រដ្ឋធានីកូឡុមបូ(Colombo)៖ រហូតមកដល់ពេលនេះ ក្រុមមេធាវីអន្ដរជាតិ កំពុងតែដាក់ពាក្យបណ្ដឹង ទាមទារឲ្យនាំខ្លួនលោក ហ្គោតាបាយ៉ា រ៉ាចាប៉ាកសា (Gotabaya Rajapaksa) ប្រធានាធិបតីស្រីលង្កា ដែលរត់ចោលស្រុក នាំមកកាត់ទោសតាមច្បាប់អន្ដរជាតិ ជុំវិញការប្រព្រឹត្ដបំពារបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ នៅក្នុងអំឡុងសង្គ្រាមស៊ីវិល ក្រោមតួនាទីរបស់គាត់។
សារព័ត៌មាន News Wire បានចេញផ្សាយ កាលពីថ្ងៃអាទិត្យ ទិ២៤ ខែកក្កដា ថា ក្រុមមេធាវី មកពីអង្គការគម្រោងការពិត និងយុត្ដិធម៌អន្ដរជាតិ ហៅកាត់ ITJP ដែលមានមូលដ្ឋាន នៅក្នុងប្រទេសអាហ្វ្រិកខាងត្បូង បានដាក់ពាក្យបណ្ដឹងព្រហ្មទណ្ឌ ទៅកាន់អគ្គរដ្ឋអាជ្ញាសិង្ហបុរី។ នៅក្នុងពាក្យបណ្ដឹងនោះ ក្រុមមេធាវី បានស្នើសុំឲ្យមានការចាប់ខ្លួនជាបន្ទាន់ ប្រឆាំងនឹងអតីតប្រធានាធិបតីស្រីលង្កា លោក Gotabaya Rajapaksa ពាក់ព័ន្ធនឹងឧក្រិដ្ឋកម្មសង្គ្រាម អស់រយៈពេលជាច្រើនទសវត្សរ៍ នៅក្នុងប្រទេសដែនកោះ នៃអាស៊ីខាងត្បូងមួយនេះ។
អង្គការគម្រោងការពិត និង យុត្តិធម៌អន្តរជាតិ ហៅកាត់ ITJP បានបញ្ជាក់ នៅក្នុងពាក្យបណ្តឹង មានកម្រាស់៦៣ទំព័រ ដែលបានដាក់ កាលពីថ្ងៃសៅរ៍ ថា លោក Gotabaya Rajapaksa អតីតប្រធានាធិបតីស្រីលង្កា បានប្រព្រឹត្ត បំពារបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ នៅក្នុងអំឡុងពេលចុងក្រោយ នៃសង្គ្រាមស៊ីវិល អស់រយៈពេល២៤ឆ្នាំ ខណៈគាត់បានកាន់តំណែង ជាមន្ត្រីជាន់ខ្ពស់ ក្រសួងការពារជាតិ នៃប្រទេសលើដែនកោះមួយនេះ។
ស្រីលង្កា បានបញ្ចប់សង្គ្រាមស៊ីវិល រវាង ក្រុមបំបែកខ្លួន មកពីជនជាតិភាគតិច ទមិឡ និង កម្លាំងរដ្ឋាភិបាល នៅក្នុងអំឡុង ឆ្នាំ២០០៩។ ប៉ុន្ដែក្រុមសិទ្ធិមនុស្ស បានចោទប្រកាន់ភាគីជម្លោះទាំង២ អំពីការរំលោភបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ នៅក្នុងអំឡុងសង្គ្រាមនេះ។
អង្គការ ITJP មានមូលដ្ឋាន នៅក្នុងប្រទេសអាហ្វ្រិកខាងត្បូង បានលើកឡើងថា ដោយផ្អែកលើយុត្តាធិការសកល ការរំលោភបំពានដែលត្រូវបានចោទប្រកាន់ ត្រូវទទួលរងការកាត់ទោស នៅក្នុងប្រទេសសិង្ហបុរី ខណៈអតីតមេដឹកនាំវ័យ៧៣ឆ្នាំរូបនេះ បានភៀសខ្លួន ក្រោយការកើតចលាចល អស់រយៈពេលជាច្រើនខែ ជុំវិញវិបត្តិសេដ្ឋកិច្ចដ៏អាក្រក់បំផុត នៅក្នុងប្រទេសស្រីលង្កា ចាប់តាំងពីប្រទេសដែនកោះ នៃអាស៊ីខាងត្បូងមួយនេះ បានទទួលឯករាជ្យ ពីចក្រភពអង់គ្លេស នៅក្នុងឆ្នាំ១៩៤៨។
