ក្មេងប្រុសជាង៣០០នាក់ ត្រូវបានរំដោះចេញពីសាលាមបណ្តុះបណ្តាលមួយកន្លែងរបស់នីហ្សេរីយ៉ា ជាកន្លែងដែលពួកគេ ត្រូវបានដាក់ច្រវាក់ ធ្វើទារុណកម្មយ៉ាងឃោឃៅបំផុត និងរងការបំពាន ហើយនិងការចាប់រំលោភ រយៈពេល១សប្តាហ៍ប៉ុណ្ណោះ ក្រោយការវាយឆ្មក់ស្រដៀងគ្នាមួយ បានធ្វើឡើងនៅក្នុងប្រទេសនេះ។
ប្រភពព័ត៌មានបានឲ្យដឹងថា ក្មេងប្រុសទាំងអស់នេះ ត្រូវបានបញ្ជូនទៅកាន់សាលាបណ្តុះបណ្តាល ស្ថិតនៅទីក្រុងភាគខាងជើង Daura ដើម្បីរៀនគម្ពីកូរ៉ាន់ ខណៈពេលដែលពួកគេទើបកសាងខ្លួនក្រោយពីការញៀនថ្នាំ និងជំងឺផ្សេងៗទៀត។
ក្រុមនគរបាល បានរវាយឆ្មក់សាលាមួយនេះ ក្រោយពេលដែលមានក្មេងប្រុសជាច្រើននាក់ បានរត់រួចខ្លួនមកតាមដងផ្លូវកាលពីថ្ងៃអាទិត្យ។
លោក Sanusi Buba គឺជាស្នងការនគរបាលរដ្ឋ Katsina បាននិយាយកាលពីថ្ងៃចន្ទថា យើងទទួលបានដំណឹងថាមានក្មេងប្រុសជាង៣០០នាក់នៅទីនេះ ហើយដោយសារតែទង្វើរអមនុស្សធម៌ ពួកគេក៏បានព្យាយាមរត់គេចខ្លួនកាលពីថ្ងៃអាទិត្យ។
ក្មេងប្រុសមួយចំនួន ត្រូវបានរត់គេចខ្លួនរួច ខណៈដែលក្មេងប្រុស៦០នាក់ក្នុងចំណោមពួកគេ ត្រូវបានចាប់ខ្លួនឲ្យវិលត្រឡប់ទៅវិញ។
លោកបាននិយាយថា ក្មេងប្រុសមួយចំនួន ត្រូវបានគេប្រទះឃើញដាក់ច្រវ៉ាក់ និងក្លាយជាកម្មវត្ថុនៃស្ថានភាពអមនុស្សធម៌។
លោកបន្តទៀតថា សិស្សមួយចំនួន បានរាយការណ៍ថា ពួកគេ ត្រូវបានចាប់រំលោភដោយគ្រូរបស់ពួកគេ ដែលជាមនុស្សស្រលាញ់ភេទដូចគ្នា។
សូមបញ្ជាក់ថា ទីក្រុង Daura ស្ថិតនៅចម្ងាយ២៥០ម៉ៃល៍ពីរដ្ឋធានី Abujaរបស់ប្រទេសនីហ្សេរីយ៉ា និង ស្ថិតនៅជិតព្រំដែនប្រទេសនីហ្សេ ហើយក៏ជាស្រុកកំណើតរបស់លោកប្រធានាធិបតី Muhammadu Buhari ផងដែរ។
ដោយសារតែអត្រាការប្រើប្រាស់គ្រឿងញៀនខ្ពស់ គួបផ្សំនឹងកង្វះខាតមជ្ឈមណ្ឌលកែប្រែនៅភាគខាងជើងប្រទេសនីហ្សេរីយ៉ានោះ បានបង្ខំឲ្យឪពុកម្តាយមួយចំនួន បញ្ជូនកូនៗដែលញៀនថ្នាំរបស់ពួកគេ ទៅកាន់មជ្ឈមណ្ឌលអ៊ីស្លាម ជាកន្លែងដែលក្មេងៗងាយនឹងរងការបំពានបំផុត៕
Home ព័ត៌មានអន្តរជាតិ ពិភពលោកភ្ញាក់ផ្អើលក្រោយក្មេងប្រុសជាង៣០០រងការបំពាន និងការចាប់រំលោភ ហើយនិងការធ្វើទារុណកម្មយា់ងឃោឃៅ នៅភាគខាងជើងនីហ្សេរីយ៉ា