កាលពីពេលថ្មីៗនេះ តុលាការនៅវៀតណាម បានផ្តន្ទាទោសដាក់គុកអ្នកលេងហ្វេសប៊ុកម្នាក់រយៈពេល៦ឆ្នាំ ដោយសារតែការបង្ហោះសារជាបន្តបន្ទាប់ ដែលរដ្ឋាភិបាលបាននិយាយថា វាមានខ្លឹមសារ«ប្រឆាំងរដ្ឋ»។
លោក Nguyen Chi Vung អាយុ៣៨ឆ្នាំ ត្រូវបានចោទប្រកាន់ពីបទបង្កើត និងធ្វើឲ្យរីករាលដាលនូវព័ត៌មានប្រឆាំងរដ្ឋាភិបាល ដោយតុលាការរបស់ប្រជាជន នៅខេត្ត Bac Lieu, នេះបើតាមការប្រាប់ឲ្យដឹងពីក្រសួងសន្តិសុខសាធារណៈវៀតណាម បានឲ្យដឹងយ៉ាងដូច្នេះ។
តុលាការបានបញ្ជាក់ថា ជនជាប់ទោស Nguyen Chi Vung បានផ្សាយផ្ទាល់ (Livestream) ចំនួន៣៣លើក លើប្រព័ន្ធ Facebook ដើម្បីចែករំលែក ព័ត៌មានមិនពិត និងជំរុញឲ្យប្រជាជន ចូលរួមក្នុងការតវ៉ាអំឡុងពេលបុណ្យជាតិ។
គួរបញ្ជាក់ដែរថា នេះពុំមែនជាលើកទី១ដែលតុលាការវៀតណាម បានធ្វើការផ្តន្ទាទោសអ្នកលេងហ្វេសប៊ុកជុំវិញការប្រើប្រាស់ហ្វេសប៊ុកដើម្បី ផ្សព្វផ្សាយព័ត៌មានមិនពិត និងការរិះគន់រដ្ឋាភិបាល ។
Home ព័ត៌មានអន្តរជាតិ អ្នកលេងហ្វេសប៊ុកម្នាក់ជាប់ពន្ធធនាគាររយៈពេល៦ឆ្នាំ ក្រោមបទចោទ «ប្រឆាំងរដ្ឋ»