ក្រុមអាជ្ញាធរអេស្ប៉ាញចាប់បានរឹបអូសបាននាវាមុជទឹករត់ពន្ធអាភៀនជាលើកដំបូងមិនធ្លាប់ដែលមានពីមុនមក ពេលដែលវាបើកឆ្លងកាត់មហាសមុទ្រអាត្លង់ទិក។
ក្រុមពង្រឹងច្បាប់ បានប៉ាន់ប្រមាណថា ពួកគេរឹបអូសបានសារធាតុកូកាអ៊ីនទម្ងន់៣តោនដែលមានតម្លៃជិត១២១លានដុល្លារ ពីនាវាមុជទឹកប្រវែង៦៥ហ្វ៊ូត ដែលត្រូវបានស្កាត់បានកាលពីថ្ងៃអាទិត្យ នៅតំបន់ភាគពាយព្យនៃតំបន់ស្វយ័តហ្គាលីសៀ ប្រទេសអេស្ប៉ាញ។
បុគ្គលិកជនជាតិអេក្វាទ័រ២នាក់ក្នុងចំណោមក្រុមនាវិក៣នាក់ ត្រូវបានចាប់ខ្លួនដោយក្រុមនគរបាល ក្រោយពួកគេព្យាយាមចោះរន្ធពន្លិចនាវានេះចោល។ បុរសទី៣ គឺជាជនជាតិអេស្ប៉ាញ ដែលបច្ចុប្បន្នកំពុងរត់គេចខ្លួន។
នាវាមុជទឹកមួយគ្រឿងនេះ ត្រូវបានតាមដាន ខណៈពេលដែលវាបើកឆ្លងកាត់មហាសមុទ្រអាត្លង់ទិក ចេញពីប្រទេសកូឡុំប៊ី ឆ្ពោះមកកាន់អឺរ៉ុប គឺជាដំណើរដ៏វែងឆ្ងាយមួយមានចម្ងាយរហូតដល់៧.៦៩០គ.ម។
ភាពស្មុគស្មាញរបស់នាវាមុជទឹកមួយគ្រឿងនេះ ធ្វើឲ្យក្រុមអាជ្ញាធរពិបាកក្នុងការតាមចាប់ ខណៈពេលដែលក្រុមជួញជួញដូរគ្រឿងញៀនអាមេរិកខាងត្បូង ប្រើវិធីសាស្ត្រដ៏គគ្លើន ក្នុងការចែកចាយទំនិញរបស់ពួកគេនៅទូទាំងសកលលោក។
ប្រភពព័ត៌មានដែលនៅជិតនឹងការស៊ើបអង្កេតមួយនេះ បានឲ្យដឹងថា ក្រុមដែលនៅពីក្រោយការដឹកជញ្ជូនអាភៀននេះ គឺមានខ្នងក្រាស់ ដោយសារតែនាវាមុជទឹកដឹកអាភៀននេះ មានតម្លៃយ៉ាងហោចណាស់ក៏២.៧លានដុល្លារដែរ។
ក្រុមអាជ្ញាធរអេស្ប៉ាញ បាននិយាយថា វាគឺជាលើកដំបូងហើយដែលនាវាមុជទឹក ត្រូវបានប្រើប្រាស់ដើម្បីរត់ពន្ធអាភៀននៅក្នុងប្រទេសអេស្ប៉ាញ។ ក្រុមមុជទឹក បានទាញចេញកញ្ចប់កូកាអ៊ីន ចេញពីនាវាមុជទឹកនេះ កាលពីថ្ងៃចន្ទ។
ក្រុមនគរបាលអេស្ប៉ាញ បានតាមដាននាវាមុជទឹកនេះ ដោយសម្របសម្រួលជាមួយក្រុមនគរបាលអន្តរជាតិ ដែលបានដឹងពីផ្លូវបើករបស់នាវាមុជទឹក ក្រោយពេលវាឈប់នៅតំបន់ឆ្នេរសមុទ្រព័រទុយហ្គាល់។
កាសែតអេស្ប៉ាញ ABCបានរាយការណ៍ថា ទីភ្នាក់ងាររបស់ពួកគេ បានតានដាននាវាមុជទឹកនេះ ចាប់តាំងពីថ្ងៃទី១៥ ខែវិច្ឆិកានេះមកម្ល៉េះ។
ក្រុមនាវិក បានបោះបង់ចោលនាវាមុជទឹក ដែលបានផលិតនៅប្រទេសគុយយ៉ាន និងប្រទេសស៊ូរីណាម អាមេរិកឡាទីននេះចោលនៅកោះអាដាន់ ជិតខេត្តប៉ូនតេវេដ្រា ប្រទេសអេស្ប៉ាញ។
ក្រុមមន្ត្រីមិនអាចនិយាយបាននោះទេថាតើប្រទេសមួយណាដែលនាវាមុជទឹកមួយនេះ បានចាកចេញ ប៉ុន្តែសារព័ត៌មាន បានរាយការណ៍ថា ក្រុមនគរបាលសង្ស័យថាវាបានចេញពីប្រទេសកូឡុំប៊ី។
ក្រុមនគរបាលមានការលំបាកខ្លាំងណាស់ក្នុងការស្រង់នាវាមុជទឹកដែលលិចមួយនេះដើម្បីអូសមកកាន់កំពុងផែរ ដោយសារតែស្ថានភាពខ្យល់បក់ខ្លាំង និងភ្លៀងធ្លាក់ខ្លាំង ៕ពិតជាមិនធម្មតា! ក្រុមឈ្មួញអាមេរិកឡាទីនប្រើប្រាស់នាវាមុជទឹកដឹកអាភៀនតម្លៃ១២១លានដុល្លារមកកាន់អឺរ៉ុប
