លោក Benjamin Netanyahu នាយករដ្ឋមន្ត្រីអ៊ីស្រាអែល បានថ្លែងប្តេជ្ញាកាលពីថ្ងៃទី២១ ខែវិច្ឆិកា ឆ្នាំ២០១៩ថា លោកនឹងនៅតែបន្តកាន់តំណែងដដែល បើទោះបីជាលោករងការចោទប្រកាន់ថាបានប្រព្រឹត្តអំពើពុករលួយយ៉ាងណាក៏ដោយ និងអំពាវនាវឱ្យលោកចុះចេញពីតំណែងយ៉ាងណាក៏ដោយ។
នាយករដ្ឋមន្ត្រីដែលកាន់តំណែងដ៏យូរក្នុងប្រទេសអ៊ីស្រាអែលរូបនេះ បានច្រានចោលការចោទប្រកាន់ខាងលើ ហើយថាការស៊ើបអង្កេតរបស់ប៉ូលិស គឺមានចេតនាបង្ខូចកេរ្តិ៍ឈ្មោះរបស់លោក។ លោកអះអាងថា ការចោទបែបនេះ គឺជាការប៉ុនប៉ងធ្វើរដ្ឋប្រហារ។
បើយោងតាមអ្នកវិភាគនយោបាយអន្តរជាតិបានលើកថា បញ្ហានៅអ៊ីស្រាអែល វិបត្តិជាប់គាំងនយោបាយ នៅតែមិនទាន់អាចរកច្រកផ្លូវដើរចេញបាន។ មិនតែប៉ុណ្ណោះ អ៊ីស្រាអែល ទំនងជាគេចមិនផុត ពីការរៀបចំបោះឆ្នោតមុនកំណត់ជាលើកទី ៣ ក្នុងរយៈពេលតែ មួយឆ្នាំបាននោះឡើយ។ មិនអាចគេចផុត ពីព្រោះថា មិនត្រឹមតែគណបក្សដឹកនាំរដ្ឋាភិបាលរបស់លោកនេតាន់យ៉ាហ៊ូ នោះទេ ដែលបរាជ័យក្នុងការបង្កើតរដ្ឋាភិបាលចម្រុះថ្មីមួយបាន ក៏បុន្តែ បក្សប្រឆាំងដឹកនាំដោយលោកបេនី ហ្កង់ នាខណៈនេះ ក៏បានប្រកាសអំពីបរាជ័យដូចគ្នាដែរ។
Home ព័ត៌មានអន្តរជាតិ អ៊ីស្រាអែល ជួបវិបត្តិជាប់គាំងនយោបាយ នាយករដ្ឋមន្ត្រីរងការចោទប្រកាន់ពុករលួយ