រដ្ឋធានីវ៉ាស៊ីនតោន៖ សង្គ្រាមរបស់រុស្ស៊ី នៅក្នុងប្រទេសអ៊ុយក្រែន កំពុងតែជះឥទ្ធិពលយ៉ាងខ្លាំងទៅលើពិភពលោក រហូតធ្វើឲ្យតម្លៃស្បៀងអាហារ និង ប្រេងឥន្ធនៈ កំពុងតែឡើងថ្លៃយ៉ាងគំហុក ហើយដំណើរទស្សនកិច្ចរបស់ប្រធានាធិបតីសហរដ្ឋអាមេរិក ទៅកាន់តំបន់មជ្ឈិមបូព៌ា នឹងរុញឲ្យបង្កើននូវការផលិតប្រេងកាន់តែច្រើនឡើង ដើម្បីបញ្ចុះតម្លៃឲ្យធ្លាក់ថោកមកវិញ។
សារព័ត៌មាន Malay Mail បានចេញផ្សាយ កាលពីព្រឹក ថ្ងៃអង្គារ ទី១២ ខែកក្កដា ថា លោក ចូ បៃដិន (Joe Biden) ប្រធានាធិបតីសហរដ្ឋអាមេរិក នឹងធ្វើដំណើរទៅបំពេញទស្សនកិច្ច ជាលើកដំបូង នៅតំបន់មជ្ឈិមបូព៌ា នាសប្ដាហ៍នេះ ដោយរួមទាំងការឈប់សំចត នៅក្នុងប្រទេសអារ៉ាប៊ីសាអូឌីត (Saudi Arabia) ផងដែរ។ បច្ចុប្បន្ន លោកប្រធានាធិបតី កំពុងតែតស៊ូ ធ្វើឲ្យតម្លៃប្រេង នៅក្នុងប្រទេសមហាអំណាចកំពូលមួយនេះ ចុះថ្លៃ។
លោក ជេក ស៊ូលលីវ៉ាន់ (Jake Sullivan) ទីប្រឹក្សាសន្ដិសុខរបស់សេតវិមាន បានបញ្ជាក់ថា លោក ចូ បៃដិន ប្រធានាធិបតីសហរដ្ឋអាមេរិក នឹងជំរុញឲ្យការផលិតប្រេង កាន់តែច្រើន ពីបណ្តាប្រទេស OPEC ដើម្បីបញ្ចុះតម្លៃប្រេងសាំង ដែលកំពុងតែឡើងថ្លៃ បន្ទាប់ពីការដាក់ទណ្ឌកម្មលើប្រេង និង ឧស្ម័នរបស់រុស្ស៊ី ខណៈគាត់ជួបជាមួយមេដឹកនាំឈូងសមុទ្រអារ៉ាប៊ីសាអូឌីត នៅក្នុងសប្តាហ៍នេះ។
លោក បៃដិន នឹងចេញដំណើរ នៅល្ងាច ថ្ងៃអង្គារ ក្នុងដំណើរទស្សនកិច្ច ជាលើកដំបូងរបស់គាត់ ទៅកាន់តំបន់មជ្ឈិមបូព៌ា ក្នុងនាមជាប្រធានាធិបតី ដោយឈប់សំចត នៅក្នុងប្រទេសអ៊ីស្រាអែល, តំបន់ West Bank ដែលកាន់កាប់ និង អារ៉ាប៊ីសាអូឌីត។
លោក Jake Sullivan បានបន្ថែមថា សមាជិកអង្គការ នៃប្រទេសនាំចេញប្រេង (OPEC) មានសមត្ថភាពចាត់វិធានការបន្ថែមទៀត ដើម្បីបង្កើននូវការផលិតប្រេង បើទោះជាមានការស្នើសុំពីប្រទេសអារ៉ាប៊ីសាអូឌីត និង អារ៉ាប់រួម ថា ពួកគេស្ទើរតែមិនអាចធ្វើកិច្ចការនេះបានក៏ដោយ។
