នារីម្នាក់ បានចាកសម្លាប់ប្អូនស្រីបង្កើតរបស់ខ្លួន១៨៩កាំបិតដោយសារតែច្រណែននឹងនាងស្អាតជាងខ្លួន។
នាង Elizaveta Dubrovina អាយុ២២ឆ្នាំ បានធ្វើឃាតប្អូនស្រីដែលជាតារាម៉ូដែល Stefania អាយុ១៧ឆ្នាំ យ៉ាងឃោឃៅជាបំផុតជាមួយនឹងការចាក់ភ្នែក កាត់ត្រចៀកស្តាំ ដោយគ្មានញញើតដៃសូម្បីតែបន្តិច។
នាង Elizaveta ត្រូវបានតុលាការកាត់ទោសឲ្យជាប់ពន្ធនាគាររយៈពេល១៣ឆ្នាំ សម្រាប់អំពើឃាតកម្មដ៏ឃោឃៅរបស់នាង។
នាង Dubrovina ត្រូវបានរកឃើញទោសពាក់ព័ន្ធនឹងអំពើឃាតកម្មដោយតុលាការនៅទីក្រុង St Petersburg ប្រទេសរុស្ស៊ី ។
វីដេអូដែលបានបង្ហាញឃើញនារីម្នាក់ ត្រូវបានដាក់ខ្នោះ នៅក្នុងបន្ទប់ក្រចកសេះរបស់តុលារ មុនពេលនាំចេញទៅដាក់ពន្ធនាគារ។
សេចក្តីថ្លែងការណ៍មួយដោយការិយាល័យក្រុមរដ្ឋអាជ្ញា បានឲ្យដឹងថា ដោយសារតែទំនាក់ទំនងជម្លោះផ្ទាល់ខ្លួន ចុងចោទម្នាក់នេះ បានយកកាំបិតមុខស្រួចចាក់មកលើប្អូនស្រីរបស់នាងយ៉ាងហោច១៨៩កាំបិត ហើយនិងកាត់ស្លៀកត្រចៀកស្តាំរបស់នាងចោលថែមទៀត។
ជនរងគ្រោះបានស្លាប់នៅនឹងកន្លែងកើតហេតុដោយសារតែរបួសច្រើនពេក និងការបាត់បង់ឈាមច្រើន។
នាង Dubrovina ត្រូវបានឃាត់ខ្លួនបានតាំងពីឆ្នាំ២០១៦មកម្ល៉េះ ប៉ុន្តែនាងត្រូវបានគេបញ្ជូនទៅព្យាបាលជំងឺផ្លូវចិត្តជាមុនសិន មុននឹងយកមកកាត់ទោសនៅពេលនេះ។
នាង Stefania ត្រូវបានគេសម្លាប់នៅក្នុងផ្ទះមិត្តប្រុសរបស់នាង គឺលោក Alexey Fateev ដែលបច្ចុប្បន្នមានអាយុ៤៤ឆ្នាំ ខណៈពេលដែលលោកចេញទៅទិញឥវ៉ាន់ខាងក្រៅ។
លោក Alexey Fateev បានអះអាងថា លោកបានឃាត់ខ្លួនបងស្រីច្រណែនម្នាក់នេះ ដើម្បីបញ្ឈប់រូបនាងពីការរត់គេច មុនពេលទាក់ទងទៅកាន់ក្រុមនគរបាល។
នៅពេលកើតហេតុនោះ កាសែត Komsomolskaya Pravda បានរាយការណ៍ថា សាកសពរបស់នាង Stefania ត្រូវបានបំផ្លាញទាំងស្រុងដោយសារតែការចាក់ដ៏ឥតញញើតដៃពីបងស្រីរបស់នាង៕
Home ព័ត៌មានអន្តរជាតិ ច្រណែនខឹងប្អូនស្រីបង្កើតខ្លួនឯងស្អាតជាងក៏ចាក់សម្លាប់នាង១៨៩កាបិតដោយគ្មានញញើតដៃសូម្បីបន្តិច