ក្រុមអាជ្ញាធរអេស្ប៉ាញចាប់បានរឹបអូសបាននាវាមុជទឹករត់ពន្ធអាភៀនជាលើកដំបូងមិនធ្លាប់ដែលមានពីមុនមក ពេលដែលវាបើកឆ្លងកាត់មហាសមុទ្រអាត្លង់ទិក។
ក្រុមពង្រឹងច្បាប់ បានប៉ាន់ប្រមាណថា ពួកគេរឹបអូសបានសារធាតុកូកាអ៊ីនទម្ងន់៣តោនដែលមានតម្លៃជិត១២១លានដុល្លារ ពីនាវាមុជទឹកប្រវែង៦៥ហ្វ៊ូត ដែលត្រូវបានស្កាត់បានកាលពីថ្ងៃអាទិត្យ នៅតំបន់ភាគពាយព្យនៃតំបន់ស្វយ័តហ្គាលីសៀ ប្រទេសអេស្ប៉ាញ។
បុគ្គលិកជនជាតិអេក្វាទ័រ២នាក់ក្នុងចំណោមក្រុមនាវិក៣នាក់ ត្រូវបានចាប់ខ្លួនដោយក្រុមនគរបាល ក្រោយពួកគេព្យាយាមចោះរន្ធពន្លិចនាវានេះចោល។ បុរសទី៣ គឺជាជនជាតិអេស្ប៉ាញ ដែលបច្ចុប្បន្នកំពុងរត់គេចខ្លួន។
នាវាមុជទឹកមួយគ្រឿងនេះ ត្រូវបានតាមដាន ខណៈពេលដែលវាបើកឆ្លងកាត់មហាសមុទ្រអាត្លង់ទិក ចេញពីប្រទេសកូឡុំប៊ី ឆ្ពោះមកកាន់អឺរ៉ុប គឺជាដំណើរដ៏វែងឆ្ងាយមួយមានចម្ងាយរហូតដល់៧.៦៩០គ.ម។
ភាពស្មុគស្មាញរបស់នាវាមុជទឹកមួយគ្រឿងនេះ ធ្វើឲ្យក្រុមអាជ្ញាធរពិបាកក្នុងការតាមចាប់ ខណៈពេលដែលក្រុមជួញជួញដូរគ្រឿងញៀនអាមេរិកខាងត្បូង ប្រើវិធីសាស្ត្រដ៏គគ្លើន ក្នុងការចែកចាយទំនិញរបស់ពួកគេនៅទូទាំងសកលលោក។
ប្រភពព័ត៌មានដែលនៅជិតនឹងការស៊ើបអង្កេតមួយនេះ បានឲ្យដឹងថា ក្រុមដែលនៅពីក្រោយការដឹកជញ្ជូនអាភៀននេះ គឺមានខ្នងក្រាស់ ដោយសារតែនាវាមុជទឹកដឹកអាភៀននេះ មានតម្លៃយ៉ាងហោចណាស់ក៏២.៧លានដុល្លារដែរ។
ក្រុមអាជ្ញាធរអេស្ប៉ាញ បាននិយាយថា វាគឺជាលើកដំបូងហើយដែលនាវាមុជទឹក ត្រូវបានប្រើប្រាស់ដើម្បីរត់ពន្ធអាភៀននៅក្នុងប្រទេសអេស្ប៉ាញ។ ក្រុមមុជទឹក បានទាញចេញកញ្ចប់កូកាអ៊ីន ចេញពីនាវាមុជទឹកនេះ កាលពីថ្ងៃចន្ទ។
ក្រុមនគរបាលអេស្ប៉ាញ បានតាមដាននាវាមុជទឹកនេះ ដោយសម្របសម្រួលជាមួយក្រុមនគរបាលអន្តរជាតិ ដែលបានដឹងពីផ្លូវបើករបស់នាវាមុជទឹក ក្រោយពេលវាឈប់នៅតំបន់ឆ្នេរសមុទ្រព័រទុយហ្គាល់។
កាសែតអេស្ប៉ាញ ABCបានរាយការណ៍ថា ទីភ្នាក់ងាររបស់ពួកគេ បានតានដាននាវាមុជទឹកនេះ ចាប់តាំងពីថ្ងៃទី១៥ ខែវិច្ឆិកានេះមកម្ល៉េះ។
ក្រុមនាវិក បានបោះបង់ចោលនាវាមុជទឹក ដែលបានផលិតនៅប្រទេសគុយយ៉ាន និងប្រទេសស៊ូរីណាម អាមេរិកឡាទីននេះចោលនៅកោះអាដាន់ ជិតខេត្តប៉ូនតេវេដ្រា ប្រទេសអេស្ប៉ាញ។
ក្រុមមន្ត្រីមិនអាចនិយាយបាននោះទេថាតើប្រទេសមួយណាដែលនាវាមុជទឹកមួយនេះ បានចាកចេញ ប៉ុន្តែសារព័ត៌មាន បានរាយការណ៍ថា ក្រុមនគរបាលសង្ស័យថាវាបានចេញពីប្រទេសកូឡុំប៊ី។
ក្រុមនគរបាលមានការលំបាកខ្លាំងណាស់ក្នុងការស្រង់នាវាមុជទឹកដែលលិចមួយនេះដើម្បីអូសមកកាន់កំពុងផែរ ដោយសារតែស្ថានភាពខ្យល់បក់ខ្លាំង និងភ្លៀងធ្លាក់ខ្លាំង ៕
