រដ្ឋធានីវ៉ាស៊ីនតោន៖ ដោយសារតែរុស្ស៊ីតែងតែ មានអំនួតនឹងមីស៊ីលអន្ដរទ្វីប ទើបសហរដ្ឋអាមេរិក បានបាញ់មីស៊ីលបាលិស្ទីកអន្ដរទ្វីប ដើម្បីបង្ហាញប្រធានាធិបតី លោក វ្ល៉ាឌីមៀរ ពូទីន ហើយបំភ័យចិន ឲ្យបញ្ឈប់គំរាមកំហែងតៃវ៉ាន់។
សារព័ត៌មាន NBC News បានចេញផ្សាយ កាលពីព្រឹក ថ្ងៃពុធ ទី១៧ ខែសីហា ថា នៅក្នុងការវិវឌ្ឍន៍ស្ថានការណ៍ថ្មីៗនេះ សហរដ្ឋអាមេរិក កាលពីថ្ងៃអង្គារ បានប្រកាស ពីការបាញ់សាកល្បងមីស៊ីលបាលិស្ទីកអន្ដរទ្វីបមីនូថែមែនស្រ៊ី (Minuteman III Intercontinental Ballistic Missile ហៅកាត់ ICBM) ក្រោយការផ្អាក កាលពីដើមខែសីហា ដោយសារការកើនឡើងនូវភាពតានតឹងផ្នែកនយោបាយជាមួយចិន និង រុស្ស៊ី។ ប៉ុន្ដែបើតាមសេចក្ដីរាយការណ៍ បានអះអាងថា មីស៊ីលនេះ ត្រូវកំណត់កាលបរិច្ឆេទ បាញ់សាកល្បង នៅសប្ដាហ៍ទី១ នៃខែសីហា។
កងទ័ពអាកាសរបស់សហរដ្ឋអាមេរិក បានបញ្ជាក់ថា ការបាញ់សាកល្បងនេះ ក៏ជាធាតុផ្សំ ជាប្រចាំសម្រាប់សកម្មភាពសំដៅដល់ការធានា ជូនសម្ពន្ធមិត្តរបស់ក្រុងវ៉ាស៊ីនតោន និងបង្ហាញ ពីការរារាំងវាយប្រហារដោយអាវុធនុយក្លេអ៊ែររបស់ទីក្រុងវ៉ាស៊ីនតោន ដើម្បីរក្សាឲ្យមានសុវត្ថិភាព សុវត្ថិភាព អាចទុកចិត្តបាន ហើយមានសមត្ថភាពទប់ទល់នឹងការគំរាមកំហែង នៅក្នុងសតវត្សទី២១។ ការបាញ់សាកល្បងមីស៊ីលទាំងនេះ បានបញ្ជាក់ពីភាពជាក់លាក់ ទំនុកចិត្តរបស់ប្រព័ន្ធអាវុធ ICBM និងផ្តល់ព័ត៌មានសំខាន់ៗ ដើម្បីរក្សាការទប់ស្កាត់អាវុធនុយក្លេអ៊ែរប្រកបដោយសុវត្ថិភាព សុវត្ថិភាព និងប្រសិទ្ធភាព។
មន្ដ្រីយោធាសហរដ្ឋអាមេរិក បានបញ្ជាក់ កាលពីថ្ងៃអង្គារ ថា កងទ័ពសហរដ្ឋអាមេរិក បានបាញ់សាកល្បងមីស៊ីលផ្លោងអន្តរទ្វីបមីនូថែមែនស្រ៊ី (Minuteman III) ក្រោយការពន្យារពេល នាពេលកន្លងមក ដើម្បីបញ្ចៀសនូវភាពតានតឹង ជាមួយនឹងក្រុងប៉េកាំង ដែលកំពុងតែធ្វើសមយុទ្ធយោធា ឡោមព័ទ្ធកោះតៃវ៉ាន់ ប្រឆាំងនឹងដំណើរទស្សនកិច្ចរបស់លោកស្រី ណានស៊ី ផេឡូស៊ី ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់ដែនកោះគ្រប់គ្រងដោយខ្លួន ខណៈចិនអះអាងជាទឹកដីរបស់ខ្លួន។