ទីប្រឹក្សាសន្ដិសុខរបស់សេតវិមាន បានសង្កត់ធ្ងន់ថា «យើងនឹងបង្ហាញពីទស្សនៈទូទៅរបស់យើង... ដែលយើងជឿជាក់ ថា ត្រូវតែមានការផ្គត់ផ្គង់ ឲ្យបានគ្រប់គ្រាន់ នៅក្នុងទីផ្សារពិភពលោក ដើម្បីការពារសេដ្ឋកិច្ចពិភពលោក ហើយក៏ដើម្បីការពារដល់អ្នកប្រើប្រាស់របស់អាមេរិកផងដែរ»៕
សារព័ត៌មាន Malay Mail បានចេញផ្សាយ កាលពីព្រឹក ថ្ងៃអង្គារ ទី១២ ខែកក្កដា ថា លោក ចូ បៃដិន (Joe Biden) ប្រធានាធិបតីសហរដ្ឋអាមេរិក នឹងធ្វើដំណើរទៅបំពេញទស្សនកិច្ច ជាលើកដំបូង នៅតំបន់មជ្ឈិមបូព៌ា នាសប្ដាហ៍នេះ ដោយរួមទាំងការឈប់សំចត នៅក្នុងប្រទេសអារ៉ាប៊ីសាអូឌីត (Saudi Arabia) ផងដែរ។ បច្ចុប្បន្ន លោកប្រធានាធិបតី កំពុងតែតស៊ូ ធ្វើឲ្យតម្លៃប្រេង នៅក្នុងប្រទេសមហាអំណាចកំពូលមួយនេះ ចុះថ្លៃ។
លោក ជេក ស៊ូលលីវ៉ាន់ (Jake Sullivan) ទីប្រឹក្សាសន្ដិសុខរបស់សេតវិមាន បានបញ្ជាក់ថា លោក ចូ បៃដិន ប្រធានាធិបតីសហរដ្ឋអាមេរិក នឹងជំរុញឲ្យការផលិតប្រេង កាន់តែច្រើន ពីបណ្តាប្រទេស OPEC ដើម្បីបញ្ចុះតម្លៃប្រេងសាំង ដែលកំពុងតែឡើងថ្លៃ បន្ទាប់ពីការដាក់ទណ្ឌកម្មលើប្រេង និង ឧស្ម័នរបស់រុស្ស៊ី ខណៈគាត់ជួបជាមួយមេដឹកនាំឈូងសមុទ្រអារ៉ាប៊ីសាអូឌីត នៅក្នុងសប្តាហ៍នេះ។
លោក បៃដិន នឹងចេញដំណើរ នៅល្ងាច ថ្ងៃអង្គារ ក្នុងដំណើរទស្សនកិច្ច ជាលើកដំបូងរបស់គាត់ ទៅកាន់តំបន់មជ្ឈិមបូព៌ា ក្នុងនាមជាប្រធានាធិបតី ដោយឈប់សំចត នៅក្នុងប្រទេសអ៊ីស្រាអែល, តំបន់ West Bank ដែលកាន់កាប់ និង អារ៉ាប៊ីសាអូឌីត។
លោក Jake Sullivan បានបន្ថែមថា សមាជិកអង្គការ នៃប្រទេសនាំចេញប្រេង (OPEC) មានសមត្ថភាពចាត់វិធានការបន្ថែមទៀត ដើម្បីបង្កើននូវការផលិតប្រេង បើទោះជាមានការស្នើសុំពីប្រទេសអារ៉ាប៊ីសាអូឌីត និង អារ៉ាប់រួម ថា ពួកគេស្ទើរតែមិនអាចធ្វើកិច្ចការនេះបានក៏ដោយ។
ទីប្រឹក្សាសន្ដិសុខរបស់សេតវិមាន បានសង្កត់ធ្ងន់ថា «យើងនឹងបង្ហាញពីទស្សនៈទូទៅរបស់យើង... ដែលយើងជឿជាក់ ថា ត្រូវតែមានការផ្គត់ផ្គង់ ឲ្យបានគ្រប់គ្រាន់ នៅក្នុងទីផ្សារពិភពលោក ដើម្បីការពារសេដ្ឋកិច្ចពិភពលោក ហើយក៏ដើម្បីការពារដល់អ្នកប្រើប្រាស់របស់អាមេរិកផងដែរ»៕