អ្នកនេសាទរុស្ស៊ីម្នាក់ បានចែករំលែករូបភាពសត្វត្រីចម្លែកៗបំផុតមិនធ្លាប់ដែលឃើញដែលលោកចាប់បានពីទឹកជ្រៅនៅសមុទ្រណ័រវ៉េ និងសមុទ្របារ៉េន ហើយនិងនៅតាមតំបន់ឆ្នេរមហាសមុទ្រអាត្លង់ទិក។
លោក Roman Fedortsov មកពីទីក្រុង Murmansk ភាគពាយព្យប្រទេសរុស្ស៊ី បម្រើការងារនៅលើនាវាអូសត្រី ហើយលោកតែងតែជួបប្រទេសសត្វត្រីចម្លែកៗជាច្រើនប្រភេទប្រៀបដូចជាសត្វមកពីក្រៅភពអញ្ចឹងដែរ។
អស់រយៈពេលជាច្រើនឆ្នាំកន្លងមកនេះ លោក Fedortsov បានចែករំលែនូវរូបភាពសត្វត្រីចម្លែកៗជាច្រើនប្រភេទនៅលើព័ត៌មានសង្គម ដើម្បីបង្ហាញឲ្យឃើញពីសត្វចម្លែកៗបំផុតជាច្រើនដែលលោកបានជួបប្រទះ ខណៈពេលដែលមនុស្សជាច្រើនទៀត ចង់ស្គាល់ពីសត្វសមុទ្រដ៏គួរឲ្យចាប់អារម្មណ៍ទាំងអស់នេះ។
នាវានេសាទដែលលោក Fedortsov ធ្វើការជាមួយ គឺជានាវានេសាទថ្នាក់ពាណិជ្ជកម្ម នេសាទប្រភេទថ្មីម័ររុយ ត្រីហាដុក និងត្រីស្បែកា ជាដើម។ ប៉ុន្តែសត្វសមុទ្រដែលថតបានទាំងនេះ ត្រូវពួកគេនេសាទបានផងដែរ។
ជាក់ស្តែង ក្រុមអ្នកនេសាទរបស់លោក Fedortsov នេសាទបានត្រីចម្លែកមានធ្មេញគួរឲ្យខ្លាចមិនដូចជាសត្វត្រីអ្វីឲ្យពិតប្រាកដ មានភ្នែកខៀវ ហើយត្រីខ្លះទៀត មានមាឌធំប៉ុនមនុស្សទៀតផង។
លោក Fedortsov បានសិក្សានៅសាកលវិទ្យាល័យសិក្សាពីសមុទ្រ ស្ថិតនៅក្នុងទីក្រុង Murmansk ហើយលោកក៏ជាអ្នកជំនាញលើសិក្សាពីត្រីផងដែរ។
នៅក្នុងកិច្ចខិតខំអប់រំអ្នកដើរកប៉ាល់ពីការរកឃើញសត្វសមុទ្រទឹកជ្រៅរបស់គាត់ លោក Fedortsov ជាញឹកញាប់ តែងតែចែករំលែកនូវរូបភាព និងព័ត៌មានពីសមុទ្រដ៏ចម្លែកទាំងអស់នេះ ដោយភាគច្រើននៃសត្វត្រីចម្លែកទាំងអស់នេះ ត្រូវបានរកឃើញនៅក្នុងសមុទ្រណ័រវ៉េ និងសមុទ្របារ៉េន ជាហេតុធ្វើឲ្យមានអ្នកដើរតាមរាប់ម៉ឺនរាប់សែននាក់នៅតាមបណ្តាញសង្គម Twitter និង Instagram។
កាសែត TomoNews ដែលមានមូលដ្ឋាននៅសហរដ្ឋអាមេរិក បាននិយាយថា ភាគច្រើននៃត្រីចម្លែកទាំងអស់នេះ ពួកគេគ្មានចេតនាចង់នេសាទនោះទេ ប៉ុន្តែវាជាប់សំណាញ់ដោយចៃដន្យ៕
