មនុស្សយន្តមានសណ្ឋានដូចមនុស្សបេះបិទ បានក្លាយជាអ្នកដំណើរតែម្នាក់ឯកគត់ជិះលើយានអវកាស Soyuz ដែលត្រូវបានគេបង្ហោះទៅកាន់ទីអវកាសកាលពីថ្ងៃពុធសប្តាហ៍មុន។
រូបភាពពីក្នុងយានអវកាស ដែលគេបញ្ជូនទៅកាន់ទីអវកាស ក្រោយការបាញ់ដោយជោគជ័យចេញពីមជ្ឈមណ្ឌលអវកាស Baikonur Cosmodrome ស្ថិតក្នុងប្រទេសកាហ្សាក់ស្ថាន ឃើញមនុស្សយន្ត ចងទង់ជាតិរុស្ស៊ី កំពុងអង្គុយលើកៅអីមេបញ្ជាការ ដោយមានមោតនភាពបំផុត។
មនុស្សយន្តហោះនេះ ដែលត្រូវបានគេស្គាល់ឈ្មោះថា Skybot F-850 ឬឈ្មោះក្រៅ Fyodorនេះ នឹងចំណាយពេល២សប្តាហ៍នៅលើស្ថានីយ៍អវកាសអន្តរជាតិ ISS ដើម្បីឲ្យអ្នកបង្កើតវា អាចពិនិត្យមើលថាតើ វានឹងចូលទៅកាន់ស្ថានីយ៍អវកាស ដោយរបៀបណា ជាកន្លែងដែលគ្មានទំនាញផែនដីនោះ។
មនុស្សយន្តនេះដែរ នឹងក្លាយជាមនុស្សយន្តចុងក្រោយគេនៃស៊េរីមនុស្ស FEDORផលិតឡើងដោយរុស្ស៊ី ដែលត្រូវបានគេរចនាឡើងដើម្បីបំពេញមុខងារច្រើនយ៉ាង ចាប់ពីការបើកបររថយន្ត រហូតដល់ប្រតិបត្តិការផ្សារដែក ហើយនិងមុខងារជាច្រើនទៀត។
គំរូដ៏គួរឲ្យចាប់អារម្មណ៍ជាងគេបំផុតនៃសមត្ថភាពចេះសព្វគ្រប់របស់មនុស្សយន្តទាំងនេះ គឺវីដេអូ កាលពីឆ្នាំ២០១៧ ដែលគេមើលឃើញមនុស្សយន្តមួយក្នុងចំណោមពួកវា កំពុងផ្សារកាំភ្លើងខ្លីស្វ័យប្រវត្តិ២ដើម និងបាញ់តម្រង់ចំគោលដៅ។
ដោយសារតែសមត្ថភាពដ៏គួរចាប់អារម្មណ៍នេះហើយ បានធ្វើឲ្យឧបនាយករដ្ឋមន្ត្រីរុស្ស៊ី លោក Dmitry Rogozin បានសរសេរសរសើរថា “យើងមិនត្រឹមតែបង្កើតពេជឃាតប៉ុណ្ណោះទេ ប៉ុន្តែយើងបានបង្កើតក្រុមចារកិច្ចសិប្បនិម្មិតមួយដែលមានមុខងារប្រតិបត្តិយ៉ាងអស្ចារ្យលើវិស័យជាច្រើន”៕
Home ព័ត៌មានអន្តរជាតិ រុស្ស៊ីបញ្ជូនមនុស្សយន្តបំពាក់កាំភ្លើងស្វ័យប្រវត្តិទៅកាន់ស្ថានីយ៍អវកាសអន្តរជាតិ ISS