តារាបាល់ទាត់ Cristiano Ronaldo បានស្រក់ទឹកភ្នែក អំឡុងបទសម្ភាសន៍លើកញ្ចក់ទូរទស្សន៍ ក្រោយលោករំឭករឿងចាស់ដ៏ឈឺចាប់កាលដែលឪពុកប្រវឹករបស់លោកមិនដែលមកមើលគាត់ ក្លាយជាតារាស៊ូពើស្តា យ៉ាងម៉េចនោះទេ។
ខ្សែប្រយុទ្ធរបស់ក្លិប Juventus វ័យ៣៤ឆ្នាំម្នាក់នេះ បាននិយាយប្រាប់ពិធីករ Piers Morganថា លោកទើបស្គាល់ឪពុក Dinis ដែលជាអតីតនាយទាហាន មុនពេលដែលគាត់ស្លាប់កាលពីឆ្នាំ២០០៥ នៅវ័យ៥២ឆ្នាំ។
Ronaldoបាននិយាយថា លោកពិតជាមិនស្គាល់ឪពុករបស់លោកច្បាស់១០០ភាគរយនោះទេ។ គាត់គឺជាមនុស្សប្រមឹក លោកមិនដែលនិយាយរកគាត់ ដូចជាការជជែកគ្នាធម្មតាទេ។ វាពិបាកខ្លាំងណាស់។
ក្រោយពេលបង្ហាញវីដេអូគ្លីបរបស់លោក Dinisផ្តល់បទសម្ភាសនពីកូនប្រុសរបស់គាត់ មុនការប្រកួត Euro 2004 នៅប្រទេសព័រទុយហ្គាល់ កីឡាករ Cristiano បានចាប់ផ្តើមយំ ពេលឮគាត់និយាយដោយមានមោតនភាពបំផុតពីកូនប្រុសរបស់គាត់។
កីឡាករ Ronaldoត្រូវបានពិធីករសួរថាតើអ្វីទៅបានជាធ្វើឲ្យលោកមិនសប្បាយចិត្តពេលនិយាយពីឪពុករបស់លោក ដែលបានចូលធ្វើសង្គ្រាមនៅប្រទេសម៉ូសំប៊ីក និងប្រទេសអង់ហ្គោឡា។
តារាបាល់ទាត់សញ្ជាតិព័រទុយហ្គាល់ម្នាក់នេះ បាននិយាយថា វាគឺជាការធ្វើជាអ្នកលេខ១ ហើយគាត់មិនចង់ដឹងអ្វីទាំងអស់ គាត់មិនមកមើលពេលអ្នកទទួលរង្វាន់ និងមិនមកមើលថាតើខ្ញុំក្លាយជាអ្វី។
ម្ចាស់ពានរង្វាន់បាល់មាស៥សម័យកាលម្នាក់នេះ បាននិយាយផងដែរ ពីមិត្តស្រី Georgina Rodriguez។
តារាម៉ូដែលអេស្ប៉ាញ វ័យ២៥ឆ្នាំម្នាក់នេះ គឺជាម្តាយកូន៣ក្នុងចំណោមកូន៤នាក់របស់គាត់ ។ Ronaldoនិយាយថា “នាងបានជួយគាត់ច្រើនណាស់។ ជាការពិតណាស់ថា ខ្ញុំស្រលាញ់នាង។ នាងគឺជាម្តាយកូនៗរបស់ខ្ញុំ ហើយខ្ញុំមានមហិច្ឆិតាខ្ពស់ខ្លាំងណាស់ចំពោះនាង ដូចអ្នកបានដឹងស្រាប់ហើយ”៕
