ក្រុមបុរាណវត្ថុវិទូនៅអេហ្ស៊ីប បានរកឃើញក្តារមឈូសឈើមានគំនូរយ៉ាងល្អឯកនៅជិតទីក្រុងបុរាណ Luxor ដែលអាចក្តារមឈូសរបស់បុព្វជិតជាន់ខ្ពស់។
ក្តារមឈូសឈើដែលបានអភិរក្សយ៉ាងល្អចំនួនយ៉ាងហោច២០ក្តារឈូស ត្រូវបានរកឃើញ ក្រោយពេលដែលជនជាតិអេហ្ស៊ីបសម័យបុរាណ បានទុកវាចោលនៅក្នុងទីក្រុងបុរាណ West Thebes ។
ក្រុមអ្នកជំនាញ បានអះអាងថា ក្តារមឈូសនេះ អាចមានអាយុកាលចាប់តាំងពីការសោយទីវង្គតរបស់ស្តេច Pharaoh Ramesses XI នៅឆ្នាំ១០៧០មុនគ.ស ដែលអាចធ្វើឲ្យក្តារមឈូសឈើនេះមានអាយុកាលប្រហែល ៥ពាន់ឆ្នាំ។
រដ្ឋាភិបាលអេហ្ស៊ីប បានប្រកាសឲ្យដឹងពីការរកឃើញក្តារមឈូសនេះ ប៉ុន្តែពួកគេនៅមិនទាន់បានផ្តល់សេចក្តីលំអិតពីរបកគំហើញមួយនេះឡើយ។
ថ្លែងប្រាប់ MailOnline នៅថ្ងៃនេះ សាស្ត្រាចារ្យជាន់ខ្ពស់មួយរូបជំនាញខាងអេហ្ស៊ីបវិទ្យា នៅឯសាកលវិទ្យាល័យ Liverpool គឺលោកវេជ្ជបណ្ឌិត Roland Enmarchបាននិយាយថា ក្តារមឈូសនេះ ត្រូវបានគេតម្កល់នៅកន្លែងធម្មតាអំឡុងយុគសម័យនោះ ដោយសារតែពលរដ្ឋអេហ្ស៊ីបភាគច្រើន បោះបង់ចោលទំនៀមទម្លាប់បញ្ចុះសពនៅក្នុងផ្នូរ។
លោកបានបន្តទៀតថា ដោយផ្អែកលើក្តារមឈូសស្រដៀងគ្នា ដែលត្រូវបានរកឃើញនៅក្នុងតំបន់នេះ យើងអាចបញ្ជាក់បានថា ក្តារមឈូសនេះ មានអាយុកាលចន្លោះពី១០៧០ ទៅ៦៥០ឆ្នាំមុនគ.ស។
លោក Roland បញ្ជាក់ទៀតថា នៅពេលនោះ ក្រុមបុព្វជិតគ្រង់គ្រងតំបន់ភាគខាងត្បូងអេហ្ស៊ីប ខណៈពេលដែលស្តេចPharaohគ្រប់គ្រងភូមិភាគខាងជើង ។ ដោយឡែក មនុស្សនៅក្នុងក្តារមឈូសនេះ អាចជាបុព្វជិត និងភរិយារបស់ពួកគេ។
លោកនិយាយថា អំឡុងពេលនោះ មនុស្សជាច្រើនបានបោះបង់ប៉មបញ្ចុះសពបុគ្គល ហើយជំនួសមកវិញដោយប៉មបញ្ចុះសាកសពសហមូលហភាពវិញ។ ចំណែកការតុបតែងនេះ បញ្ជាក់ថា នៅពេលណាដែលពួកគេគ្មានប៉មបញ្ចុះសព ពួកគេនឹងតុបតែងក្តារមឈូសជំនួសវិញ។
រូបភាពដែលបានបញ្ចេញដោយរដ្ឋាភិបាលអេហ្ស៊ីប ឃើញក្តារមឈូសប្រឡាក់ដោយធូលីដី ប៉ុន្តែវាត្រូវបានអភិរក្សបានយ៉ាងល្អ បើទោះបីជាវាមានអាយុកាលយូរលង់ណាស់ក៏ដោយ៕
Home ព័ត៌មានអន្តរជាតិ ក្រុមបុរាណវត្ថុវិទូអេហ្ស៊ីបរកឃើញក្តារមឈូសឈើអភិរក្សយ៉ាងល្អអាយុកាល៥ពាន់ឆ្នាំ