លោក Gotabaya Rajapaksa ប្រធានាធិបតីស្រីលង្កា បានប្រកាសលាលែងពីតំណែងរបស់គាត់ ចេញពីប្រទេសសិង្ហបុរី ពោលគឺ១ថ្ងៃ ក្រោយពេលគាត់បានរត់ភៀសខ្លួន ទៅកាន់ប្រទេសម៉ាឌីវ នាថ្ងៃទី១៣ ខែកក្កដា ឆ្នាំ២០២២ ខណៈការផ្ទុះមហាបាតុកម្ម ប្រឆាំងនឹងរដ្ឋាភិបាលរបស់គាត់ ហើយអ្នកស្រុកបានទៅឡោមព័ទ្ធគេហដ្ឋានរបស់គាត់ និង លំនៅឋានរបស់នាយករដ្ឋមន្ដ្រី។
លោកស្រី យ៉ាស្មីន ស៊ូកា (Yasmin Sooka) នាយកប្រតិបត្ដិ ITJP បានអះអាងថា «យើងជឿ ថា គាត់មានករណីត្រូវឆ្លើយ។ ពាក្យបណ្តឹងផ្លូវច្បាប់ បានលើកហេតុផល ថា លោក Gotabaya Rajapaksa បានប្រព្រឹត្តបំពារបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ និង ការរំលោភលើច្បាប់មនុស្សធម៌អន្តរជាតិ ហើយច្បាប់ព្រហ្មទណ្ឌអន្តរជាតិ នៅក្នុងអំឡុងសង្គ្រាមស៊ីវិលនៅក្នុងប្រទេសស្រីលង្កា ដោយរួមទាំង អំពើឃាតកម្ម ការប្រហារជីវិត ការធ្វើទារុណកម្ម អំពើអមនុស្សធម៌ ការចាប់រំលោភ និង ទម្រង់ផ្សេងៗទៀត នៃអំពើហិង្សាផ្លូវភេទ ការដកហូតសិទ្ធិសេរីភាព ការប៉ះពាល់យ៉ាងធ្ងន់ធ្ងរដល់រាងកាយ ផ្លូវចិត្ត និង ការអត់ឃ្លាន»៕
សារព័ត៌មាន News Wire បានចេញផ្សាយ កាលពីថ្ងៃអាទិត្យ ទិ២៤ ខែកក្កដា ថា ក្រុមមេធាវី មកពីអង្គការគម្រោងការពិត និងយុត្ដិធម៌អន្ដរជាតិ ហៅកាត់ ITJP ដែលមានមូលដ្ឋាន នៅក្នុងប្រទេសអាហ្វ្រិកខាងត្បូង បានដាក់ពាក្យបណ្ដឹងព្រហ្មទណ្ឌ ទៅកាន់អគ្គរដ្ឋអាជ្ញាសិង្ហបុរី។ នៅក្នុងពាក្យបណ្ដឹងនោះ ក្រុមមេធាវី បានស្នើសុំឲ្យមានការចាប់ខ្លួនជាបន្ទាន់ ប្រឆាំងនឹងអតីតប្រធានាធិបតីស្រីលង្កា លោក Gotabaya Rajapaksa ពាក់ព័ន្ធនឹងឧក្រិដ្ឋកម្មសង្គ្រាម អស់រយៈពេលជាច្រើនទសវត្សរ៍ នៅក្នុងប្រទេសដែនកោះ នៃអាស៊ីខាងត្បូងមួយនេះ។
អង្គការគម្រោងការពិត និង យុត្តិធម៌អន្តរជាតិ ហៅកាត់ ITJP បានបញ្ជាក់ នៅក្នុងពាក្យបណ្តឹង មានកម្រាស់៦៣ទំព័រ ដែលបានដាក់ កាលពីថ្ងៃសៅរ៍ ថា លោក Gotabaya Rajapaksa អតីតប្រធានាធិបតីស្រីលង្កា បានប្រព្រឹត្ត បំពារបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ នៅក្នុងអំឡុងពេលចុងក្រោយ នៃសង្គ្រាមស៊ីវិល អស់រយៈពេល២៤ឆ្នាំ ខណៈគាត់បានកាន់តំណែង ជាមន្ត្រីជាន់ខ្ពស់ ក្រសួងការពារជាតិ នៃប្រទេសលើដែនកោះមួយនេះ។
