ក្រុមហ៊ុនមួយនៅរដ្ឋផ្ល័ររីដា បានដាក់លក់ក្នុងតម្លៃពិសេសសម្រាប់អ្នកចង់បានយន្តហោះចម្បាំង F-16 មួយទឹកយកមកប្រើប្រាស់ជាមួយនឹងតម្លៃឡៃឡុងដ៏សមរម្យត្រឹមតែ៨លានដុល្លារកន្លះប៉ុណ្ណោះ ដែលតាមធម្មតា វាមានតម្លៃចម្លោះពី១៦.៨លានដុល្លារ ដល់១៨.៨លានដុល្លារឯណោះ។
ទោះបីជាយ៉ាងណាក៏ដោយ យន្តហោះប្រតិកម្មនេះ នឹងលក់ដោយគ្មានកាំភ្លើង រ៉ុក្កែត មីស៊ីល គ្រាប់បែក និងប្រព័ន្ធរ៉ាដារបស់វានោះទេ។
យន្តហោះដែលកាលពីមុនបានប្រកាសលក់តាមក្រុមហ៊ុន Controllerនេះ គឺជាប្រភេទយន្តហោះចម្បាំង F-16 ផលិតក្នុងឆ្នាំ១៩៨០ និងហោះហើរបានរយៈពេល៦ពាន់ម៉ោង។ បច្ចុប្បន្នយន្តហោះនេះ ត្រូវបានរក្សាទុកនៅឃ្លាំង ស្ថិតនៅតំបន់ឆ្នេរ Palm Beach រដ្ឋផ្ល័ររីដា សហរដ្ឋអាមេរិក។
រឿងរ៉ាវលំអិតរបស់យន្តហោះពាក់ព័ន្ធនឹងការលក់ ត្រូវបានគេភ្ជាប់នៅលើផេក Paywall ប៉ុន្តែក៏មានព័ត៌មានកំណត់ ត្រូវបានគេផ្តល់ជូនផងដែរ ដូចព័ត៌មានយន្តហោះនេះ ត្រូវបានផលិតឡើងនៅក្នុងឆ្នាំ១៩៨០ជាដើម។
សូមបញ្ជាក់ថា សម្រាប់អ្នកដែលចង់ទិញយន្តហោះមួយទឹកនេះ មកប្រើប្រាស់ គឺពួកគេអាចនឹងមានទំនុកចិត្តខ្ពស់ ដោយសារតែវាគឺជាប្រភេទយន្តហោះទំនើប ដែលអាចស្កេនប្រព័ន្ធរ៉ាដា ការតភ្ជាប់ទិន្នន័យឌីជីថល ប្រព័ន្ធទីតាំង GPS និងប្រព័ន្ធស្វ័យប្រវត្តិ ក្នុងការការពារយន្តហោះពីការធ្លាក់ ឬហោះបុកដីដោយចៃដន្យ។
ម្យ៉ាងវិញទៀត អ្នកទិញក៏មិនចាំបាច់ព្រួយបារម្ភពីរយៈពេលហោះហើររបស់វា៦ពាន់ម៉ោងនោះដែរ ពីព្រោះថា ស៊េរីយន្តហោះ F-16ដំបូងគេជាច្រើនគ្រឿង បានហោះរហូតដល់៨ពាន់ម៉ោងឯនោះ មុនពេលឲ្យវាឈប់ហោះហើរ ។ ហេតុដូច្នេះហើយម្ចាស់ថ្មី អាចហោះហើរវាយ៉ាងណាស់ក៏២ពាន់ម៉ោងទៀតដែរ មុនពេលយកវាទៅកែកុនឡើងវិញ៕
Home ព័ត៌មានអន្តរជាតិ ឆាប់ឡើង !!! ឪកាសពិសេស អាមេរិកប្រកាសលក់ឡៃឡុងយន្តហោះចម្បាំង F-16មួយទឹក តម្លៃតែ៨លានដុល្លារកន្លះប៉ុណ្ណោះក្នុង១គ្រឿង