មន្ដ្រីយោធាសហរដ្ឋអាមេរិក បានបញ្ជាក់ នៅក្នុងសេចក្ដីថ្លែងការណ៍របស់ខ្លួន ថា ការបាញ់សាកល្បងមីស៊ីលផ្លោងអន្តរទ្វីប Minuteman III ចេញពីមូលដ្ឋានកងទ័ពអវកាស វ៉ាន់ឌិនបឺគ (Vandenberg) ស្ថិតក្នុងរដ្ឋកាលីហ្វ័រញ៉ា ក៏បានបង្ហាញ អំពីការត្រៀមខ្លួនរបស់កងកម្លាំងនុយក្លេអ៊ែររបស់សហរដ្ឋអាមេរិក ក៏ដូចជា ការបង្ហាញពីប្រសិទ្ធភាព នៃសមត្ថភាពនុយក្លេអ៊ែររបស់ខ្លួនផងដែរ។
ក្រុងប៉េកាំង បានខឹងសម្បាយ៉ាងខ្លាំង ប្រឆាំងនឹងដំណើរទស្សនកិច្ចរបស់លោកស្រី ណាន់ស៊ី ផេឡូស៊ី ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់តៃវ៉ាន់ កាលពីដើមខែសីហា។ ជាមួយនឹងការប្រឆាំងតវ៉ានោះ ចិនបានដាក់ពង្រាយយន្តហោះយោធា និង នាវាចម្បាំងជាច្រើនគ្រឿង ធ្វើសមយុទ្ធយោធា បាញ់គ្រាប់ពិត ឡោមព័ទ្ធកោះតៃវ៉ាន់។ ប៉ុន្ដែដើម្បីកុំឲ្យចិនកាន់តែផ្ទុះកំហឹង បន្ថែមទៀតនោះ យោធាអាមេរិកបានសម្រេចចិត្ត ផ្អាកការសាកល្បងមីស៊ីលរបស់ខ្លួន មួយរយៈសិន ហើយទើបតែពេលនេះ បានបាញ់សាកល្បងមីស៊ីលផ្លោងអន្តរទ្វីប Minuteman III ដែលជាអាវុធយុទ្ធសាស្ត្រដ៏សំខាន់មួយរបស់សហរដ្ឋអាមេរិក។ មីស៊ីលអន្ដរទ្វីបនេះ អាចបាញ់បានចម្ងាយ ចាប់ពី ៩ ៦៦០គីឡូម៉ែត្រឡើងទៅ និង វាអាចហោះក្នុងល្បឿនអតិបរមា ២៤ ០០០គីឡូម៉ែត្រ ក្នុងមួយម៉ោង៕
សារព័ត៌មាន NBC News បានចេញផ្សាយ កាលពីព្រឹក ថ្ងៃពុធ ទី១៧ ខែសីហា ថា នៅក្នុងការវិវឌ្ឍន៍ស្ថានការណ៍ថ្មីៗនេះ សហរដ្ឋអាមេរិក កាលពីថ្ងៃអង្គារ បានប្រកាស ពីការបាញ់សាកល្បងមីស៊ីលបាលិស្ទីកអន្ដរទ្វីបមីនូថែមែនស្រ៊ី (Minuteman III Intercontinental Ballistic Missile ហៅកាត់ ICBM) ក្រោយការផ្អាក កាលពីដើមខែសីហា ដោយសារការកើនឡើងនូវភាពតានតឹងផ្នែកនយោបាយជាមួយចិន និង រុស្ស៊ី។ ប៉ុន្ដែបើតាមសេចក្ដីរាយការណ៍ បានអះអាងថា មីស៊ីលនេះ ត្រូវកំណត់កាលបរិច្ឆេទ បាញ់សាកល្បង នៅសប្ដាហ៍ទី១ នៃខែសីហា។
កងទ័ពអាកាសរបស់សហរដ្ឋអាមេរិក បានបញ្ជាក់ថា ការបាញ់សាកល្បងនេះ ក៏ជាធាតុផ្សំ ជាប្រចាំសម្រាប់សកម្មភាពសំដៅដល់ការធានា ជូនសម្ពន្ធមិត្តរបស់ក្រុងវ៉ាស៊ីនតោន និងបង្ហាញ ពីការរារាំងវាយប្រហារដោយអាវុធនុយក្លេអ៊ែររបស់ទីក្រុងវ៉ាស៊ីនតោន ដើម្បីរក្សាឲ្យមានសុវត្ថិភាព សុវត្ថិភាព អាចទុកចិត្តបាន