីត្បិតតែព័ត៌មានជាក់លាក់ពីកងនាវាមុជទឹកចិន មិនទាន់អាចទទួលយកបានយ៉ាងណាក្តី មន្ទីរបច្ចកោណ បានធ្វើការប៉ាន់ប្រមាណថា បច្ចុប្បន្នចិនមាននាវាមុជទឹកប្រភេទ Jin ចំនួន៤គ្រឿង ដោយក្នុង១គ្រឿង មានបំពាក់មីស៊ីល JL-2 ចំនួន១២ដើម ហើយនៅឆ្នាំ២០២០ខាងមុខ នាវុជមទឹកប្រភេទ Type 096នឹងបំពាក់មីស៊ីល JL-3៕