រដ្ឋធានីតេអ៊ីរ៉ង់៖ ប្រធានាធិបតីសហរដ្ឋអាមេរិក គ្រាន់តែទៅដល់ទឹកដីមជ្ឈិមបូព៌ាភ្លាម ក៏ព្រមានអំពីការប្រើប្រាស់កម្លាំងទ័ពភ្លាម ប្រឆាំងនឹងប្រទេសអ៊ីរ៉ង់ ជុំវិញកម្មវិធីអាវុធមហាប្រល័យលោក ប៉ុន្ដែក្រុងតេអ៊ីរ៉ង់ បានប្ដេជ្ញាឆ្លើយតបយ៉ាងខ្លាំងក្លា ដល់ក្រុងវ៉ាស៊ីនតោន និង សម្ពន្ធមិត្ត ចំពោះការបង្កអសន្ដិសុខណាមួយ នៅក្នុងតំបន់។
សារព័ត៌មាន Al Jazeera បានចេញផ្សាយ កាលពីថ្ងៃព្រហស្បតិ៍ ទី១៤ ខែកក្កដា ថា លោក អេប្រាហ៊ីម រ៉ាយស៊ី (Ebrahim Raisi) ប្រធានាធិបតីអ៊ីរ៉ង់ បានធ្វើការអត្ថាធិប្បាយ វាយប្រហារទៅលើក្រុងវ៉ាស៊ីនតោន ដោយសារតែសហរដ្ឋអាមេរិក និង សម្ពន្ធមិត្ត ប្ដេជ្ញាប្រើប្រាស់គ្រប់មធ្យោបាយ ប្រឆាំងនឹងកម្មវិធីអាវុធនុយក្លេអ៊ែររបស់ក្រុងតេអ៊ីរ៉ង់។
ប្រធានាធិបតីអ៊ីរ៉ង់ បានបញ្ជាក់ថា ក្រុងតេអ៊ីរ៉ង់ នឹងមានការឆ្លើយតបយ៉ាងធ្ងន់ធ្ងរ និង គួរឱ្យសោកស្តាយ ចំពោះកំហុសឆ្គងណាមួយ ប្រព្រឹត្តឡើង ដោយក្រុងវ៉ាស៊ីនតោន ឬសម្ពន្ធមិត្តរបស់សហរដ្ឋអាមេរិក។
ប្រធានាធិបតីអ៊ីរ៉ង់ បានថ្លែងបែបនេះ ខណៈប្រធានាធិបតីសហរដ្ឋអាមេរិក លោក ចូ បៃដិន (Joe Biden) និង នាយករដ្ឋមន្ត្រីអ៊ីស្រាអែល លោក យែរ ឡាភីដ (Yair Lapid) បានចុះហត្ថលេខាលើកិច្ចសន្យារួមគ្នាមួយ កាលពីថ្ងៃព្រហស្បតិ៍ ដើម្បីបដិសេធអាវុធនុយក្លេអ៊ែររបស់អ៊ីរ៉ង់ ដែលជាការបង្ហាញ អំពីការរួបរួមគ្នារបស់សម្ពន្ធមិត្ត ដែលបានបែកបាក់គ្នា អស់រយៈពេលជាយូរមកហើយ លើការទូតជាមួយក្រុងតេអ៊ីរ៉ង់ (Tehran)។
បើតាមទីភ្នាក់ងារសារព័ត៌មានគ្រប់គ្រងដោយរដ្ឋអ៊ីរ៉ង់ IRNA បានផ្សាយថា ប្រធានាធិបតីអ៊ីរ៉ង់ បានស្ដីបន្ទោសដល់សហរដ្ឋអាមេរិក និង សម្ពន្ធមិត្ត នៅក្នុងតំបន់របស់ក្រុងវ៉ាស៊ីនតោន ចំពោះការបង្កអស្ថិរភាព នៅក្នុងតំបន់៕
សារព័ត៌មាន Al Jazeera បានចេញផ្សាយ កាលពីថ្ងៃព្រហស្បតិ៍ ទី១៤ ខែកក្កដា ថា លោក អេប្រាហ៊ីម រ៉ាយស៊ី (Ebrahim Raisi) ប្រធានាធិបតីអ៊ីរ៉ង់ បានធ្វើការអត្ថាធិប្បាយ វាយប្រហារទៅលើក្រុងវ៉ាស៊ីនតោន ដោយសារតែសហរដ្ឋអាមេរិក និង សម្ពន្ធមិត្ត ប្ដេជ្ញាប្រើប្រាស់គ្រប់មធ្យោបាយ ប្រឆាំងនឹងកម្មវិធីអាវុធនុយក្លេអ៊ែររបស់ក្រុងតេអ៊ីរ៉ង់។
ប្រធានាធិបតីអ៊ីរ៉ង់ បានបញ្ជាក់ថា ក្រុងតេអ៊ីរ៉ង់ នឹងមានការឆ្លើយតបយ៉ាងធ្ងន់ធ្ងរ និង គួរឱ្យសោកស្តាយ ចំពោះកំហុសឆ្គងណាមួយ ប្រព្រឹត្តឡើង ដោយក្រុងវ៉ាស៊ីនតោន ឬសម្ពន្ធមិត្តរបស់សហរដ្ឋអាមេរិក។
ប្រធានាធិបតីអ៊ីរ៉ង់ បានថ្លែងបែបនេះ ខណៈប្រធានាធិបតីសហរដ្ឋអាមេរិក លោក ចូ បៃដិន (Joe Biden) និង នាយករដ្ឋមន្ត្រីអ៊ីស្រាអែល លោក យែរ ឡាភីដ (Yair Lapid) បានចុះហត្ថលេខាលើកិច្ចសន្យារួមគ្នាមួយ កាលពីថ្ងៃព្រហស្បតិ៍ ដើម្បីបដិសេធអាវុធនុយក្លេអ៊ែររបស់អ៊ីរ៉ង់ ដែលជាការបង្ហាញ អំពីការរួបរួមគ្នារបស់សម្ពន្ធមិត្ត ដែលបានបែកបាក់គ្នា អស់រយៈពេលជាយូរមកហើយ លើការទូតជាមួយក្រុងតេអ៊ីរ៉ង់ (Tehran)។
បើតាមទីភ្នាក់ងារសារព័ត៌មានគ្រប់គ្រងដោយរដ្ឋអ៊ីរ៉ង់ IRNA បានផ្សាយថា ប្រធានាធិបតីអ៊ីរ៉ង់ បានស្ដីបន្ទោសដល់សហរដ្ឋអាមេរិក និង សម្ពន្ធមិត្ត នៅក្នុងតំបន់របស់ក្រុងវ៉ាស៊ីនតោន ចំពោះការបង្កអស្ថិរភាព នៅក្នុងតំបន់៕
