ស្តេចនៃប្រទេសស្វាស៊ីឡង់ ត្រូវបានគេថ្កោលទោសសម្រាប់ការចាយលុយជាង១៣លានផោនលើរថយន្តប្រណីតសម្រាប់មហេសី១៤អង្គរបស់ទ្រង់។
ស្តេច Mswati III (មីស្វទី ទី៣) ត្រូវបានគេរាយការណ៍ថា បាននាំចូលរថយន្ត Rolls-Royces ១៩គ្រឿង និងរថយន្ត BMW១២០គ្រឿង មកកាន់ប្រទេសក្រីក្រនៅអាហ្វ្រិកមួយនេះ សម្រាប់គ្រួសាររាជវង្សរបស់ទ្រង់។
បច្ចុប្បន្នស្តេចអង្គនេះ រងការចោទប្រកាន់ថា មិនបានខ្វាយខ្វល់ពីសុខទុក្ខប្រជាជនខ្លួនឯងដែលរកបានប្រាក់ចំណូលជាមធ្យម១១០ផោនក្នុង១ខែ។
ការទិញរថយន្តប្រណីតរបស់គ្រួសាររាជវង្សមានរាជសម្បត្តិដ៏ច្រើននេះ បានកើតមានឡើងស្របពេលដែលមានបាតុកម្មតាមផ្លូវប្រឆាំងនឹងការចាយវាយដ៏ខ្ជះខ្ជាយរបស់ទ្រង់។
ក្រុមសាក្សី បានជើញរថយន្ត BMWយ៉ាងច្រើននៅលើរថយន្តដឹករថយន្ត បើកចេញពីតំបន់ព្រំដែនប្រទេសអាហ្វ្រិកខាងត្បូង។
យោងតាមសេចក្តីរាយការណ៍ពីកាសែត TimesLiveបានឲ្យដឹងថា លោក Wandile Dludlu (វ៉ាន់ឌីល ឌ្លូឌ្លូ)អ្នកនយោបាយក្រុមប្រឆាំង បានចោទប្រកាន់ស្តេចអង្គនេះថា កំពុងបន្តធ្វើឲ្យស្អុយឈ្មោះខ្លួនឯង និងគ្រួសាររាជវង្ស។
លោកបានអះអាងថា ការបង្ហាញពីអំណួតបែបនេះ ហាក់ដូចជាមិនខ្វាយខ្វល់ទាល់តែសោះជាមួយនឹងអារម្មណ៍របស់ប្រជាជនក្រីនៅក្នុងប្រទេសស្វាស៊ីឡង់។
ទ្រង់កំពុងតែមិនខ្វាយខ្វល់ពីពួកគេ និងបង្ហាញថាទ្រង់ជាន់លើច្បាប់។
យោងតាមសេចក្តីរាយការណ៍ពីទស្សនាវដ្តី Forbesបានឲ្យដឹងថា ស្តេចព្រះជន្ម៥១វស្សាអង្គនេះ ដែលមានមហេសី១៤អង្គ និងបុត្រ២៣អង្គ គឺស្ថិតនៅក្នុងចំណោមគ្រួសាររាជវង្សមានរាជសម្បត្តិច្រើនជាងគេបំផុតនៅលើពិភពលោក ជាមួយនឹងប្រាក់ក្នុងធនាគារប្រមានជា១៨០លានផោន។
លោក Dludlu បានអះអាងថា ស្តេចគ្មានភាពអៀនខ្មាស់អង្គនេះ កំពុងតែធ្វើឲ្យអសោចកេរ្តិ៍ខ្លួនឯង និងគ្រួសាររបស់ទ្រង់ ។ ច្បាស់ណាស់ថា វាធ្វើឲ្យប៉ះពាល់ដល់អារម្មណ៍ប្រជាជនខ្លួនឯង។
លោកបន្តថា កាលពីសប្តាហ៍មុន រថយន្ត Rolls Royce ១៩គ្រឿង ត្រូវបានដឹកមកដល់ប្រទេសស្វាស៊ីឡង់ សម្រាប់ការប្រើប្រាស់របស់ទ្រង់ មាតារបស់ទ្រង់ និងភរិយារបស់ទ្រង់៕
Home ព័ត៌មានអន្តរជាតិ ស្តេចស្វាស៊ីឡង់ចាយលុយ១៣លានដុល្លារដើម្បីទិញរថយន្ត Rolls Royce ១៩គ្រឿង និង BMW១២០គ្រឿងសម្រាប់មហេសី១៤អង្គរបស់ទ្រង់