ការថតបានសំឡេងនៅក្នុងប្រអប់ខ្មៅរបស់យន្តហោះធ្លាក់ បានបង្ហាញពីការឆ្លើយតបជាច្រើនពីពីឡុត ហើយជួនកាលពាក្យចុងក្រោយពីលើយន្តហោះ មានលក្ខណៈបែបទស្សនៈវិជ្ជា តែជួនកាលទៀត វាបង្ហាញថា ក្រុមអាកាសយានិកបានតស៊ូដល់ដង្ហើមចុងក្រោយដើម្បីការពារគ្រោះមហន្តរាយកុំឲ្យកើតមានឡើង។ ពេលខ្លះទៀត ក្រុមពីឡុតហាក់ដូចជាខឹងសម្បារខ្លាំងណាស់នឹងស្ថានភាពអាក្រក់របស់ពួកគេ ។ ហេតុការណ៍ដ៏គួរឲ្យតក់ស្លុតមួយ ត្រូវថតបានក្នុងប្រអប់ខ្មៅ នូវរឿងរ៉ាវកើតឡើងចំពោះពីឡុតលើជើងហោះហើរ PSA Flight 182 មុនពេលយន្តហោះរបស់ពួកគេធ្លាក់សម្លាប់មនុស្ស១៤៤នាក់កាលពីឆ្នាំ១៩៧៨។
ការប៉ះទង្គិចគ្នារវាងយន្តហោះ Boeing 727 និងយន្តហោះខ្នាតតូច Cessna នាំឲ្យមនុស្សនៅលើយន្តហោះទាំង២គ្រឿងនេះ ស្លាប់ទាំងអស់ ក៏ដូចជាមនុស្ស៧នាក់ផ្សេងទៀតនៅដី។
នៅថ្ងៃចន្ទទី២៥ ខែកញ្ញា ឆ្នាំ១៩៧៨ លោកកាពីទែន Martin Kazy បានបង្រៀនពីឡុត David Boswell ឲ្យហោះហើរចេញពីទីក្រុង San Diegoរដ្ឋ California សហរដ្ឋអាមេរិក ជាមួយនឹងយន្តហោះខ្នាតតូច Cessna 172 Skyhawk ។
នៅពេលតែមួយនេះ យន្តហោះ PSA Boeing 727 ដឹកអ្នកដំណើរ១២៨នាក់ និងក្រុមយានិក៧នាក់ បានបកក្រោយឆ្ពោះទៅកាន់អាកាសយានដ្ឋានក្រុងឡូសអាន់ជឺឡេស តាមផ្លូវទៅកាន់ទីក្រុង San Diego ។ ក្រុមអាកាសយានិកនៅលើយន្តហោះ727ត្រូវបានគេជូនដំណឹងថាមានយន្តហោះ Cessnaនៅក្នុងតំបន់នោះដោយអ្នកគ្រប់គ្រងជើងហោះហើរក្នុងស្រុក ហើយបានធ្វើការក្រើនរំឭកឲ្យមានការប្រុងប្រយ័ត្ន តែរយៈពេលប៉ុន្មាននាទីមុនពេលធ្លាក់ ពួកគេមើលមិនឃើញយន្តហោះខ្នាតតូចមួយនោះទេ។
ការពិភាក្សាលើសេចក្តីរាយការណ៍ពាក់ព័ន្ធនឹងយន្តហោះ Cessna លោក Robert Fox គឺជាសហពីឡុត អាចឮនិយាយថា “ឥឡូវ ខ្ញុំមិនឃើញគាត់នោះទេ”ហើយបន្ទាប់មកក៏ព្យាករណ៍ជាមួយលោកកាពីទែន James McFeron ពីកន្លែងដែលយន្តហោះខ្នាតតូចនោះនៅ។ លោក Fox បាននិយាយថា “តើយើងពិតជាច្បាស់ពីយន្តហោះ Cessnaឬ?”ហើយលោក Martin Wahneដែលជាវិស្វករជើងហោះហើរ បានឆ្លើយថា “ប្រហែលហើយ”។ មានអ្នកសើចយ៉ាងច្បាស់ មុនពេលដែលលោកកាពីទែន McFeron បាននិយាយថា “ខ្ញុំបានឃើញគាត់ ប្រហែលជាគាត់នៅពីក្រោយពួកយើងហើយ ឥឡូវនេះ”។
ប៉ុន្តែតាមពិតគឺយន្តហោះ Cessnaនៅពីមុខយន្តហោះ 727សោះ ហើយនៅពីក្រោមតែបន្តិចប៉ុណ្ណោះ។ ប៉ុន្មានវិនាទីក្រោយមក សំឡេងប៉ះទង្គិចគ្នា ក៏បានថតជាប់ដោយប្រអប់ខ្មៅ។
លោក McFeronបាននិយាយថា “តើយើងត្រូវធ្វើម៉េច?” ហើយលោក Fox បានឆ្លើយថា “យើងត្រូវគេបុកហើយ។ យើងត្រូវគេបុកពិតមែន”។
បន្ទាប់មក លោក McFeron បាននិយាយទៅកាន់អ្នកគ្រប់គ្រងចរាចរណ៍អាកាសថា “អ្នកគ្រប់គ្រង យន្តហោះយើងនឹងធ្លាក់ហើយ នេះគឺជាជើងហោះហើរ PSA”។ ហើយបន្ទាប់មកលោកក៏បាននិយាយទៀតថា “អូ! កូនៗ!”។ ក្រោយមកទៀត លោកក៏បាននិយាយប្រាប់ក្រុមអ្នកដំណើរថា “ប្រុងប្រៀបខ្លួន” មុនពេលឮសំឡេងមនុស្សម្នាក់និយាយនៅក្នុងបន្ទប់ពីឡុតថា “ម៉ាក់ខ្ញុំស្រលាញ់ម៉ាក់” មុនពេលដែលយន្តហោះធ្លាក់ដល់ដី។
សូមបញ្ជាក់ថា នៅពេលនោះ ជើងហោះហើរ PSA Flight 182 បានក្លាយជាគ្រោះមហន្តរាយធ្លាក់យន្តហោះស្លាប់មនុស្សច្រើនបំផុតរបស់អាមេរិក៕
Home ព័ត៌មានអន្តរជាតិ ហេតុការណ៍ដ៏គួររន្ធត់ថតបានក្នុងប្រអប់ខ្មៅមុនពេលធ្លាក់ជើងហោះ PSA Flight 182របស់អាមេរិកស្លាប់មនុស្ស១៤៤នាក់