យោងតាមប្រព័ន្ធផ្សព្វផ្សាយ របស់កូរ៉េខាងជើង នៅថ្ងៃទី១៨ ខែវិច្ឆិកា ឆ្នាំ២០១៩ បានផ្សាយថា មេដឹកនាំគីម ជុងអ៊ុន បានត្រួតពិនិត្យមើលដោយផ្ទាល់ ការធ្វើសមយុទ្ធ កងកម្លាំង ទាហានជើងអាកាស ដែលជាសមយុទ្ធ លើកទី២ ក្នុងអំឡុងពេល ៣ឆ្នាំ ហើយស្របពេលដែល សហរដ្ឋអាមេរិក និងកូរ៉េខាងត្បូង បានប្រកាស ពន្យារពេល ការធ្វើសមយុទ្ធ ជើងអាកាសប្រចាំឆ្នាំ របស់ពួកគេ នោះ ។
សហរដ្ឋអាមេរិក និងកូរ៉េខាងត្បូង កាលពីថ្ងៃទី១៧ ខែវិច្ឆិកា ឆ្នាំ២០១៩ បានប្រកាសថា ពួកគេអាចផ្អាក ការធ្វើសមយុទ្ធយោធា ជើងអាកាសរួមគ្នា ដែលគ្រោងធ្វើឡើងនៅ ពេលឆាប់ៗខាងមុខនេះ ។ សមយុទ្ធនេះ ត្រូវបានស្គាល់ថា ជា ព្រឹត្តិការណ៍ ហ្វឹកហាត់ការហោះហើររួមគ្នា ។ គោលជំហរ បែបនេះ របស់អាមេរិក និងកូរ៉េខាងត្បូង គឺដើម្បី ជួយជំរុញ កិច្ចខិតខំ កុំឲ្យ ជាប់គាំង ក្នុងដំណើរ ការចរចាស្វែងរកសន្តិភាព ជាមួយ រដ្ឋកូរ៉េខាងជើង ។ ទីក្រុងវ៉ាស៊ីនតោន បានបដិសេធន៍ថា គោលបំណងបែបនេះ មិនមែនជាសប្បទាន ណាមួយ ដល់កូរ៉េខាងជើង នោះឡើយ ។ សមយុទ្ធកម្លាំងទាហានជើង អាកាស ដែលកាលពីគ្រាកន្លងមក គឺជាការបង្ហាញ សេនារីយ៉ូ ប្រយុទ្ធ តាមផ្លូវអាកាស ក្នុងនោះ មានការចូលរួម ពីយន្តហោះចម្បាំង ច្រើនប្រភេទ របស់អាមេរិក ហើយនិងកូរ៉េខាងត្បូង ៕
Home ព័ត៌មានអន្តរជាតិ គីម ជុងអ៊ុន ចុះ ត្រួតពិនិត្យ មើលដោយផ្ទាល់ នៃការធ្វើសមយុទ្ធ ទាហានជើង អាកាសរបស់ខ្លួន