ស្រីលង្កា បានបញ្ចប់សង្គ្រាមស៊ីវិល រវាង ក្រុមបំបែកខ្លួន មកពីជនជាតិភាគតិច ទមិឡ និង កម្លាំងរដ្ឋាភិបាល នៅក្នុងអំឡុង ឆ្នាំ២០០៩។ ប៉ុន្ដែក្រុមសិទ្ធិមនុស្ស បានចោទប្រកាន់ភាគីជម្លោះទាំង២ អំពីការរំលោភបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ នៅក្នុងអំឡុងសង្គ្រាមនេះ។
អង្គការ ITJP មានមូលដ្ឋាន នៅក្នុងប្រទេសអាហ្វ្រិកខាងត្បូង បានលើកឡើងថា ដោយផ្អែកលើយុត្តាធិការសកល ការរំលោភបំពានដែលត្រូវបានចោទប្រកាន់ ត្រូវទទួលរងការកាត់ទោស នៅក្នុងប្រទេសសិង្ហបុរី ខណៈអតីតមេដឹកនាំវ័យ៧៣ឆ្នាំរូបនេះ បានភៀសខ្លួន ក្រោយការកើតចលាចល អស់រយៈពេលជាច្រើនខែ ជុំវិញវិបត្តិសេដ្ឋកិច្ចដ៏អាក្រក់បំផុត នៅក្នុងប្រទេសស្រីលង្កា ចាប់តាំងពីប្រទេសដែនកោះ នៃអាស៊ីខាងត្បូងមួយនេះ បានទទួលឯករាជ្យ ពីចក្រភពអង់គ្លេស នៅក្នុងឆ្នាំ១៩៤៨។
លោក Gotabaya Rajapaksa ប្រធានាធិបតីស្រីលង្កា បានប្រកាសលាលែងពីតំណែងរបស់គាត់ ចេញពីប្រទេសសិង្ហបុរី ពោលគឺ១ថ្ងៃ ក្រោយពេលគាត់បានរត់ភៀសខ្លួន ទៅកាន់ប្រទេសម៉ាឌីវ នាថ្ងៃទី១៣ ខែកក្កដា ឆ្នាំ២០២២ ខណៈការផ្ទុះមហាបាតុកម្ម ប្រឆាំងនឹងរដ្ឋាភិបាលរបស់គាត់ ហើយអ្នកស្រុកបានទៅឡោមព័ទ្ធគេហដ្ឋានរបស់គាត់ និង លំនៅឋានរបស់នាយករដ្ឋមន្ដ្រី។
លោកស្រី យ៉ាស្មីន ស៊ូកា (Yasmin Sooka) នាយកប្រតិបត្ដិ ITJP បានអះអាងថា «យើងជឿ ថា គាត់មានករណីត្រូវឆ្លើយ។ ពាក្យបណ្តឹងផ្លូវច្បាប់ បានលើកហេតុផល ថា លោក Gotabaya Rajapaksa បានប្រព្រឹត្តបំពារបំពានយ៉ាងធ្ងន់ធ្ងរ លើអនុសញ្ញាទីក្រុងហ្ស៊ឺណែវ និង ការរំលោភលើច្បាប់មនុស្សធម៌អន្តរជាតិ ហើយច្បាប់ព្រហ្មទណ្ឌអន្តរជាតិ នៅក្នុងអំឡុងសង្គ្រាមស៊ីវិលនៅក្នុងប្រទេសស្រីលង្កា ដោយរួមទាំង អំពើឃាតកម្ម ការប្រហារជីវិត ការធ្វើទារុណកម្ម អំពើអមនុស្សធម៌ ការចាប់រំលោភ និង ទម្រង់ផ្សេងៗទៀត នៃអំពើហិង្សាផ្លូវភេទ ការដកហូតសិទ្ធិសេរីភាព ការប៉ះពាល់យ៉ាងធ្ងន់ធ្ងរដល់រាងកាយ ផ្លូវចិត្ត និង ការអត់ឃ្លាន»៕