ជំងឺគ្រុនឈាមមិនមែនឆ្លងពីមនុស្សម្នាក់ទៅម្នាក់ដោយផ្ទាល់នោះទេគឺជំងឺនេះត្រូវបានចម្លងតាមរយៈការខាំរបស់សត្វមូសខ្លាញីដែលវាមានឈ្មោះជាភាសាបច្ចេកទេសហៅថាអាអេដែសអាអេហ្ស៊ីបស៊ី(AedesAegypti)។ ប៉ុន្តែថ្មីៗនេះមានករណី ដ៏ចម្លែកមួយបានកើតឡើងដោយ អាជ្ញាធរសុខាភិបាលអេស្ប៉ាញបានបញ្ជាក់កាលពីថ្ងៃសុក្រសប្តាហ៍មុនថា មានករណីដែលបុរសម្នាក់បានចម្លងជំងឺគ្រុនឈាមតាមរយៈការរួមភេទ ដែលជាករណីដំបូងបំផុតក្នុងពិភពលោកសម្រាប់វីរុសដែលគេធ្លាប់បានយល់ថា ឆ្លងតែតាមសត្វមួសនេះ។
បុរសវ័យ៤១ ឆ្នាំម្នាក់នៅទីក្រុងម៉ាឌ្រីត បានឆ្លងជំងឺគ្រុនឈាមបន្ទាប់ពីបានរួមភេទជាមួយដៃគូជាបុរសភេទដូចគ្នាម្នាក់ដែលបានឆ្លងជំងឺនេះបន្ទាប់ពីត្រូវបានសត្វមូសខាំនៅពេលធ្វើដំណើរទៅប្រទេសគុយបា។ តាមការឲ្យដឹងរបស់លោកស្រី Susana Jimenez ជាមន្ត្រីមន្ទីរសុខភាពសាធារណៈក្នុងតំបន់នៃទីក្រុងម៉ាឌ្រីត ករណីនេះត្រូវបានបញ្ជាក់កាលពីខែកញ្ញា ហើយវាបានបង្កជាចម្ងល់ជាខ្លាំងទៅដល់បណ្តាវេជ្ជបណ្ឌិត ដោយសារតែអ្នកជំងឺរូបនេះមិនបានធ្វើដំណើរទៅប្រទេសដែលជំងឺនេះកើតឡើងញឹកញាប់នោះឡើយ។
លោកស្រី Jimenez បន្តថា៖ «ការវិភាគទៅលើទឹកកាមរបស់ពួកគេបានបង្ហាញថា ពួកគេមិនមែនត្រឹមតែមានជំងឺគ្រុនឈាមប៉ុណ្ណោះនោះទេ តែវាក៏ជាប្រភេទវីរុសតែមួយដែលកំពុងតែរាតត្បាតនៃប្រទេសគុយបាផងដែរ»។
គួរបញ្ជាក់ដែរថានេះជារឿងមួយគួរឲ្យភ្ញាក់ផ្អើល ចំពោះករណីខាងលើនេះ ដែលពេលកន្លងមកគេពុំដែលជួបប្រទះនូវហេតុ ការណ៍នេះឡើយ ហើយមកដល់ពេលបច្ចុប្បន្ននេះអ្នកជំងឺផ្នែកវិជ្ជាសាស្ត្រក៏ពុំទាន់រកឃើញថាជំងឺគ្រុនឈាមអាចឆ្លងតាមការ
រួមភេទនោះឫយ៉ាងណានៅឡើយទេ ៕
Home ព័ត៌មានអន្តរជាតិ ពិតជាចម្លែក បុរសម្នាក់បានឆ្លងជំងឺគ្រុនឈាមតាមរយ:ការរួមភេទជាមួយដៃគូរដូចគ្នា