ហើយមានសមត្ថភាពទប់ទល់នឹងការគំរាមកំហែង នៅក្នុងសតវត្សទី២១។ ការបាញ់សាកល្បងមីស៊ីលទាំងនេះ បានបញ្ជាក់ពីភាពជាក់លាក់ ទំនុកចិត្តរបស់ប្រព័ន្ធអាវុធ ICBM និងផ្តល់ព័ត៌មានសំខាន់ៗ ដើម្បីរក្សាការទប់ស្កាត់អាវុធនុយក្លេអ៊ែរប្រកបដោយសុវត្ថិភាព សុវត្ថិភាព និងប្រសិទ្ធភាព។
មន្ដ្រីយោធាសហរដ្ឋអាមេរិក បានបញ្ជាក់ កាលពីថ្ងៃអង្គារ ថា កងទ័ពសហរដ្ឋអាមេរិក បានបាញ់សាកល្បងមីស៊ីលផ្លោងអន្តរទ្វីបមីនូថែមែនស្រ៊ី (Minuteman III) ក្រោយការពន្យារពេល នាពេលកន្លងមក ដើម្បីបញ្ចៀសនូវភាពតានតឹង ជាមួយនឹងក្រុងប៉េកាំង ដែលកំពុងតែធ្វើសមយុទ្ធយោធា ឡោមព័ទ្ធកោះតៃវ៉ាន់ ប្រឆាំងនឹងដំណើរទស្សនកិច្ចរបស់លោកស្រី ណានស៊ី ផេឡូស៊ី ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់ដែនកោះគ្រប់គ្រងដោយខ្លួន ខណៈចិនអះអាងជាទឹកដីរបស់ខ្លួន។
មន្ដ្រីយោធាសហរដ្ឋអាមេរិក បានបញ្ជាក់ នៅក្នុងសេចក្ដីថ្លែងការណ៍របស់ខ្លួន ថា ការបាញ់សាកល្បងមីស៊ីលផ្លោងអន្តរទ្វីប Minuteman III ចេញពីមូលដ្ឋានកងទ័ពអវកាស វ៉ាន់ឌិនបឺគ (Vandenberg) ស្ថិតក្នុងរដ្ឋកាលីហ្វ័រញ៉ា ក៏បានបង្ហាញ អំពីការត្រៀមខ្លួនរបស់កងកម្លាំងនុយក្លេអ៊ែររបស់សហរដ្ឋអាមេរិក ក៏ដូចជា ការបង្ហាញពីប្រសិទ្ធភាព នៃសមត្ថភាពនុយក្លេអ៊ែររបស់ខ្លួនផងដែរ។
ក្រុងប៉េកាំង បានខឹងសម្បាយ៉ាងខ្លាំង ប្រឆាំងនឹងដំណើរទស្សនកិច្ចរបស់លោកស្រី ណាន់ស៊ី ផេឡូស៊ី ប្រធានសភាដ៏មានឥទ្ធិពលរបស់សហរដ្ឋអាមេរិក មកកាន់តៃវ៉ាន់ កាលពីដើមខែសីហា។ ជាមួយនឹងការប្រឆាំងតវ៉ានោះ ចិនបានដាក់ពង្រាយយន្តហោះយោធា និង នាវាចម្បាំងជាច្រើនគ្រឿង ធ្វើសមយុទ្ធយោធា បាញ់គ្រាប់ពិត ឡោមព័ទ្ធកោះតៃវ៉ាន់។ ប៉ុន្ដែដើម្បីកុំឲ្យចិនកាន់តែផ្ទុះកំហឹង បន្ថែមទៀតនោះ យោធាអាមេរិកបានសម្រេចចិត្ត ផ្អាកការសាកល្បងមីស៊ីលរបស់ខ្លួន មួយរយៈសិន ហើយទើបតែពេលនេះ បានបាញ់សាកល្បងមីស៊ីលផ្លោងអន្តរទ្វីប Minuteman III ដែលជាអាវុធយុទ្ធសាស្ត្រដ៏សំខាន់មួយរបស់សហរដ្ឋអាមេរិក។ មីស៊ីលអន្ដរទ្វីបនេះ អាចបាញ់បានចម្ងាយ ចាប់ពី ៩ ៦៦០គីឡូម៉ែត្រឡើងទៅ និង វាអាចហោះក្នុងល្បឿនអតិបរមា ២៤ ០០០គីឡូម៉ែត្រ ក្នុងមួយម៉ោង៕