[wai id="6"]
[wai id="7"]
ចាប់ពីពេលនេះតទៅ អ្នកដំណើរទាំងអស់ ទាំងជនជាតិថៃទាំងជនបរទេសចាំបាច់ត្រូវមានលិខិតបញ្ជាក់សុខភាពមួយពេលចូលមកក្នុងប្រទេសថៃខណៈដែលប្រទេសនេះបានបង្កើនកិច្ចខិតខំប្រឹងប្រែងរបស់ខ្លួន ដើម្បីគ្រប់គ្រងការផ្ទុះរាលដាលជំងឺ COVID-19ដែលនៅតែបន្ត។
ចាប់តាំងពីថ្ងៃទី១៩ មីនាមក អាជ្ញាធរអាកាសចរណ៍ស៊ីវិលថៃ ឬហៅកាត់ថាCAAT បានចេញសេចក្ដីណែនាំសម្រាប់ប្រតិបត្តិការហោះហើរដែលផ្ដល់សេវាដល់ការធ្វើចូលទៅកាន់ប្រទេសនេះ ។
ចាប់ពីថ្ងៃអាទិត្យ ទី២២ ខែមីនានេះតទៅ ជនបរទេសទាំងឡាយដែលមានបំណងចូលទៅកម្សាន្តប្រទេសថៃ នឹងត្រូវបង្ហាញលិខិតបញ្ជាក់ខុសភាពនៅពេលត្រួតពិនិត្យ ឬcheck-in ដើម្បីបញ្ជាក់ថាពួកគេពុំមានបញ្ហាប្រឈមការឆ្លងជំងឺ COVID-19ទេ ។
ពាណិជ្ជកម្ម
អាជ្ញាធរអាកាសចរណ៍ស៊ីវិលថៃ បានបន្ថែមនៅក្នុងសេចក្ដីប្រកាសមួយថា អ្នកដំណើរបរទេសក៏នឹងត្រូវមានផងដែរ នូវបណ្ណធានារ៉ាប់រងសុខភាព ដែលមានទឹកប្រាក់យ៉ាងតិច US$100,000 សម្រាប់ផ្នែកវេជ្ជសាស្ត្រថែទាំជំងឺCOVID-19 នៅក្នុងប្រទេសថៃ។
សេចក្ដីប្រកាសនេះ ធ្វើឡើង បន្ទាប់ពីមានការកើនឡើងខ្ពស់បំផុតប្រចាំថ្ងៃនៃចំនួនករណីឆ្លងជំងឺ COVID-19 ក្នុងប្រទេសថៃ ។ កាលពីថ្ងៃទី១៩ខែមីនា ក្រសួងសុខាភិបាលសាធារណៈបានរាយការណ៍ថាមានការឆ្លងជំងឺនេះចំនួន ៦០ ករណីថ្មី បន្ថែមទៀត ដែលនាំឲ្យចំនួនសរុបទូទាំងប្រទេសឡើងដល់២៧២នាក់។
ដោយឡែក ព្រះវិហារសំខាន់មួយកន្លែងនៅក្នុងទីក្រុងហ្សាកាតា ប្រទេសឥណ្ឌូនេស៊ី បានលប់លចោលការជួបជុំធ្វើពិធីបួងសួងទ្រង់ទ្រាយធំ ដែលជាផ្នែកមួយនៃវិធានការនៅឲ្យដាច់ដោយឡែក ដើម្បីពន្យឺតការរីករាលដាលឆ្លងនៃជំងឺ COVID-19 ។
ទោះបីជាយ៉ាងណាក៏ដោយ សម្រាប់អ្នកដែលនៅចង់ធ្វើពិធីបួងសួង ពួកគេត្រូវនៅឆ្ងាយពីគ្នា១ម៉ែត្រ ដើម្បីជាវិធានការបង្ការការចម្លងពីមនុស្សម្នាក់ទៅមនុស្សម្នាក់ទៀត។
ព្រះវិហារ អ៊ីស្ទីកឡាល់ គឺជាទីសក្ការៈបូជាអ៊ីស្លាមធំបំផុតនៅក្នុងតំបន់អាស៊ី-អាគ្នេយ៍ ក្នុងនោះមនុស្សរាប់ពាន់នាក់ បានធ្វើដំណើរមកដល់សម្រាប់ពិធីបួងសួងនៅថ្ងៃសុក្រនេះ។
ការសម្រេចចិត្តលប់នេះ ត្រូវបានធ្វើឡើង បន្ទាប់ក្រុមអាជ្ញាធរសាសនាកំពូលបំផុតនៅក្នុងប្រទេសមួយនេះ បានអនុញ្ញាតឲ្យជនមូស្លីម ផ្អាកបណ្តោះអាសន្នការជួបជុំធ្វើពិធីបួងសួងទ្រង់ទ្រាយធំ រហូតដល់ស្ថានភាពវិលត្រឡប់មករកធម្មតាវិញ។
សូមបញ្ជាក់ថា ប្រទេសឥណ្ឌូនេស៊ី បានរាយការណ៍ករណីស្លាប់២៥នាក់ ដោយសារជំងឺ COVID-19 និងមានករណីឆ្លង៣១១នាក់៕
[wai id="5"]